https://arm.sputniknews.ru/20220425/miajn-qnnadatelvov-heghapvokhutjun-ches-ani-zhvoghvovurdn-arden-zgushavvor-e-dardzel-qaghaqaget-41314185.html
Միայն քննադատելով հեղափոխություն չես անի, ժողովուրդն արդեն զգուշավոր է դարձել. քաղաքագետ
Միայն քննադատելով հեղափոխություն չես անի, ժողովուրդն արդեն զգուշավոր է դարձել. քաղաքագետ
Sputnik Արմենիա
Քաղաքագետ Սուրեն Սուրենյանցը Sputnik Արմենիայի եթերում անդրադարձել է ներքաղաքական զարգացումներին և խորհրդարանական ընդդիմության մարտավարությանն ու ակցիաներին։ 25.04.2022, Sputnik Արմենիա
2022-04-25T23:59+0400
2022-04-25T23:59+0400
2022-04-26T10:24+0400
ռադիո
պոդկաստ
«թավշյա հեղափոխություն»
հեղափոխություն
ընդդիմություն
բողոքի ակցիա
երևան
https://cdn.am.sputniknews.ru/img/07e6/04/19/41299857_0:290:1600:1190_1920x0_80_0_0_7433613f5c52f91372bf03691b28b828.jpg
Միայն քննադատելով հեղափոխություն չես անի, ժողովուրդն արդեն զգուշավոր է դարձել
Sputnik Արմենիա
Միայն քննադատելով հեղափոխություն չես անի, ժողովուրդն արդեն զգուշավոր է դարձել
Ընդդիմադիրների քայլերթի մեկնարկն Իջևանից խորհրդանշում է այն, որ վարչապետ Նիկոլ Փաշինյանն այսօր, ըստ ակցիայի մասնակիցների, խոցելի է նաև իր ծննդավայրում, թեև ընդդիմադիրների երթուղիներին չարժե մեծ նշանակություն տալ, որովհետև կարևորը ոչ միայն պայքարի գործիքակազմն է, այլև այլընտրանքային խոսք, բովանդակություն, դիրքորոշում ներկայացնելը։ Sputnik Արմենիայի հետ զրույցում այս մասին ասաց քաղաքագետ Սուրեն Սուրենյանցը։Նրա կարծիքով` միայն քննադատելով ընդդիմությունը հազիվ թե կարողանա ամբողջ հասարակությանը կամ դրա ստվար զանգվածին կոնսոլիդացնել, որ տեղի ունենա հեղափոխություն։ Ասում է` ժողովրդի աչքը վախեցած է, չորս տարի առաջ Փաշինյանը հեղափոխություն արեց ընդամենը «Մերժիր Սերժին» կարգախոսով, առանց քաղաքական ծրագիր ներկայացնելու, և արդեն չորս տարի քաղում է այդ հեղափոխություն կոչված արկածախնդրության դառը պտուղները, հետևաբար, ժողովուրդն ավելի զգուշավոր է դարձել։«Հասարակությունը հարթակային կամ խորհրդարանական ընդդիմությունից պահանջելու է հարցերի պատասխանները, որոնք վերաբերելու են «հետնիկոլական Հայաստանին», թե ինչպիսին է լինելու իշխանությունը և ինչպիսի քաղաքականություն է իրականացնելու, առավել ևս, որ գործող ընդդիմության նկատմամբ էլ հանրային վստահությունը շատ մեծ չէ։ Հանրությունը պետք է ստույգ, անվերապահորեն համոզված լինի, որ ընդդիմության առաջարկած ուղին բերելու է դրական փոփոխությունների»,- նշեց քաղաքագետը։«Մենք հստակ ծրագիր ունենք». Սաղաթելյանն իրենց կողմնակիցներին հորդորեց գիշերը տուն գնալՍուրենյանցի խոսքով` չորս տարի առաջ մարդիկ շատ առումներով անփորձ էին, ավելի քիչ հեռատես էին` կարծելով, որ Սերժ Սարգսյանի հեռացմամբ բոլոր պրոբլեմները կլուծվեն և տեղի կունենան հրաշքներ, սակայն չորս տարում բոլորն էլ համոզվեցին, որ պրիմիտիվ լուծումներ չեն լինում։Նշենք, որ այսօր ավարտվում է ընդդիմության հայտարարած լռության օրը և մեկնարկում է ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանի սկսած բողոքի հավաքների երկրորդ փուլը:Պայքարի վճռականության և մինչև վերջ գնալու մասին հայտարարել է նաև ԱԺ «Հայաստան» խմբակցության ղեկավար, ՀՀ նախկին պաշտպանության նախարար Սեյրան Օհանյանը։«Ոստիկանը Նիկոլ չէ». բախում «Զարթնի՛ր, լաո» երթի մասնակիցների և իրավապահների միջև
երևան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
