https://arm.sputniknews.ru/20220111/sjuniqi-tshanaparhn-adrbejanin-zijelu-hramany-storagrel-e-vagharshak-harutjunjany-ynddimutjun-37382732.html

Ճանապարհն Ադրբեջանին զիջելու հրամանը ստորագրել է Վաղարշակ Հարությունյանը. ընդդիմություն

Ճանապարհն Ադրբեջանին զիջելու հրամանը ստորագրել է Վաղարշակ Հարությունյանը. ընդդիմություն

Sputnik Արմենիա

Ընդդիմադիր պատգամավորը հայտարարեց, որ փաստաթուղթը մի տարի գաղտնի է պահվել, ասվել է, թե հրամանը բանավոր է եղել։ 11.01.2022, Sputnik Արմենիա

2022-01-11T13:06+0400

2022-01-11T13:06+0400

2022-01-11T13:46+0400

ադրբեջան

սյունիք

ճանապարհ

վաղարշակ հարությունյան

գեղամ մանուկյան

https://cdn.am.sputniknews.ru/img/07e5/07/0d/28271814_0:51:1001:614_1920x0_80_0_0_79310102cdfee5dda5dc679eab3d3ae6.jpg

ԵՐԵՎԱՆ, 11 հունվարի – Sputnik. 2020թ-ի դեկտեմբերին Սյունիքի ճանապարհն ադրբեջանական կողմին զիջելու հրամանը ստորագրել է պաշտպանության նախկին նախարար Վաղարշակ Հարությունյանը։ Այս մասին այսօր ԱԺ պաշտպանության ու անվտանգության հարցերի մշտական հանձնաժողովի նիստում հայտարարեց «Հայաստան» խմբակցության պատգամավոր Գեղամ Մանուկյանը` պնդելով, որ հրամանը եղել է գրավոր, ու փաստաթուղթն էլ պահվում է ՊՆ–ում։ Գորիս-Կապան ճանապարհահատվածի տուրքից Ադրբեջանի պետբյուջե մոտ 1,2 մլն դոլար է մտել«Մի քանի շաբաթ առաջ, բազմաթիվ հարցումների հիման վրա պարզ դարձավ, որ, հակառակ իշխանությունների 1 տարվա պնդման, Սյունիքում ՀՀ ԶՈւ–ն հետ են քաշել և Գորիս–Կապան ավտոճանապարհի 21 կմ–անոց հատվածը թշնամուն է հանձնվել ոչ թե ինչ–որ բանավոր պայմանավորվածույունների, ինչ–որ հանգամանքների պարտադրանքով, այլ ուղղակի դավադիր հուշագրի ստորագրման հիման վրա»,– ասաց Մանուկյանը։Նա նաև հիշեցրեց, որ իր այդ հայտարարությունից հետո Գագիկ Մելքոնյանն ասել էր, որ երևի ռուսներից կամ ադրբեջանցիներից է ինքն ստացել այդ փաստաթուղթը։ Օգտվելով այն հանգամանքից, որ այսօր հանձնաժողովի նիստին ներկա են ՀՀ պաշտպանության փոխնախարար Արման Սարգսյանն ու ԱԺ «Քաղաքացիական պայմանագիր» խմբակցության պատգամավոր, պաշտպանության նախկին փոխնախարար, գեներալ-լեյտենանտ Գագիկ Մելքոնյանը, Մանուկյանը փորձեց պարզաբանում մտցնել վաղուց քննարկվող այդ հարցում։«Պարո՛ն Սարգսյան, խնդրում եմ, Մելքոնյան Գագիկին ասեք, որ այդ փաստաթուղթը ՊՆ-ում է դրված, լավ էլ Վաղարշակ Հարությունյանը` արդեն դեսպան, ստորագրել է, մի տարի գաղտնի են պահել ժողովրդից, մի տարի ասել են, որ բանավոր է, վերջում պարզվում է, որ լավ էլ գրավոր է»,– ասաց Մանուկյանը։Գագիկ Մելքոնյանը ճշտեց, որ իր հայտարարությունը վերաբերել է նոյեմբերի 9-ի հայտարարությանը։ Բայց Մանուկյանը հեռացավ հանձնաժողովի նիստերի դահլիճից` չլսելով իշխանամետ գործընկերոջ պարզաբանումը։ Իսկ պաշտպանության փոխնախարար Արման Սարգսյանն ընդհանրապես չարձագանքեց պատգամավորի հայտարարությանը։ Ինչո՞ւ են կառուցել Գորիս–Կապան ճանապարհը, ինչո՞ւ այն չի կարող լինել ադրբեջանական. ՔոչինյանՀիշեցնենք` 2021թ-ի հոկտեմբերի 27-ի ԱԺ նիստում, կառավարության հետ հարցուպատասխանի ժամանակ «Հայաստան» խմբակցության անդամ Գեղամ Մանուկյանն ասել էր, որ մինչեւ օրս կառավարության որեւէ գերատեսչություն չի պատասխանել իր գրավոր հարցումներին, չի հստակեցրել, թե ինչի հիման վրա են 2020թ–ի դեկտեմբերին ՀՀ ԶՈւ–ը հետ քաշվել Սյունիքի սահմանից։Մանուկյանը հայտարարել էր, որ, ըստ Սիսիանի նախկին քաղաքապետի, պաշտպանության նախկին նախարար Վաղարշակ Հարությունյանն է հրահանգել կամավորներին ու բանակին հետ քաշվել Սյունիքում իրենց զբաղեցրած դիրքերից։Նշենք, որ 2020-ի հունվարի 5-ին նախկին նախարար Վաղարշակ Հարությունյանը նախագահ Արմեն Սարգսյանի հրամանագրով նշանակվել է ՌԴ-ում ՀՀ արտակարգ և լիազոր դեսպան։

https://arm.sputniknews.ru/20211208/inch-e-katarvum-gvoris-kapan-majrughun-ajlyntranq-dardzats-tshanaparhnerin-36202495.html

ադրբեջան

սյունիք

2022

Լուրեր

am_HY

ադրբեջան, սյունիք, ճանապարհ, վաղարշակ հարությունյան, գեղամ մանուկյան