https://arm.sputniknews.ru/20211213/krakvocner-erevanum-vnasvel-e-khachatur-suqiasjani-avtvomeqenan-36429312.html

Կրակոցներ Երևանում. վնասվել է Խաչատուր Սուքիասյանի ավտոմեքենա՞ն

Կրակոցներ Երևանում. վնասվել է Խաչատուր Սուքիասյանի ավտոմեքենա՞ն

Sputnik Արմենիա

Դեպքի վայրի զննության արդյունքում հայտնաբերվել է 10 հատ 7.62 մմ տրամաչափի կրակված պարկուճ։ 13.12.2021, Sputnik Արմենիա

2021-12-13T19:09+0400

2021-12-13T19:09+0400

2021-12-13T19:56+0400

խաչատուր սուքիասյան

հհ քննչական կոմիտե

կրակոց

քրեական գործ

ավտոմեքենա

եղբայր

https://cdn.am.sputniknews.ru/img/07e5/08/04/28549742_0:0:1600:901_1920x0_80_0_0_db29261b81c1cbed7e0b556bfe7943d7.jpg

ԵՐԵՎԱՆ, 13 դեկտեմբերի – Sputnik. ՀՀ քննչական կոմիտեն հայտնում է, որ քրեական գործ է հարուցվել դեկտեմբերի 11-ին Երևանի Արաբկիր վարչական շրջանում հնչած կրակոցների փաստով։Ըստ ՔԿ–ի` դեկտեմբերի 11-ին, ժամը 16։15-ի սահմաններում, ենթադրյալ հանցագործություն կատարած անձը, դիտավորությամբ կոպիտ կերպով խախտելով հասարակական կարգը, իր մոտ ապօրինի պահվող ինքնաձիգից կրակոցներ է արձակել Երևանի Վ.Դավթյան փողոցում կայանված «Մերսեդես-Բենց» մակնիշի ավտոմեքենայի ուղղությամբ` վնասելով այն:Դեպքի վայրի զննության արդյունքում հայտնաբերվել է 10 հատ 7.62 մմ տրամաչափի կրակված պարկուճ, իսկ «Մերսեդես-Բենց» մակնիշի ավտոմեքենայի վրա հայտնաբերվել է կրակոցներից առաջացած 12 հետք:Նույն օր տղամարդը կրակոցներ է արձակել նաև Արաբկիր 17 և Ռիգա փողոցների հատման վայրում գտնվող խանութի մոտ, որտեղ դեպի օդ է կրակել ու դիմել փախուստի:Բարեբախտաբար, կրակոցներից ոչ ոք չի տուժել։Իրավապահները պարզել են, որ կրակողը Երևանի 38-ամյա բնակիչ է:Նրան հայտնաբերելու ուղղությամբ ձեռնարկվում են անհրաժեշտ միջոցառումներ:Նշենք, որ մամուլի հրապխարակումների համաձայն` կրակոցներից վնասված ավտոմեքենան պատկանում է ՀՀ ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանին։Հիշեցնենք` հունիսի 18-ին Երևանի Ամիրյան փողոցի` Մաշտոց–Սարյան հատվածում` ԱԱԾ Երևանի վարչության դիմաց կրակոցներ էին արձակել սև Mazda 6 մակնիշի ավտոմեքենայից։Ըստ ձեռք բերված նախնական տեղեկությունների՝ կրակողը եղել էր Խաչատուր Սուքիասյանի եղբայրը` Ռոբերտ Սուքիասյանը։ Նա իր մոտ եղած հրազենից կրակել էր Ամերիկայի Միացյալ Նահանգների քաղաքացի, 42-ամյա Հարութ Հաբգարյանի ոտքին։Հրազենային, կտրած-ծակած վերքեր. մանրամասներ են հայտնի Ամիրյանում հնչած կրակոցների դեպքիցՈստիկաններն ու քննիչները պարզել են, որ նույն օրը՝ ժամը 19:00-ի սահմաններում, նշված վայրում կենցաղային հարցերի շուրջ վիճաբանություն է տեղի ունեցել Երևան քաղաքի բնակիչներ`51-ամյա Ռոբերտ Սուքիասյանի, 47-ամյա Արման Ապիյանի, 33-ամյա Վարազդատ Գասպարյանի, 29-ամյա Սարգիս Աբգարյանի և մյուս կողմից՝ Երևանի բնակիչ, 35-ամյա Նարեկ Կարապետյանի և Հ. Հաբգարյանի միջև: Ընդ որում, վիճաբանության թեման եղել էր Ապիյանի կնոջը վիրավորանք հասցնելը։Դեպքի առթիվ ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական 2-րդ բաժնում հարուցվել է քրեական գործ՝ ՀՀ քրեական օրենսգրքի 258-րդ հոդվածի (Խուլիգանություն) 4-րդ մասով և 235-րդ հոդվածի (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասով։Խաչատուր Սուքիասյանի եղբոր՝ Ռոբերտ Սուքիասյանի նկատմամբ հարուցված քրեական գործի նախաքննությունն ավարտվել է։Նրա նկատմամբ կիրառված խափանման միջոց կալանքը փոխարինվել է 50 մլն դրամի չափով գրավով։

https://arm.sputniknews.ru/20210722/cucadrabar-ktakel-e-xachatur-suqiasyani-exbayry-kkalanavorvi-28380076.html

https://arm.sputniknews.ru/20210719/krakoc-amiryan-poxoc-qnnchakan-komite-manramasner-28339749.html

2021

Լուրեր

am_HY

խաչատուր սուքիասյան, հհ քննչական կոմիտե, կրակոց, քրեական գործ, ավտոմեքենա, եղբայր