https://arm.sputniknews.ru/20220509/eraton-kertats-zhoghovurdy-chi-tsnkelu-vanecjann-u-ohanjany-ugherdzner-en-hghel-41827231.html
Եռատոն կերտած ժողովուրդը չի ծնկելու. Վանեցյանն ու Օհանյանը ուղերձներ են հղել
Եռատոն կերտած ժողովուրդը չի ծնկելու. Վանեցյանն ու Օհանյանը ուղերձներ են հղել
Sputnik Արմենիա
Ընդդիմադիր գործիչները վստահություն են հայտնել, որ հայ ժողովուրդը ոտքի է կանգնելու՝ պարտության անիվը կանգնեցնելու և նոր հաղթանակներ կերտելու համար։ 09.05.2022, Sputnik Արմենիա
2022-05-09T10:48+0400
2022-05-09T10:48+0400
2022-05-09T11:16+0400
արթուր վանեցյան
սեյրան օհանյան
հաղթանակ
https://cdn.am.sputniknews.ru/img/07e5/0b/04/34992562_0:55:1600:955_1920x0_80_0_0_cef31230f487640e1650b15f69c08235.jpg
ԵՐԵՎԱՆ, 9 մայիսի – Sputnik. ԱԺ ընդդիմադիր խմբակցությունների ղեկավարներ Սեյրան Օհանյանն ու Արթուր Վանեցյանը Հաղթանակի օրվա առիթվ ուղերձներ են հրապարակել։«Այսօր Հաղթանակի օրն է, ու թեև մեզանից խլել են մայիսյան Եռատոնը՝ մեզ զրկելով Շուշիի փառահեղ ազատագրումը Շուշիում տոնելու իրավունքից, Արցախի պաշտպանության բանակը՝ հաղթանակած լինելու փառքից և ուժից, մենք ապրում ենք այն գիտակցումով, որ երկրապա՛հ է մեզանից յուրաքանչյուրը։ Եվ շարունակելո՛ւ ենք պայքարել՝ հայ ժողովրդի լինելիության իրավունքը, իր պատմական հայրենիքում ապրելու կամքը պաշտպանելու, արդարությունը վերականգնելու համար»,- իր ուղերձում նշել է Սեյրան Օհանյանը։Նրա համոզմամբ, աշխարհաքաղաքական զարգացումների, տարածաշրջանային բարդ, արյունալի վերաձևումների գործընթացում հայ ժողովուրդը պետք է նորից վերականգնի իր արժանապատիվ կեցվածքը և ցույց տա աշխարհին, որ իր դեմքը պարտված իշխանությունը չէ, այլ ազնիվ, ազգանվեր, խրոխտ սերունդը, որը դուրս է եկել պայքարի և պատրաստ է նորից հաղթել, ապրել ու արարել հանուն հավերժական Հայաստանի։«Ես այսօր հպարտություն եմ ապրում այդ մաքառումը հիշելիս և խորին երախտագիտություն հայտնում մեր հաղթանակները կերտած սերունդներին՝ Հայրենական, Արցախյան պատերազմների վետերաններին, Արցախի պաշտպանության բանակի պատվախնդիր զինծառայողներին, ովքեր հիրավի հերոսական ծառայություն են իրականացրել՝ քառորդ դարից ավելի անառիկ պահելով Արցախի սահմանները, երկրապահներին, կամավորականներին, բոլոր այն մարդկանց, որոնց համար անսակարկելի արժեք է Հայրենիքը»,- նշում է ընդդիմադիր գործիչը։Արթուր Վանեցյանը ևս իր ուղերձում փաստում է, որ Հայրենական մեծ պատերազմում հաղթանակի, Շուշիի ազատագրման ու Արցախի պաշտպանության բանակի կազմավորման օրը ազգային հպարտության, անհնարը հնարավոր դարձնելու, միակամությամբ դժվարագույնը հաղթահարելու խորհուրդ ունի իր մեջ։«Այսօր մեր ժողովուրդը դժվարին օրեր է ապրում։ 2020-ի պատերազմն ու պարտությունը շատ բան փոխեց մեր կյանքում։ Այսօր մեր չքնաղ Շուշին գերության մեջ է, այսօր Արցախի տարածքների մի մասն օկուպացված է թշնամու կողմից, առկախված է Արցախի կարգավիճակի հարցը, վտանգված են Հայաստանի սահմանները։ Եվ այս