https://arm.sputniknews.ru/20211214/hajastani-kb-khvorhurdy-tntesakan-herankarum-gnatshi-risker-e-kankhatesum-36456121.html

Հայաստանի ԿԲ խորհուրդը տնտեսական հեռանկարում գնաճի ռիսկեր է կանխատեսում

Հայաստանի ԿԲ խորհուրդը տնտեսական հեռանկարում գնաճի ռիսկեր է կանխատեսում

Sputnik Արմենիա

ՀՀ ԿԲ նախագահը վստահեցնում է, որ գնաճային դրսևորումների պարագայում ԿԲ–ն պատրաստ է ապահովել գների կայունության նպատակի իրագործումը։ 14.12.2021, Sputnik Արմենիա

2021-12-14T15:34+0400

2021-12-14T15:34+0400

2021-12-14T15:42+0400

հայաստան

կենտրոնական բանկ (կբ)

գնաճ

մարտին գալստյան

տնտեսություն

https://cdn.am.sputniknews.ru/img/07e5/02/10/26476367_0:0:3081:1733_1920x0_80_0_0_653a4c98df9f8d62a021ebe3145fef1a.jpg

ԵՐԵՎԱՆ, 14 դեկտեմբերի – Sputnik. Նոյեմբեր ամսվա ընթացքում Հայաստանում գրանցվել է 1.7 տոկոս գնաճ, իսկ 12-ամսյա գնաճը կազմել է 9.6 տոկոս։ Այսօր հրավիրած մամուլի ասուլիսում մեկնաբանելով վերաֆինանսավորման տոկոսադրույքը 0.5 տոկոսային կետով ավելացնելու` ՀՀ ԿԲ խորհրդի որոշումը` այս մասին ասաց ՀՀ ԿԲ նախագահ Մարտին Գալստյանը։Նա նշեց, որ ՀՀ տնտեսությունն այսօր էլ շարունակում է մնալ արտաքին ու ներքին գնաճային ճնշումների ներքո։«Միջազգային շուկաներում նկատվում է գնաճային միջավայրի ընդլայնում, ինչն արտահայտվում է ՀՀ գործընկեր երկրներում ներքին գնաճի նախկին կանխատեսումների համեմատ էական ավելացմամբ։ Ձևավորված բարձր գնաճային սպասումների մեղմման և գնաճի թիրախի ապահովման նպատակով գործընկեր երկրների կենտրոնական բանկերը շարունակում են խստացնել դրամավարկային պայմանները։ Այս պարագայում ՀՀ տնտեսության վրա արտաքին հատվածից ակնկալվում է գնաճային ազդեցության ավելացում», – ասաց Գալստյանը։Ինչ վերաբերում է ՀՀ ներքին տնտեսական իրողություններին, ԿԲ նախագահը նշեց, որ ՀՀ տնտեսական ակտիվությունը շարունակում է ցածր մնալ` պայմանավորված գյուղատնտեսության ու արդյունաբերության ճյուղերի աճի դանդաղմամբ։Տնտեսության վրա դրական է ազդում զբոսաշրջության` սպասվածից բարձր ակտիվությունը։Այդուհանդերձ, ՀՀ ԿԲ խորհուրդը կանխատեսում է, որ 12-ամսյա գնաճը կկայունանա նպատակային 4.5 տոկոս ցուցանիշին մոտ, թեև կարճաժամկետ կանխատեսումները հիմնականում հուշում են սպասվող գնաճի մասին։Ինչպես արդեն հայտնել ենք` ՀՀ ԿԲ խորհուրդն այսօրվա նիստում որոշում է կայացրել բարձրացնել վերաֆինանսավորման տոկոսադրույքը 0.5 տոկոսային կետով՝ սահմանելով 7.75%:Հիշեցնենք` ԿԲ հաստատած վերաֆինանսավորման տոկոսադրույքը մինչ այս պահը 7.25% էր։ Այն վերջին անգամ բարձրացվել էր սեպտեմբերին` 7 տոկոսից բարձրացվելով 7.25%-ի։Ավելի ուշ` նոյեմբերի 17-ին, ԱԺ–ում Մարտին Գալստյանը հայտարարել էր, որ ՀՀ–ում այդ պահին գրանցված գնաճը 9.1 տոկոս է։Գնաճի հիմնական պատճառն, ըստ նրա, ամբողջ աշխարհում պարենի բարձր գներն են, բեռնափոխադրումների թանկացումն ու շատ երկրներում այս տարի ստացված ցածր բերքը։Մարտին Գալստյանը հայտարարել էր, որ գնաճը զսպելու համար ԿԲ–ն տարվա ընթացքում արդեն մի քանի անգամ բարձրացրել է վերաֆինանսավորման տոկոսադրույքը։Գնաճի բարձր մակարդակը դեռ կպահպանվի. ԿԲ–ն վերաֆինանսավորման տոկոսադրույքը թողեց անփոփոխՆշենք, որ 2021թ–ին առաջին անգամ ԿԲ–ն վերաֆինանսավորման տոկոսադրույքը բարձրացրել էր փետրվարի 2-ին` 0.25 տոկոսով ` սահմանելով 5.5%:Մինչ այդ` 2020թ–ին, ԿԲ –ն, հակառակը, մի քանի անգամ նվազեցրել էր տոկոսադրույքը` այն հասցնելով 4.25%-ի:

https://arm.sputniknews.ru/20211214/kbn-sharunakum-e-zspel-gnatshy-verafinansavvorman-tvokvosadrujqy-hascvel-e-775i-36448485.html

https://arm.sputniknews.ru/20210202/2020-i-dektemberin-ardzanagrvele-3-4-tokos-gnaj-26308154.html

2021

Լուրեր

am_HY

հայաստան, կենտրոնական բանկ (կբ), գնաճ, մարտին գալստյան, տնտեսություն