Պետությունը կօգնի մարել սահմանամերձ գյուղերում տուն կառուցող անձանց հիփոթեքային վարկը

© Sputnik / Andranik GhazaryanՍյունիք
Սյունիք - Sputnik Արմենիա, 1920, 09.06.2022
Սյունիք
Բաժանորդագրվեք
Yandex newsTelegram
Շահառու կարող են դառնալ ՀՀ ռեգիստրում գրանցված ամուսինները, որոնցից առնվազն մեկը պետք է լինի ՀՀ քաղաքացի:
ԵՐԵՎԱՆ, 9 հունիսի – Sputnik. ՀՀ կառավարությունը հաստատեց սահմանամերձ բնակավայրերում ընտանիքների բնակարանային մատչելիության ապահովման պետական աջակցության 2022-2024 թվականների ծրագիրը։
Նիստում նախագիծը ներկայացրեց ՀՀ աշխատանքի և սոցիալական հարցերի նախարար Նարեկ Մկրտչյանը։
Նախատեսված պետական աջակցությունը տրամադրվում է սահմանամերձ գյուղական բնակավայրում անհատական տուն կառուցելու դեպքում։
Վարկերն աճում են, մարդկանց եկամուտը՝ նվազում. մասնագետը մեկնաբանում է ստեղծված իրավիճակը
«Սա ընտանիքների բնակարանային պայմանների բարելավման գործընթացը խթանելու նախագիծ է։ Մարզային և մասնավորապես սահմանամերձ գյուղական բնակավայրերում վարկային բեռը թեթևացնելով` ընտանիքներին հնարավորություն կընձեռվի անհատական բնակելի տուն կառուցել իրենց իսկ նախընտրած սահմանամերձ գյուղական բնակավայրում։ Ծրագրի կարևոր բաղադրիչներից մեկը գյուղական համայնքների համաչափ զարգացման գործընթացն է»,– նշեց Մկրտչյանը։
Աջակցության չափը կազմում է հիփոթեքային վարկով անհատական բնակելի տուն կառուցելու դեպքում հիփոթեքային վարկի մայր գումարի ամսական վճարների մարման համար՝ հանրագումարային մինչև 12 մլն դրամ, բայց ոչ ավելի, քան ամսական 171 հազար դրամ, իսկ տոկոսագումարների մարման համար՝ մինչև 12%, հանրագումարային մինչև 8.660 մլն դրամ, բայց ոչ ավելի, քան ամսական 120 հազար դրամ։
Ծրագրի շրջանակում 240 ընտանիքի աջակցություն տրամադրելու համար 2022 թ. կպահանջվի շուրջ 137.7 մլն դրամ։ Շահառու կարող են դառնալ ՀՀ բնակչության ռեգիստրում գրանցված ամուսիններ, որոնցից առնվազն մեկը պետք է լինի ՀՀ քաղաքացի։ Տարիքային սահմանափակում չկա, երեխա ունենալու պայման չկա, ծրագրի հիմնական թիրախ են նոր ստեղծվող ընտանիքները, որոնք կկարողանան իրենց սեփական տունը կառուցել պետական աջակցությամբ։
Հիփոթեքային աջակցության տեսակները երեխաներ ունեցող երիտասարդ ընտանիքների համար
Հայաստանում կա 79 սահմանամերձ գյուղական բնակավայր, որոնք ընդգրկված են Արարատի, Գեղարքունիքի, Վայոց Ձորի, Սյունիքի և Տավուշի մարզերում:
Լրահոս
0