Դատարանն Արմեն Գևորգյանին կրկին թույլ չտվեց մեկնել Ստրասբուրգ` ԵԽԽՎ նիստին

© Sputnik / Asatur YesayantsԱննա Դանիբեկյան
Աննա Դանիբեկյան - Sputnik Արմենիա, 1920, 18.01.2022
Աննա Դանիբեկյան
Բաժանորդագրվեք
Yandex newsTelegram
Դատավոր Աննա Դանիբեկյանը պատգամավորի ներկայացրած հիմնավորումներն անբավարար է համարել և որոշել է, որ Գևորգյանը նիստին առցանց էլ կարող է մասնակցել։
ԵՐԵՎԱՆ, 18 հունվարի – Sputnik. Երևանի ընդհանուր իրավասության դատարանը դատավոր Աննա Դանիբեկյանի նախագահությամբ մերժեց Ստրասբուրգում ԵԽԽՎ նիստին նախկին փոխվարչապետ Արմեն Գևորգյանի մասնակցության վերաբերյալ` պաշտպանի միջնորդությունը։
Պատգամավորների մի մասը նիստին պետք է մասնակցի առցանց ձևաչափով, սակայն մի քանի ներկայացուցիչ Ստրասբուրգ կմեկնեն։ Պարտադիր ներկաների թվում, ըստ Գևորգյանի, պետք է ընդդիմության ներկայացուցիչներ լինեն։

«ԵԽԽՎ–ի այս նստաշրջանում Հայաստանի մասին զեկույց կա, որին ընդդիմության ներկայացուցչի ներկայությունը պարտադիր է», – նշեց Գևորգյանը։

Ի պատասխան դատավոր Դանիբեկյանը հայտարարեց, որ պաշտպանող կողմը չի ապացուցել, որ Գևորգյանը չի կարող մասնակցել նիստին առցանց։ Բացի այդ, նույն ժամանակահատվածում` հունվարի 23-29–ը, նրա գործով դատական նիստ կա նշանակված (հունվարի 25-ին)։
Արմեն Գևորգյան - Sputnik Արմենիա, 1920, 12.10.2021
Դատարանը Արմեն Գևորգյանին թույլ չտվեց մեկնել Մոսկվա․ նիստը հետաձգվեց
«Դա հաշվի առնելով դատարանը կարծում է, որ Գևորգյանը չի հիմնավորել իր բացակայության հարգելի լինելը։ Ներկայացրած փաստաթղթերը վկայում են, որ միջոցառմանը հնարավոր է նաև առցանց մասնակցել», – նշել է Դանիբեկյանը` մերժելով պաշտպանության կողմի միջնորդությունը։
Ավելի վաղ ՀՀ նախկին փոխվարչապետ Արմեն Գևորգյանի փաստաբանը Հայաստանից պատգամավորի մեկնումը թույլ տալու և ԵԽԽՎ նիստին մասնակցելու վերաբերյալ միջնորդություն էր ներկայացրել դատարան։
Դանիբեկյանը հետաձգել էր միջնորդության ուսումնասիրությունը մինչև կոնկրետ ժամկետների հստակեցումը։
Հիշեցնենք, որ ՀՀ երկրորդ նախագահ Ռոբերտ Քոչարյանն ու նախկին փոխվարչապետ Արմեն Գևորգյանը քրեական գործով անցնում են որպես մեղադրյալներ։ Քոչարյանը մեղադրվում է առանձնակի խոշոր չափերով կաշառք ստանալու, իսկ Գևորգյանը` փողերի լվացման մեջ։
Լրահոս
0