Հանրապետականներն Արարատի մարզից քայլերթով գալիս են Ֆրանսիայի հրապարակ

© Sputnik / Asatur YesayantsԲողոքի ակցիա
Բողոքի ակցիա - Sputnik Արմենիա, 1920, 03.05.2022
Բողոքի ակցիա. Արխիվային լուսանկար
Բաժանորդագրվեք
Yandex newsTelegram
Ակցիայի մասնակիցների հետ է նաև «Պատիվ ունեմ» խմբակցության պատգամավոր Տիգրան Աբրահամյանը։
ԵՐԵՎԱՆ, 3 մայիսի – Sputnik. Արարատի մարզից հարյուրավոր քաղաքացիներ քայլերթով գալիս են Երևան` Ֆրանսիայի հրապարակ։ Այս մասին տեղեկանում ենք Հայաստանի հանրապետական կուսակցության «Ֆեյսբուքի» էջից։
Նրանց հետ է նաև ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Երթի մասնակից երիտասարդներից մեկը քայլերթի ընթացքում բարձրացել էր մեքենայի վրա, ցանկանում էր արագաչափի վրա թուղթ փակցնել, սակայն ոստիկանների հորդորով իջավ ու չիրականացրեց մտածածը։
Ճանապարհին նրանց ազդանշաններով ողջունում են այլ քաղաքացիներ` իրենց աջակցությունը հայտնելով երթի մասնակիցներին։ Վերջինները վանկարկում էին «Առանց Նիկոլ Հայաստան», «Առանց թուրքի Հայաստան», «Պայքար», «Միացում», «Հայաստան», «Նիկո՛լ, դավաճա՛ն»։
Նրանք ակցիաներ են իրականացնում Վանաձորում, Վայքում էլ հանրապետականները փակել են ավտոճանապարհը։
Հիշեցնենք` Հայաստանում բողոքի նոր ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։ Ապրիլի 13-ին խորհրդարանում նա ափսոսանք հայտնեց, որ 2018-2019 թվականներին ժողովրդին չի ասել, որ «մեր բոլոր հեռու և մոտիկ բարեկամները մեզնից ակնկալում են, որ մենք այս կամ այն կոնֆիգուրացիայով Ադրբեջանին հանձնենք 7 հայտնի շրջանները և իջեցնենք Արցախի կարգավիճակի համար մեր սահմանած նշաձողը»։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 3-ի առավոտյան անհնազանդության ակցիաները վերսկսվեցին։
Լրահոս
0