https://arm.sputniknews.ru/20220516/ynddimutjuny-kasecrel-e-arcakhi-handznman-hh-i-turqacman-gvortsyntacy-tadevvos-avetisjan-42084026.html

Ընդդիմությունը կասեցրել է Արցախի հանձնման, ՀՀ-ի թուրքացման գործընթացը. Թադևոս Ավետիսյան

Ընդդիմությունը կասեցրել է Արցախի հանձնման, ՀՀ-ի թուրքացման գործընթացը. Թադևոս Ավետիսյան

Sputnik Արմենիա

Պատգամավոր Թադևոս Ավետիսյանը վստահ է, որ իրենց հաջողվել է կասեցնել Արցախի շուրջ հայրենադավ պայմանավորվածությունները։ 16.05.2022, Sputnik Արմենիա

2022-05-16T11:23+0400

2022-05-16T11:23+0400

2022-05-16T11:24+0400

թադևոս ավետիսյան

երևան

ընդդիմություն

հայաստան

բողոքի ակցիա

երթ

արցախ

պատգամավոր

https://cdn.am.sputniknews.ru/img/07e5/0a/19/34641748_0:0:1600:901_1920x0_80_0_0_8cd60bc9eccceab2278fd9c22d0b321b.jpg

ԵՐԵՎԱՆ, 16 մայիսի – Sputnik. «Դիմադրություն» շարժումը կասեցրել է Արցախի հարցում Հայաստանի համար կործանարար գործընթացները։ Նման հայտարարություն արեց շարժման անդամ, «Հայաստան» դաշինքի պատգամավոր Թադևոս Ավետիսյանը՝ խոսելով արդեն մի քանի շաբաթ Երևանում և մի շարք մարզերում շարունակվող անհնազանդության ակցիաներից։Նրա խոսքով ` այդ գործընթացն ընդդիմության առաջին հաջողությունն է։ Պատգամավորը հայտարարեց, որ Արցախը երբեք չի լինի Ադրբեջանի կազմում, իսկ Հայաստանը երբեք չի թուրքացվի։Խոսելով այսօր առավոտյան մեկնարկած ավտոերթերի մասին՝ Ավետիսյանն ասաց, որ ոստիկանությունն ապօրինի գործողություններ է իրականացրել ցուցարարների նկատմամբ։ Նրա խոսքով` օրինակ, վարորդներից մեկին բերման են ենթարկել, քանի որ դանդաղ է վարել, թեև դանդաղ վարելն արգելող օրենք չկա։«Մեր ընկերներից ոմանք շինծու գործերով բերման են ենթարկվել և ձերբակալվել։ Բայց չնայած դրան, մեր պայքարը շարունակվելու է, և մենք վստահ ենք, որ հաղթելու ենք»,- ասաց պատգամավորը։Նա նշեց, որ ոստիկանությունը հրահանգներ է ստացել իշխանություններից՝ ահաբեկել հանրահավաքի մասնակիցներին, ճնշում գործադրել նրանց վրա։ Ընդդիմությունը վստահ է, որ չնայած ոստիկանների գործողություններին, հաջորդ հանրահավաքն էլ ավելի մարդաշատ է լինելու։Բողոքի ավտոերթի շուրջ 20 անդամ բերման է ենթարկվել ոստիկանությունՆշենք, այսօր վաղ առավոտից նախատեսված անհնազանդության ակցիաները ժամը 08։00-ից մեկնարկել են Երևան մտնող հիմնական մայրուղիներից` Աշտարակի, Արգավանդի, Արտաշատի, Սևանի և Արինբերդի ավտոճանապարհներից։Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։ Ապրիլի 13-ին խորհրդարանում նա ափսոսանք հայտնեց, որ 2018-2019 թվականներին ժողովրդին չի ասել, որ «մեր բոլոր հեռու և մոտիկ բարեկամները մեզնից ակնկալում են, որ մենք այս կամ այն կոնֆիգուրացիայով Ադրբեջանին հանձնենք 7 հայտնի շրջանները և իջեցնենք Արցախի կարգավիճակի համար մեր սահմանած նշաձողը»։Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։Մայիսի 2-ից սկսած` ամեն օր Երևանում կազմակերպվում են անհնազանդության ակցիաներ, երթեր ու հանրահավաքներ։

երևան

2022

Լուրեր

am_HY

թադևոս ավետիսյան, երևան, ընդդիմություն, հայաստան, բողոքի ակցիա, երթ, արցախ, պատգամավոր