«Դիմադրություն» շարժման անդամները փակեցին Մաշտոց-Լուսավորիչ-Պռոշյան խաչմերուկը. տեսանյութ

© Sputnik / Andranik GhazaryanԲողոքի երթ Երևանում
Բողոքի երթ Երևանում - Sputnik Արմենիա, 1920, 25.05.2022
Բողոքի երթ Երևանում
Բաժանորդագրվեք
Yandex newsTelegram
ԵՐԵՎԱՆ, 25 մայիսի – Sputnik. «Դիմադրություն» շարժման անդամները և նրանց կողմնակիցները փակեցին Մաշտոց-Գր.Լուսավորիչ-Պռոշյան փողոցների խաչմերուկը։ Մի մասը նստել է ասֆալտին՝ ամբողջությամբ կանգնեցնելով այդ հատվածի երթևեկությունը։
Տեղում ծառայություն են իրականացնում ոստիկանները, որոնք բողոքի ակցիայի մասնակիցներին հորդորում են դուրս գալ ճանապարհի երթևեկելի մասից։
Բոլորը վանկարկում են` «Առանց Նիկոլ Հայաստան», և չեն ենթարկվում ոստիկանների հորդորներին։
Ավելի վաղ հայտնել ենք, որ շուրջ 2 ժամ ՀՀ նախագահականի և Անվտանգության խորհրդի շենքերը շրջափակած ընդդիմության ներկայացուցիչները բողոքի երթ սկսեցին Պռոշյան փողոցով։
Երեկ կայացած հանրահավաքում «Դիմադրություն» շարժման անդամ, ԱԺ փոխխոսնակ Իշխան Սաղաթելյանը խնդրեց, որ առավոտ շուտ շատերը գան ու միանան բողոքի ակցիային, որպեսզի պարալիզացնեն ամբողջ քաղաքը, շրջափակեն այն շենքը, որն ուզում են։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
Լրահոս
0