պոդկաստ, «թավշյա հեղափոխություն», հեղափոխություն, ընդդիմություն, բողոքի ակցիա, երևան, аудио
պոդկաստ, «թավշյա հեղափոխություն», հեղափոխություն, ընդդիմություն, բողոքի ակցիա, երևան, аудио
Միայն քննադատելով հեղափոխություն չես անի, ժողովուրդն արդեն զգուշավոր է դարձել. քաղաքագետ
23:59 25.04.2022 (Թարմացված է: 10:24 26.04.2022) Քաղաքագետ Սուրեն Սուրենյանցը Sputnik Արմենիայի եթերում անդրադարձել է ներքաղաքական զարգացումներին և խորհրդարանական ընդդիմության մարտավարությանն ու ակցիաներին։
Ընդդիմադիրների քայլերթի մեկնարկն Իջևանից խորհրդանշում է այն, որ վարչապետ Նիկոլ Փաշինյանն այսօր, ըստ ակցիայի մասնակիցների, խոցելի է նաև իր ծննդավայրում, թեև ընդդիմադիրների երթուղիներին չարժե մեծ նշանակություն տալ, որովհետև կարևորը ոչ միայն պայքարի գործիքակազմն է, այլև այլընտրանքային խոսք, բովանդակություն, դիրքորոշում ներկայացնելը։
Sputnik Արմենիայի հետ զրույցում այս մասին ասաց քաղաքագետ Սուրեն Սուրենյանցը։
«Պայքարի գործիքակազմը 2018 թվականին Փաշինյանն իրենց տանից չէր բերել, դրանք հայտնի տեխնոլոգիաներ են, որոնք ուղեկցում են գրեթե բոլոր հեղափոխություններին և շատ ակտիվորեն գործածվում են 2000-ական թվականներից մեկնարկած գործընթացներում։ Խոսքը ցանցային ապակենտրոն պայքարի մասին է, սակայն մեխանիկական կրկնությունը դեռ հաջողություն չի երաշխավորում։ Ընդդիմությունը հաջողելու մի տարբերակ ունի. պետք է կարողանա ներկայացնել այլընտրանքային խոսք, բովանդակություն, դիրքորոշում»,- ասաց քաղաքագետը։
Նրա կարծիքով` միայն քննադատելով ընդդիմությունը հազիվ թե կարողանա ամբողջ հասարակությանը կամ դրա ստվար զանգվածին կոնսոլիդացնել, որ տեղի ունենա հեղափոխություն։ Ասում է` ժողովրդի աչքը վախեցած է, չորս տարի առաջ Փաշինյանը հեղափոխություն արեց ընդամենը «Մերժիր Սերժին» կարգախոսով, առանց քաղաքական ծրագիր ներկայացնելու, և արդեն չորս տարի քաղում է այդ հեղափոխություն կոչված արկածախնդրության դառը պտուղները, հետևաբար, ժողովուրդն ավելի զգուշավոր է դարձել։
«Հասարակությունը հարթակային կամ խորհրդարանական ընդդիմությունից պահանջելու է հարցերի պատասխանները, որոնք վերաբերելու են «հետնիկոլական Հայաստանին», թե ինչպիսին է լինելու իշխանությունը և ինչպիսի քաղաքականություն է իրականացնելու, առավել ևս, որ գործող ընդդիմության նկատմամբ էլ հանրային վստահությունը շատ մեծ չէ։ Հանրությունը պետք է ստույգ, անվերապահորեն համոզված լինի, որ ընդդիմության առաջարկած ուղին բերելու է դրական փոփոխությունների»,- նշեց քաղաքագետը։
Սուրենյանցի խոսքով` չորս տարի առաջ մարդիկ շատ առումներով անփորձ էին, ավելի քիչ հեռատես էին` կարծելով, որ Սերժ Սարգսյանի հեռացմամբ բոլոր պրոբլեմները կլուծվեն և տեղի կունենան հրաշքներ, սակայն չորս տարում բոլորն էլ համոզվեցին, որ պրիմիտիվ լուծումներ չեն լինում։
Նշենք, որ այսօր ավարտվում է ընդդիմության հայտարարած լռության օրը և մեկնարկում է ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանի սկսած բողոքի հավաքների երկրորդ փուլը:
«Լինելու ենք առավել վճռական, առավել ջանքերով և հասնելու ենք վերջնական նպատակին: Մի կաթիլ անգամ կասկած չունենաք, որ մեր սկսած գործը հաջողելու է: Մենք ենք պահելու Հայաստանը, մենք ենք հզորացնելու մեր չքնաղ երկիրը»,- հայտարարել է ԱԱԾ նախկին տնօրեն, «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանը։
Պայքարի վճռականության և մինչև վերջ գնալու մասին հայտարարել է նաև ԱԺ «Հայաստան» խմբակցության ղեկավար, ՀՀ նախկին պաշտպանության նախարար Սեյրան Օհանյանը։
