Դատավոր Բորիս Բախշիյանի գործն ուղարկվում է դատարան

© Photo : official site of the President of RAԴատավոր Բորիս Բախշիյանը՝ նախագահի նստավայրում երդման արարողության ժամանակ (8 հուլիսի, 2020թ). Երևան
Դատավոր Բորիս Բախշիյանը՝ նախագահի նստավայրում երդման արարողության ժամանակ (8 հուլիսի, 2020թ). Երևան - Sputnik Արմենիա, 1920, 01.06.2022
Դատավոր Բորիս Բախշիյանը՝ նախագահի նստավայրում երդման արարողության ժամանակ (8 հուլիսի, 2020թ). Երևան. Արխիվային լուսանկար
Բաժանորդագրվեք
Yandex newsTelegram
Բախշիյանի նկատմամբ քրեական հետապնդումը դադարեցնելու վերաբերյալ միջնորդությունը մերժվել է։
ԵՐԵՎԱՆ, 1 հունիսի – Sputnik. Դատավոր Բորիս Բախշիյանի գործն ուղարկվում է դատարան, տեղեկությունը ֆեյսբուքյան իր էջում հայտնում է դատավորի փաստաբան Արսեն Սարդարյանը։
Նա գրում է, որ վճռաբեկ դատարանը վարույթ է ընդունել Բորիս Բախշիյանին կալանավորելու վերաբերյալ Վերաքննիչ դատարանի որոշման դեմ պաշտպանների բերած վճռաբեկ բողոքները։

«Վարույթ իրականացնող մարմինը անհիմն և չպատճառաբանված որոշմամբ մերժել է գլխավոր դատախազին հասցեագրված, սակայն հետագայում քննիչին մակագրված` Բախշիյանի նկատմամբ քրեական հետապնդումը դադարեցնելու վերաբերյալ միջնորդությունը։ Գործն ուղարկվում է դատարան»,- գրում է փաստաբանը։

Նշենք, որ այս պահին Բախշիյանն ազատության մեջ է։
Հիշեցնենք, որ Սյունիքի մարզի ընդհանուր իրավասության դատարանի դատավոր Բորիս Բախշիյանը կալանավորվել է փետրվարի 7-ին։ Դրանից հետո պաշտպանները միջնորդություն էին ներկայացրել, որպեսզի խափանման միջոց կալանքը փոխվեր։
Բախշիյանը Սիսական ջոկատի հրամանատար Աշոտ Մինասյանի (Աշոտ Երկաթ) գործը քննող դատավորն էր։ Նրա որոշմամբ Մինասյանը կալանքից ազատվեց հունվարի 26-ին։
Դատավորի դեմ քրեական հետապնդում իրականացնելու գործընթաց է սկսվել ՀՀ քրեական օրենսգրքի 348-րդ հոդվածի 3-րդ մասի (անձին ապօրինի կալանավորելու հատկանիշներով, որն առաջացրել է ծանր հետևանք) հարուցված քրգործի շրջանակում։
Լրահոս
0