Գործատուն կարող է ՊՇՌ թեստ չներկայացնելու կամ չպատվաստվելու համար աշխատողին հանել գործից

© Sputnik / Григорий Сысоев / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 07.12.2021
Արխիվային լուսանկար
Բաժանորդագրվեք
Առաջարկվող կարգավորումները չեն տարածվելու որոշ պետական ու հանրային պաշտոնյաների նկատմամբ։ Դրանք են` հանրապետության նախագահը, ԱԺ պատգամավորները, վարչապետը, համայնքի ղեկավարներն ու ավագանու անդամները, մարդու իրավունքների պաշտպանը, դատավորները, գլխավոր դատախազը և այլն։
ԵՐԵՎԱՆ, 7 դեկտեմբերի – Sputnik. Գործատուն կարող է աշխատողին ազատել աշխատանքից, եթե վերջինս ՊՇՌ թեստ չներկայացնի կամ չպատվաստվի։
«Աշխատանքային օրենսգրքում» ու «Հանրային ծառայությունների մասին» օրենքում համապատասխան փոփոխությունների նախագիծն այսօր ԱԺ նիստում ներկայացրեց ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանը։
Թեստի հանձնում - Sputnik Արմենիա, 1920, 19.11.2021
Դեկտեմբերի 1-ից ՀՀ չպատվաստված քաղաքացիները պետք է շաբաթը մեկ ՊՇՌ-թեստ հանձնեն. որոշում
«Եթե աշխատողը չի ներկայացնում թեստավորման կամ պատվաստման մասին փաստաթուղթը, գործատուին իրավունք է տրվում չթույլատրել ներկայանալ աշխատանքի վայր, նաև չվճարել այդ ժամանակահատվածի համար աշխատավարձ, և այդպես 10 աշխատանքային օր կամ հերթափոխ չներկայանալու դեպքում գործատուն իրավունք է ձեռք բերում աշխատողին աշխատանքից ազատելու։ Նույն պատճառով 3 ամսվա ընթացքում 20 աշխատանքային օրվա բացակայությունը ևս գործատուի համար իրավունք է հանդիսանում աշխատողի հետ աշխատանքային պայմանագիրը լուծելու»,– նախագիծը ներկայացնելիս ասաց փոխնախարարը։
Նա նաև հայտնեց, որ այդ օրերը չեն կարող հաշվարկվել որպես արձակուրդ կամ աշխատանքային ստաժ։ Գործատուն պարտավոր է իր որոշման մասին 3 օր առաջ տեղյակ պահել աշխատողին։ Գործատուի պարտավորությունների մեջ ամրագրվել է նաև աշխատավայրում հակահամաճարակային կանոնների ապահովումը։
Պատվաստման հավաստագիր - Sputnik Արմենիա, 1920, 13.10.2021
ՊՇՌ թեստ՝ պատվաստման երկրորդ դեղաչափը ուշ ստանալու պարագայում․ ԱՆ պարզաբանումը
Ի դեպ, առաջարկվող կարգավորումները չեն տարածվելու որոշ պետական ու հանրային պաշտոնյաների նկատմամբ։ Դրանք են` հանրապետության նախագահը, Ազգային ժողովի պատգամավորները, վարչապետը, համայնքի ղեկավարները և համայնքի ավագանու անդամները, մարդու իրավունքների պաշտպանը, Սահմանադրական դատարանի դատավորները, անկախ պետական մարմնի անդամները, ինքնավար մարմնի անդամները, Վիճակագրության պետական խորհրդի անդամները, Վճռաբեկ, Վերաքննիչ և Առաջին ատյանի դատարանի դատավորները, գլխավոր դատախազը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала