Խաղաղապահներն Արցախում Covid-19–ի դեմ պայքարի միջոցներ են ձեռնարկել դիտակետերում

Բաժանորդագրվեք
Դիտակետերն ախտահանվել են ժամանակակից սարքի օգնությամբ։
Ռուսական խաղաղապահ զորախմբի ռազմական բժիշկները կանխարգելիչ միջոցառումներ են իրականացրել կորոնավիրուսային նոր վարակի տարածումը դիտակետերում թույլ չտալու համար։ Տեղեկությունը հայտնում է ՌԴ ՊՆ մամուլի ծառայությունը։

«Ռուսական խաղաղապահ զորախմբի սանիտարահամաճարակային բաժանմունքը շարունակում է միջոցներ ձեռնարկել կորոնավիրուսի նոր վարակի առաջացումն ու տարածումը կանխելու համար։ Այս փուլում մենք սկսել ենք ախտահանել դիտակետերը ժամանակակից ախտահանող սարքի կիրառմամբ», – ասել է Ռուսաստանի խաղաղապահ զորակազմի ներկայացուցիչ Մաքսիմ Կուրլիչկինը։

Նշվում է, որ ՌԴ խաղաղապահ զորախմբի բժշկական ծառայության մասնագետները պարբերաբար ախտահանում են իրենց ծառայության, հանգստի, սննդի ընդունման և ժամանցի վայրերն ու մարզադահլիճները։
Covid-19–ի դեմ պայքարի համար հատուկ մշակումն իրականացվում է սառը մշուշի գեներատորի միջոցով` հատուկ աերոզոլների, սպիրտ պարունակող ախտահանիչ միջոցների, ինչպես նաև քլոր պարունակող լուծույթների ցողման ճանապարհով։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала