Ընդդիմությունը պահանջում է Գագիկ Ջհանգիրյանի հրաժարականը

© Photo : official site of the Supreme Judicial CouncilԲԴԽ նախագահի պաշտոնակատար Գագիկ Ջհանգիրյանը Նիդերլանդներից ժամանած՝ «Խորհրդատվական աջակցություն Սահմանադրական դատարանի ինստիտուցիոնալ կարողությունների հզորացման ծրագրի» փորձագիտական թիմի անդամների հետ հանդիպմանը
ԲԴԽ նախագահի պաշտոնակատար Գագիկ Ջհանգիրյանը Նիդերլանդներից ժամանած՝ «Խորհրդատվական աջակցություն Սահմանադրական դատարանի ինստիտուցիոնալ կարողությունների հզորացման ծրագրի» փորձագիտական թիմի անդամների հետ հանդիպմանը - Sputnik Արմենիա, 1920, 20.06.2022
Բաժանորդագրվեք
Yandex newsTelegram
Վարդևանյանը վստահեցնում է` ԲԴԽ նախագահի պարտականությունները կատարողը պետք է պատասխանատվության ենթարկվի։
ԵՐԵՎԱՆ, 20 հունիսի – Sputnik. ՀՀ ընդդիմությունը պահանջում է Բարձրագույն դատական խորհրդի նախագահի պարտականությունները կատարող Գագիկ Ջհանգիրյանի հրաժարականը։ Այս մասին լրագրողների հետ ճեպազրույցի ժամանակ հայտարարեց «Դիմադրություն» շարժման անդամ, «Հայաստան» խմբակցության պատգամավոր Արամ Վարդևանյանը` անդրադառնալով ԲԴԽ նախագահ (լիազորությունները կասեցված) Ռուբեն Վարդազարյանի կողմից գաղտնի ձայնագրության հրապարակմանը, որում Գագիկ Ջհանգիրյանը և ԲԴԽ անդամ Ստեփան Միքայելյանը տարբեր հարցեր են քննարկում։
Նշենք, որ ասուլիսի ժամանակ Վարդազարյանը հայտարարել էր, որ այդ ձայնագրությամբ կարող է ապացուցել, որ իր դեմ կատարվող ամեն ինչ քաղաքական որոշում է, ու ԲԴԽ-ում իրեն զրկել են ապացույց ներկայացնելու իրավունքից։

«Ի սկզբանե Գագիկ Ջհանգիրյանը լեգիտիմ չէր նշանակվել։ Այնպիսի մարդ, ինչպիսին ինքն է, չի կարող նման պաշտոն զբաղեցնել։ Պարոն Ջհանգիրյանն ուղղակիորեն լիազորությունների չարաշահման անցման հետ կապված հստակ ինքնախոստովանական դիտարկումներ է անում այդ ձայնագրության մեջ։ Նա խոսում է այն մասին, որ կարող է գործեր «տոռմուզ տալ» և ընթացք տալ։ Նա պետք է հրաժարական տա, ինքը կնվազեցնի քրեական գործի քննությանը խոչընդոտելու ռիսկը»,- ասաց Վարդևանյանը։

Պատգամավորը նաև շեշտեց, որ Ջհանգիրյանի դեմ պետք է նաև քրեական գործ հարուցվի ձայնագրության փաստի առթիվ։
Փաշինյանի հրամանն էր. Վարդազարյանը Ջհանգիրյանի հետ գաղտնի ձայնագրություն հրապարակեց
Նշենք, որ «Դիմադրություն» շարժումն այսօր հրատապ հանրահավաք է անցկացնում, նաև երթ է լինելու դեպի «Քաղաքացիական պայմանագիր» կուսակցության գլխավոր գրասենյակ, Ոստիկանության և Ազգային անվտանգության ծառայության շենքեր։
Լրահոս
0