https://arm.sputniknews.ru/20220308/iravitshakn-ukrainajum-sparnaliq-e-hamashkharhajin-tntesutjan-hamar-moodysi-gnahatakany-39508047.html
Իրավիճակն Ուկրաինայում սպառնալիք է համաշխարհային տնտեսության համար. Moody's–ի գնահատականը
Իրավիճակն Ուկրաինայում սպառնալիք է համաշխարհային տնտեսության համար. Moody's–ի գնահատականը
Sputnik Արմենիա
Ռուս–ուկրաինական հակամարտությունն ազդում է ոչ միայն երկու երկրների տնտեսությունների վրա, այլև կարող է վտանգել եվրոպական տնտեսության վերականգնումը կորոնավիրուսի... 08.03.2022, Sputnik Արմենիա
2022-03-08T12:57+0400
2022-03-08T12:57+0400
2022-03-08T13:01+0400
ռուսաստան
ուկրաինա
պատերազմ
տնտեսություն
գնաճ
https://cdn.am.sputniknews.ru/img/07e6/02/12/38850906_0:44:1600:944_1920x0_80_0_0_57a7a0e5c9aa2c214843b95d28fe149b.jpg
ԵՐԵՎԱՆ, 8 մարտի – Sputnik. Moody's վարկանիշային գործակալությունը հերթական զեկույցն է հրապարակել` գնահատելով ռուս–ուկրաինական հակմարտության հնարավոր ազդեցությունը համաշխարհային տնտեսության վրա։Ինչպես հայտնում է ռուսական РБК-ն, զեկույցում նշվում է, որ Ուկրաինայում մարտական գործողություններն ու ՌԴ–ի դեմ կիրառված պատժամիջոցներն արդեն հանգեցրել են էներգակիրների և գյուղատնտեսական ապրանքների գների բարձրացման։ Գործակալությունը հիշեցնում է, որ Ռուսաստանին և Ուկրաինային բաժին է ընկնում ցորենի համաշխարհային արտահանման շուրջ 25%-ը:«ԱՄՆ-ի, Եվրոպայի և այլ երկրների կողմից Ռուսաստանի դեմ պատժամիջոցները լուրջ ռիսկեր են առաջացրել համաշխարհային տնտեսության հեռանկարների համար»,– ասված է զեկույցում։Moody's-ը նաև արձանագրում է, որ ռազմական գործողությունների մեկնարկից ի վեր ապրանքների գները կտրուկ աճել են, և եթե գները մնան այդ մակարդակում, դա սպառնում է էլ ավելի արագացնել գնաճը:Տնտեսական մեկնաբանության համաձայն, օրինակ` եգիպտացորենի թանկացումը կհանգեցնի կենդանական կերերի, իսկ դրա հետանքով` մսի ինքնարժեքի բարձրացմանը։ Թանկանում է նաև սոյան, որի առաջատար արտադրողն աշխարհում Ռուսաստանն է։ Կանխատեսվում է նաև պարարտանյութերի արժեքի կտրուկ բարձրացում։Վերլուծական գործակալության մասնագետները բացասական ազդեցություն են կանխատեսում նաև համաշխարհային ավտոարդյունաբերության ոլորտում։Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել։ Առիթ է դարձել այն, որ ԼԺՀ-ն ու ԴԺՀ-ն, որոնց ճանաչման մասին որոշումը Մոսկվան կայացրել էր փետրվարի 21-ին, օգնության խնդրանքով դիմել են ՌԴ-ին։Փետրվարի 22-ից Արևմուտքը տարբեր պատժամիջոցներ է սահմանել Ռուսաստանի նկատմամբ։
ուկրաինա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ռուսաստան, ուկրաինա, պատերազմ, տնտեսություն, գնաճ
ռուսաստան, ուկրաինա, պատերազմ, տնտեսություն, գնաճ
Իրավիճակն Ուկրաինայում սպառնալիք է համաշխարհային տնտեսության համար. Moody's–ի գնահատականը
12:57 08.03.2022 (Թարմացված է: 13:01 08.03.2022) Ռուս–ուկրաինական հակամարտությունն ազդում է ոչ միայն երկու երկրների տնտեսությունների վրա, այլև կարող է վտանգել եվրոպական տնտեսության վերականգնումը կորոնավիրուսի համաշխարհային ճգնաժամից հետո։
ԵՐԵՎԱՆ, 8 մարտի – Sputnik. Moody's վարկանիշային գործակալությունը հերթական զեկույցն է հրապարակել` գնահատելով ռուս–ուկրաինական հակմարտության հնարավոր ազդեցությունը համաշխարհային տնտեսության վրա։
Ինչպես
հայտնում է ռուսական РБК-ն, զեկույցում նշվում է, որ Ուկրաինայում մարտական գործողություններն ու ՌԴ–ի դեմ կիրառված պատժամիջոցներն արդեն հանգեցրել են էներգակիրների և գյուղատնտեսական ապրանքների գների բարձրացման։ Գործակալությունը հիշեցնում է, որ Ռուսաստանին և Ուկրաինային բաժին է ընկնում ցորենի համաշխարհային արտահանման շուրջ 25%-ը:
Զեկույցում նշվում է, որ թեև հացահատիկի համաշխարհային գներն արդեն կտրուկ բարձրացել են, բայց պայմանավորված այն հանգամանքով, որ ռազմական գործողությունները տեղի են ունենում ձմռանը և ոչ թե բերքահավաքի ժամանակ, մատակարարումների վրա դրանց ազդեցությունը դեռ այնքան էլ լուրջ չէ։
«ԱՄՆ-ի, Եվրոպայի և այլ երկրների կողմից Ռուսաստանի դեմ պատժամիջոցները լուրջ ռիսկեր են առաջացրել համաշխարհային տնտեսության հեռանկարների համար»,– ասված է զեկույցում։
Moody's-ը նաև արձանագրում է, որ ռազմական գործողությունների մեկնարկից ի վեր ապրանքների գները կտրուկ աճել են, և եթե գները մնան այդ մակարդակում, դա սպառնում է էլ ավելի արագացնել գնաճը:
Տնտեսական մեկնաբանության համաձայն, օրինակ` եգիպտացորենի թանկացումը կհանգեցնի կենդանական կերերի, իսկ դրա հետանքով` մսի ինքնարժեքի բարձրացմանը։ Թանկանում է նաև սոյան, որի առաջատար արտադրողն աշխարհում Ռուսաստանն է։ Կանխատեսվում է նաև պարարտանյութերի արժեքի կտրուկ բարձրացում։
«Սննդամթերքի գների բարձրացումը կնվազեցնի սպառողների գնողունակությունը, ինչը կարող է սրել սոցիալական լարվածությունը որոշ երկրներում»,- զգուշացնում է Moody's-ը:
Վերլուծական գործակալության մասնագետները բացասական ազդեցություն են կանխատեսում նաև համաշխարհային ավտոարդյունաբերության ոլորտում։
Հիշեցնենք` փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել։ Առիթ է դարձել այն, որ ԼԺՀ-ն ու ԴԺՀ-ն, որոնց ճանաչման մասին որոշումը Մոսկվան կայացրել էր փետրվարի 21-ին, օգնության խնդրանքով դիմել են ՌԴ-ին։
Փետրվարի 22-ից Արևմուտքը տարբեր պատժամիջոցներ է սահմանել Ռուսաստանի նկատմամբ։
