Եթե Թուրքիայում իշխանության գա արևմտամետ ուժ, Հայաստանի մանևրելու դաշտը կմեծանա. թուրքագետ

© AFP 2023 / BULENT KILICՌեջեփ Թայիփ Էրդողան
Ռեջեփ Թայիփ Էրդողան - Sputnik Արմենիա, 1920, 04.03.2022
Բաժանորդագրվեք
НовостиTelegram
Թուրքական քաղաքական դաշտում կուսակցությունների մեծ մասն ազգայնական են, այնպես չէ, որ ընդդիմադիրների կառավարման ժամանակ հայերն արտոնյալ են եղել, կամ Հայաստանի հետ քաղաքականությունն այլ է եղել։
ԵՐԵՎԱՆ, 4 մարտի - Sputnik. Թուրքագետ Անահիտ Վեզիրյանի կարծիքով՝ եթե Թուրքիայում 2023թ․ նախագահական ընտրություններին ընտրվի արևմտամետ ուժ, որը կթեքվի դեպի Եվրոպա, Հայաստանի մանևրելու դաշտը կմեծանա, այդ երկիրը կդառնա Հայաստանի համար ավելի կանխատեսելի, քան հիմա՝ էրդողանական Թուրքիայի դեպքում։ Թուրքագետը Sputnik Արմենիայի եթերում մեկնաբանել է 2023թ․ Թուրքիայում կայանալիք ընտրությունները, հավանական թեկնածուներն ու նրանց վարկանիշները։
Եթե իշխանության թեկնածուն հայտնի է՝ կրկին Էրդողանն է լինելու, ապա ընդդիմության մասը, Վեզիրյանի կարծիքով, ավելի բարդ է։ Ընդդիմադիրներն այժմ հող են նախապատրաստում միասին մեկ ճակատով ներկայանալու համար, հավանական է նոր թեկնածուներ էլ ի հայտ գան։
«Բարդ է ասել՝ ընդդիմադիրները կկարողանա՞ն միավորվել Էրդողանի դեմ, թե՞ ոչ, բայց տեսնում ենք, որ ակտիվ շարժ կա ու ցանկություն՝ Էրդողանին իշխանությունից հեռացնելու»,-ասաց թուրքագետը։
Հարցին՝ որ ուժի ընտրվելն է Հայաստանի տեսանկյունից ավելի ձեռնտու, Վեզիրյանը պատասխանեց, որ իրականում Թուրքիայում կուսակցությունների մեծ մասն ազգայնական են, բայց գլխավոր ընդդիմադիր Ժողովրդահանրապետական կուսակցությունը ավելի հակված է դեպի արևմուտք։ Միակ հնարավոր փոփոխությունը Հայաստանի հետ քաղաքականության մեջ այն է, որ եթե Թուրքիայում իշխանության գա արևմտամետ ուժ, կմեծանա Հայաստանի մանևրելու դաշտը։
«Հիմա Հայաստանի մանևրելու դաշտը շատ փոքր է, իսկ եթե քո հակառակորդ երկիրը կամ այն երկիրը, որի հետ դու բանակցում ես, հակված լինի դեպի Եվրոպա, շատ ավելի կանխատեսելի է դառնում, քան հիմա էրդողանական Թուրքիան է»,-ընդգծեց Վեզիրյանը։
Հիշեցնենք՝ Էրդողանի կուսակցության փոխնախագահը երեկ հայտարարել էր ընտրությունների անցկացման հստակ օրը։ Դրանք լինելու են 2023թ․ հունիսի 18-ին։ Նա նաև նշել էր, որ իշխանության թեկնածուն նորից Էրդողանը կլինի, որևէ խոչընդոտ չկա նրա թեկնածության համար։
Լրահոս
0