https://arm.sputniknews.ru/20211230/vardenisum-ynddimutjuny-hamajnqapet-yntrec-ir-teknatsuin-37042732.html

Վարդենիսում ընդդիմությունը համայնքապետ ընտրեց իր թեկնածուին

Վարդենիսում ընդդիմությունը համայնքապետ ընտրեց իր թեկնածուին

Sputnik Արմենիա

Իշխող «Քաղաքացիական պայմանագիր» կուսակցության ներկայացուցիչները նիստն ու ընտրությունները համարում են ոչ լեգիտիմ։ 30.12.2021, Sputnik Արմենիա

2021-12-30T17:21+0400

2021-12-30T17:21+0400

2021-12-30T17:30+0400

քաղաքապետ

վարդենիս

https://cdn.am.sputniknews.ru/img/07e5/07/1c/28463535_0:0:1280:721_1920x0_80_0_0_375c8391ade0ccf594e2b488b4d651a7.jpg

ԵՐԵՎԱՆ, 30 դեկտեմբերի - Sputnik. Վարդենիս քաղաքի ավագանու ընդդիմադիր ներկայացուցիչները նիստ գումարեցին և 14 կողմ ձայնով քաղաքապետ ընտրեցին «Ահարոն Խաչատրյան» դաշինքի առաջնորդ և թեկնածու Ահարոն Խաչատրյանին:Նրա խոսքով՝ այսօրվա նիստը հետաձգվել էր մինչև հունվարի 3-ը, ինչի պատճառով իրենք չեն մասնակցել դրան։Հաջորդ նիստը տեղի կունենա 2022 թվականի փետրվարի 8-ին։Հիշեցնենք, որ Վարդենիսի ավագանու անդրանիկ նիստը նշանակվել էր դեկտեմբերի 30-ին։ Նիստի մեկնարկից առաջ Վարդենիսի քաղաքապետի պաշտոնակատար Արամ Մելքոնյանի և «Ահարոն Խաչատրյան» դաշինքի անդամ Կարեն Մկրտչյանի միջև վիճաբանություն էր եղել: Մելքոնյանը պահանջել էր, որ Մկրտչյանը լքի շենքը՝ նրան մեղադրելով հակաօրինական գործողությունների մեջ։Վեճին միջամտել էին ոստիկանները, որոնք բերման էին ենթարկել ավագանու 2 ներկայացուցչի։ Այսպիսով, խորհրդի առաջին նիստը տապալվել էր։Հիշեցնենք` դեկտեմբերի 5-ին կայացած ՏԻՄ ընտրություններում «Քաղաքացիական պայմանագիրը» ստացել է 13 մանդատ, «Ահարոն Խաչատրյան» կուսակցությունների դաշինքը` 10, իսկ «Միասնական Վարդենիս» կուսակցությունների դաշինքը` 4 մանդատ։ Ելնելով արդյունքներից` «Ահարոն Խաչատրյան» և «Միասնական Վարդենիս» դաշինքները միավորվելու որոշում են կայացրել ու հայտարարություն ստորագրել։ Այսպիսով, նրանք բավարար մանդատ ունեն, որպեսզի քաղաքապետ առաջադրեն, սակայն այս ամենից հետո մեղադրանք առաջադրվեց «Միասնական Վարդենիս» դաշինքի ցուցակը գլխավորող, Վարդենիսի նախկին ղեկավար Արամ Հարությունյանին։Նշենք, որ դեկտեմբերի 10-ին Գավառի ընդհանուր իրավասության դատարանը բավարարել է ՀՀ քննչական կոմիտեի միջնորդությունն ու կալանավորել Հարությունյանին։ Նա մեղադրվում է պաշտոնեական լիազորությունները չարաշահելու, փաստաթղթեր, դրոշմներ, կնիքներ ձևաթղթեր, տրանսպորտային միջոցների պետհամարանիշներ կեղծելու, իրացնելու կամ օգտագործելու, ինչպես նաև խարդախության մեջ։

https://arm.sputniknews.ru/20211215/mer-nkatmamb-arshav-e-sksvel-vardenisum-qp-n-chi-uzum-zijel-hamajnqi-karavarumy-36528668.html

վարդենիս

2021

Լուրեր

am_HY

քաղաքապետ, վարդենիս