իրավիճակում մեզ իբրև թե խաղաղություն են առաջարկում՝ թշնամու բոլոր պայմանները բավարարելու, թշնամու առաջ ծնկած մնալու գնով»,- նշել է Վանեցյանը։«Մեր խոնարհումը Հայրենական մեծ պատերազմում, արցախյան առաջին պատերազմում ու Շուշիի համար մղվող մարտերում, 2016-ի ապրիլյանի օրերին, վերջին՝ 44-օրյա պատերազմի ժամանակ և բոլոր այս տարիներին՝ ո՛չ պատերազմ, ո՛չ խաղաղություն իրավիճակում իրենց կյանքը զոհած հայորդիների հիշատակի առաջ»,- նշում է Վանեցյանը` ևս մեկ անգամ վստահություն հայտնելով, որ հայ ժողովուրդը ոտքի է կանգնելու` պարտության անիվը կանգնեցնելու է և նոր հաղթանակներ է կերտելու։Հիշեցնենք` 1992թ-ի մայիսի 8-ի գիշերը հայկական ինքնապաշտպանական ուժերը` լեգենդար Արկադի Տեր-Թադևոսյանի՝ Կոմանդոսի հրամանատարությամբ, չորս ուղղություններից մեկնարկած հարձակողական մանևրով սկսեցին «Հարսանիք լեռներում» ռազմական գործողությունը, որը մայիսի 9-ին պսակվեց Շուշիի ամբողջական ազատագրմամբ:2020թ.-ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա-ադրբեջանական սահմանի ողջ երկայնքով, նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։Այդ հայտարարությամբ Ադրբեջանի վերահսկողության տակ անցավ նաև հայկական հնագույն բերդաքաղաք Շուշին։«Դեռ կանենք հարսանիք լեռներում». Շուշան Պետրոսյանի` Շուշիին նվիրված նոր երգի տեսահոլովակըՀիշեցնենք նաև, որ այսօր լրանում է Հայրենական մեծ պատերազմում խորհրդային ժողովուրդների տարած հաղթանակի 77-րդ տարեդարձը։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արթուր վանեցյան, սեյրան օհանյան, հաղթանակ
արթուր վանեցյան, սեյրան օհանյան, հաղթանակ
Եռատոն կերտած ժողովուրդը չի ծնկելու. Վանեցյանն ու Օհանյանը ուղերձներ են հղել
10:48 09.05.2022 (Թարմացված է: 11:16 09.05.2022) Ընդդիմադիր գործիչները վստահություն են հայտնել, որ հայ ժողովուրդը ոտքի է կանգնելու՝ պարտության անիվը կանգնեցնելու և նոր հաղթանակներ կերտելու համար։
ԵՐԵՎԱՆ, 9 մայիսի – Sputnik. ԱԺ ընդդիմադիր խմբակցությունների ղեկավարներ Սեյրան Օհանյանն ու Արթուր Վանեցյանը Հաղթանակի օրվա առիթվ ուղերձներ են հրապարակել։
«Այսօր Հաղթանակի օրն է, ու թեև մեզանից խլել են մայիսյան Եռատոնը՝ մեզ զրկելով Շուշիի փառահեղ ազատագրումը Շուշիում տոնելու իրավունքից, Արցախի պաշտպանության բանակը՝ հաղթանակած լինելու փառքից և ուժից, մենք ապրում ենք այն գիտակցումով, որ երկրապա՛հ է մեզանից յուրաքանչյուրը։ Եվ շարունակելո՛ւ ենք պայքարել՝ հայ ժողովրդի լինելիության իրավունքը, իր պատմական հայրենիքում ապրելու կամքը պաշտպանելու, արդարությունը վերականգնելու համար»,-
իր ուղերձում նշել է Սեյրան Օհանյանը։
Նրա համոզմամբ, աշխարհաքաղաքական զարգացումների, տարածաշրջանային բարդ, արյունալի վերաձևումների գործընթացում հայ ժողովուրդը պետք է նորից վերականգնի իր արժանապատիվ կեցվածքը և ցույց տա աշխարհին, որ իր դեմքը պարտված իշխանությունը չէ, այլ ազնիվ, ազգանվեր, խրոխտ սերունդը, որը դուրս է եկել պայքարի և պատրաստ է նորից հաղթել, ապրել ու արարել հանուն հավերժական Հայաստանի։
