«Մնացածը մանիպուլյացիա է». Սաղաթելյանն ասաց` ինչ օրակարգով է շարժվում ընդդիմությունը

© Sputnik / Asatur YesayantsԻշխան Սաղաթելյան
Իշխան Սաղաթելյան - Sputnik Արմենիա, 1920, 24.06.2022
Բաժանորդագրվեք
Yandex newsTelegram
Հանրահավաքի մասնակիցները երթով շարժվեցին դեպի Մատենադարան։
ԵՐԵՎԱՆ, 24 հունիսի – Sputnik. Ընդդիմությունը ազգային ժողով կվերադառնա բացառապես սեփական օրակարգով։ Ֆրանսիայի հրապարակում ընթացող հերթական հանրահավաքի ժամանակ այս մասին հայտարարեց «Դիմադրություն» շարժման համակարգող, ԱԺ փոխնախագահ Իշխան Սաղաթելյանը։
«Մենք խորհրդարան վերադառնալու ենք բացառապես մեր օրակարգով. դա Արցախի և Հայաստանի անվտանգության հարցերն են և այս դավաճանին հեռացնելու օրակարգը։ Այն օրակարգը, որ իրենք այսօր առաջ են բերում խորհրդարան, հայ ժողովրդի օրակարգի հետ հատման կետեր չունի։ Հայ ժողովրդի կենսական շահերն ապահովող օրակարգը ձևավորվել է այս հրապարակում, և մենք սպասարկելու ենք դա, մնացածը մանիպուլյացիա է»,–ասաց նա։
Սաղաթելյանի ելույթից հետո հանրահավաքի մասնակիցները երթով Մաշտոցի պողոտայով շարժվեցին դեպի ԲԴԽ–ի շենք, որտեղ իրենց ասելիքը կասեն, ապա կշարժվեն դեպի Մատենադարան։
Հիշեցնենք` ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո Հայաստանում բողոքի ալիք բարձրացավ։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանն ազդարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
«Դիմադրություն» շարժման անդամ Իշխան Սաղաթելյանը հունիսի 14-ին հայտարարեց, որ վրանային ավանը լիարժեք կատարել է իր գործը, և հունիսի 15-ին վրանները հավաքելու են: Դա, սակայն, ընդդիմադիրի խոսքով, ամենևին էլ պայքարի ավարտ չի նշանակում. գնալու են մինչև վերջ:
Լրահոս
0