Պրոդյուսեր Արմեն Գրիգորյանը մահացավ դատարանի նիստերի դահլիճում. տեսանյութ

© Sputnik / Asatur YesayantsԱրմեն Գրիգորյան
Արմեն Գրիգորյան - Sputnik Արմենիա, 1920, 15.07.2022
Բաժանորդագրվեք
НовостиTelegram
Գրիգորյանը աթոռին նստած էր, երբ հանկարծ թեքվեց ու ընկավ հատակին։
ԵՐԵՎԱՆ, 15 հուլիսի – Sputnik. Պրոդյուսեր Արմեն Գրիգորյանը մահացել է դատարանի նիստերի դահլիճում։ Տեղեկությունը Sputnik Արմենիային հայտնեց «Շտապօգնություն» ՓԲԸ–ի տնօրեն Թագուհի Ստեփանյանը։
Նա նշեց, որ կանչով դատարան ժամանած շտապօգնության խումբը Գրիգորյանին արդեն մահացած է հայտնաբերել։
«Շտապօգնություն» ՓԲԸ–ի տնօրենի խոսքով` մահվան պատճառը կպարզվի դատական փորձաքննության արդյունքում, բայց ամենայն հավանականությամբ սրտի հետ կապված խնդիր է եղել։
Ավելի վաղ հայտնել էինք, որ Կենտրոն և Նորք–Մարաշ վարչական շրջանների ընդհանուր իրավասության դատաևրանում ընթացող դատական նիստի ժամանակ Արմեն Գրիգորյանն ընկավ։ Նրա ինքնազգացողությունը կտրուկ վատացավ այն ժամանակ, երբ փաստաբան Ռուբեն Մելիքյանը դատարանին ներկայացնում էր պաշտպանական կողմի փաստարկները։
Գրիգորյանն աթոռին նստած էր, երբ հանկարծ թեքվեց ու ընկավ հատակին։
Հիշեցնենք` Արմեն Գրիգորյանին մեղադրանք էր առաջադրվել ազգային արժանապատվությունը հրապարակայնորեն նվաստացնելուն ուղղված գործողություններ կատարելու մեղադրանքով: Ըստ մեղադրանքի` նա, անտեսելով ՀՀ Սահմանադրության 3-րդ հոդվածով ամրագրված կարգը, «Հայելի» հաղորդաշարի ընթացքում անպարկեշտ ձևով նսեմացրել է Շիրակի մարզի և Արարատյան դաշտի բնակչությանը:
Արմեն Գրիգորյանը կալանավորված էր մայիսի 18-ից։
Այսօր Կենտրոն և Նորք–Մարաշ վարչական շրջանների ընդհանուր իրավասության դատարանում ընթանում էր նրա նկատմամբ քրեական գործով առաջին դատական նիստը։
Հուլիսի 13–ին Արմեն Գրիգորյանը դարձել էր 57 տարեկան։
Պրոդյուսեր Արմեն Գրիգորյանի դեմ քրգործով նախաքննությունն ավարտվել է. պաշտպան
Լրահոս
0