GSP+ -ի դադարեցումը Հայաստանի տնտեսության վրա էապես չի ազդել. էկոնոմիկայի նախարար

© Sputnik / Asatur YesayantsՎահան Քերոբյան
Վահան Քերոբյան - Sputnik Արմենիա, 1920, 06.06.2022
Բաժանորդագրվեք
Yandex newsTelegram
Փորձագետների գնահատմամբ` առեւտրային արտոնությունների համակարգից դուրս մնալու արդյունքում Հայաստանն այս տարի կկորցնի շուրջ 114 մլն դոլար:
ԵՐԵՎԱՆ, 6 հունիսի – Sputnik. ԵՄ Արտոնությունների ընդհանրացված համակարգի` GSP+ -ի դադարեցումը ՀՀ տնտեսության վրա էական ազդեցություն չի թողել։ Այսօր ԱԺ-ում 2021թ. պետբյուջեի կատարողականի նախնական քննարկմանն այս մասին ասաց ՀՀ Էկոնոմիկայի նախարար Վահան Քերոբյանը։

«Այդ արտոնության իրական չափը շատ չնչին էր։ Այսինքն` GSP+ -ի արդյունքում մեր ընկերություննրի ստացած մաքսային արտոնության ընդհանուր չափը բավական փոքր էր, և դրա չշարունակվելը մեծ խնդիր չէ։ Օրինակ` ամբողջ տեքստիլ արդյունաբերության մեջ բոլոր ընկերությունների` մեկ տարվա ընթացքում ստացած արտոնության չափը մոտ 200 000 դոլարի չափ էր, ինչը շատ փոքր է, որ դառնա խոչընդոտ ԵՄ-ի հետ առևտուր անելու համար»,- ասաց Քերոբյանը։

Էկոնոմիկայի նախարարը նշեց, որ տեղական արտադրողների համար դրա փոխարեն այսօր գործում են պետական ու միջպետական այլ արտոնությունների ծրագրեր, որոնց շնորհիվ հայաստանյան արտահանողները կարող են շարունակել մրցակցել եվրոպական արտադրողների հետ։
Նշենք, որ ԵՄ Արտոնությունների ընդհանրացված համակարգը` GSP+ -ը, Հայաստանի համար գործարկվել է 2009 թվականից։ Հայաստանի մասնակցությունը պայմանավորված է եվրոպական 27 հիմնարար կոնվենցիաների արդյունավետ իրականացմամբ։
Շնորհիվ այս համակարգի` ՀՀ-ում արտադրված 6 291 անուն ապրանքատեսակներ ԵՄ երկրներ էին ներկրվում զրոյական մաքսատուրքով։ Արտահանվող ապրանքների շուրջ 90 տոկոսը մետաղներ ու հանքանյութեր էին, 17%-ը` հագուստ, 1.5% -ը` խեցգետին, հյութեր ու ջեմեր և վերամշակված այլ սննդամթերք, 0.8% -ը` ծխախոտային արտադրանք, 0.4%-ը` ժամացույցներ և այլն։
Ներդրված սահմանափակումներն իրենց արտացոլումն են գտել ՀՀ տնտեսության մեջ. փոխվարչապետ
2022 թվականի հունվարի 1-ից Հայաստանի արտահանողներն այլեւս չեն կարող օգտվել Եվրոպական միության GSP+ առևտրային արտոնությունների ռեժիմից, քանի որ Հայաստանն այժմ դասվում է եկամտի միջին մակարդակ ունեցող երկրների շարքին:
Նշենք, որ փորձագետների գնահատմամբ` GSP+ առևտրային արտոնությունների համակարգից դուրս մնալու արդյունքում Հայաստանն այս տարի կկորցնի ԵՄ իր արտահանման 20 տոկոսը կամ շուրջ 114 մլն դոլար:
Լրահոս
0