Օհանյանը շեշտում է, որ Արցախյան առաջին պատերազմում միասնությունն էր հայ ժողովրդի ուժը, և ժողովրդի գիտակցության մեջ խրված չէր այն պառակտիչ, վտանգավոր սեպը՝ ով է Արցախից, ով՝ Հայաստանից։
«Ես այսօր հպարտություն եմ ապրում այդ մաքառումը հիշելիս և խորին երախտագիտություն հայտնում մեր հաղթանակները կերտած սերունդներին՝ Հայրենական, Արցախյան պատերազմների վետերաններին, Արցախի պաշտպանության բանակի պատվախնդիր զինծառայողներին, ովքեր հիրավի հերոսական ծառայություն են իրականացրել՝ քառորդ դարից ավելի անառիկ պահելով Արցախի սահմանները, երկրապահներին, կամավորականներին, բոլոր այն մարդկանց, որոնց համար անսակարկելի արժեք է Հայրենիքը»,- նշում է ընդդիմադիր գործիչը։
Արթուր Վանեցյանը ևս
իր ուղերձում փաստում է, որ Հայրենական մեծ պատերազմում հաղթանակի, Շուշիի ազատագրման ու Արցախի պաշտպանության բանակի կազմավորման օրը ազգային հպարտության, անհնարը հնարավոր դարձնելու, միակամությամբ դժվարագույնը հաղթահարելու խորհուրդ ունի իր մեջ։
«Այսօր մեր ժողովուրդը դժվարին օրեր է ապրում։ 2020-ի պատերազմն ու պարտությունը շատ բան փոխեց մեր կյանքում։ Այսօր մեր չքնաղ Շուշին գերության մեջ է, այսօր Արցախի տարածքների մի մասն օկուպացված է թշնամու կողմից, առկախված է Արցախի կարգավիճակի հարցը, վտանգված են Հայաստանի սահմանները։ Եվ այս իրավիճակում մեզ իբրև թե խաղաղություն են առաջարկում՝ թշնամու բոլոր պայմանները բավարարելու, թշնամու առաջ ծնկած մնալու գնով»,- նշել է Վանեցյանը։
Ընդդիմադիր գործիչը շեշտում է, որ մայիսյան եռատոն կերտած ժողովուրդը չի ծնկելու, ոտքի՛ է կանգնելու՝ ոչ թե մուրալու, այլ արժանապատիվ խաղաղություն պարտադրելու համար։
«Մեր խոնարհումը Հայրենական մեծ պատերազմում, արցախյան առաջին պատերազմում ու Շուշիի համար մղվող մարտերում, 2016-ի ապրիլյանի օրերին, վերջին՝ 44-օրյա պատերազմի ժամանակ և բոլոր այս տարիներին՝ ո՛չ պատերազմ, ո՛չ խաղաղություն իրավիճակում իրենց կյանքը զոհած հայորդիների հիշատակի առաջ»,- նշում է Վանեցյանը` ևս մեկ անգամ վստահություն հայտնելով, որ հայ ժողովուրդը ոտքի է կանգնելու` պարտության անիվը կանգնեցնելու է և նոր հաղթանակներ է կերտելու։
Հիշեցնենք` 1992թ-ի մայիսի 8-ի գիշերը հայկական ինքնապաշտպանական ուժերը` լեգենդար Արկադի Տեր-Թադևոսյանի՝ Կոմանդոսի հրամանատարությամբ, չորս ուղղություններից մեկնարկած հարձակողական մանևրով սկսեցին «Հարսանիք լեռներում» ռազմական գործողությունը, որը մայիսի 9-ին պսակվեց Շուշիի ամբողջական ազատագրմամբ:
2020թ.-ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա-ադրբեջանական սահմանի ողջ երկայնքով, նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ
հայտարարություն ընդունեցին ռազմական գործողությունների դադարեցման վերաբերյալ։
Այդ հայտարարությամբ Ադրբեջանի վերահսկողության տակ անցավ նաև հայկական հնագույն բերդաքաղաք Շուշին։
Հիշեցնենք նաև, որ այսօր լրանում է Հայրենական մեծ պատերազմում խորհրդային ժողովուրդների տարած հաղթանակի 77-րդ տարեդարձը։
