https://arm.sputniknews.ru/20220719/keghts-viza-26-000-dvolari-dimac-aatsn-anorinakan-migracia-kazmakerpvogh-khumb-e-bacahajtel-45443168.html
Կեղծ վիզա` 26 000 դոլարի դիմաց. ԱԱԾ-ն անօրինական միգրացիա կազմակերպող խումբ է բացահայտել
Կեղծ վիզա` 26 000 դոլարի դիմաց. ԱԱԾ-ն անօրինական միգրացիա կազմակերպող խումբ է բացահայտել
Sputnik Արմենիա
Հանցավոր խմբի անդամները մեկնող անձանց մասին կեղծ տեղեկություններ են ներկայացրել, օրինակ` անձանց որոշ խմբերի նկատմամբ ՀՀ-ում քաղաքական հետապնդումների... 19.07.2022, Sputnik Արմենիա
2022-07-19T11:11+0400
2022-07-19T11:11+0400
2022-07-19T11:24+0400
տեսանյութեր
տեսանյութ
հհ ազգային անվտանգության ծառայություն. աած
հայաստան
https://cdn.am.sputniknews.ru/img/07e6/07/13/45442858_0:0:1280:720_1920x0_80_0_0_539864d91c4845a5e3069577e996a9af.jpg
ԵՐԵՎԱՆ, 19 հուլիսի – Sputnik. ՀՀ ազգային անվտանգության ծառայությունը անօրինական միգրացիա կազմակերպող հանցավոր խումբ է բացահայտել։ Տեղեկությունը հայտնում է ԱԱԾ մամուլի ծառայությունը։Պարզել են, որ մի խումբ անձինք, երկու և ավելի անձի անօրինական միգրացիան կազմակերպելու դիտավորությամբ, նախնական համաձայնության են եկել Երևանում գործող տուրիստական գործակալության ղեկավար կազմի հետ։Յուրաքանչյուր անձի հաշվարկով 20.000-26.000 ԱՄՆ դոլարի դիմաց նրանք կազմակերպել են ՀՀ մի շարք քաղաքացիների անօրինական մեկնումը օտարերկրյա պետություններ և Շենգենյան համաձայնության երկրներ։Այդ անձանց անվամբ պատրաստվել են աշխատանք ունենալու, աշխատավարձի չափի, այլ եկամուտների, անշարժ ու շարժական գույքերի վերաբերյալ կեղծ փաստաթղթեր, որոնք ներկայացվել են ՀՀ-ում և արտերկրում գտնվող իրավասու մարմիններին:Հանցավոր խմբի անդամները մեկնող անձանց մասին նաև այնպիսի կեղծ տեղեկություններ են ներկայացրել, ինչպիսիք են անձանց որոշ խմբերի նկատմամբ ՀՀ-ում քաղաքական հետապնդումների ենթարկվելու, իշխանությունների կողմից բռնաճնշումներ գործադրելու և այլ մտացածին նույնաբնույթ հանգամանքների վերաբերյալ:Փաստական տվյալներով հաստատվել է, որ խմբի անդամները մի շարք անձանց տրամադրել են նախապես մշակված տեքստեր այն մասին, թե ՀՀ-ում 2018 թվականից հետո գործող իշխանությունների կողմից քաղաքական ճնշումներ են սկսվել Հանրապետական կուսակցության անդամների և նրանց աջակիցների նկատմամբ, որի արդյունքում չեն դիմացել հալածանքներին, հետապնդումներին և հարկադրված լքել են հայրենիքը:ԱԱԾ-ից նաև տեղեկացնում են, որ խմբի անդամները նախապես մշակված տեքստերում հատուկ շեշտադրումներ են կատարել այն մասին, որ քաղաքական հայացքներով պայմանավորված՝ հիշյալ անձանց կյանքին ու ազատությանը վտանգ է սպառնում, նրանք կորցրել են իրենց բիզնեսը և այլ մտացածին կեղծ տեղեկություններ՝ հայցելով օտարերկրյա կառավարությանը քաղաքական ապաստան տրամադրել իրենց:Ի՞նչ է քննարկել ՌԴ արտաքին հետախուզության ծառայության ղեկավարը ՀՀ ԱԱԾ տնօրենի հետՆախաքննության ընթացքում ձեռք բերված փաստական տվյալների հիման վրա որոշում է կայացվել հանցավոր խմբի անդամներից 6-ի նկատմամբ անօրինական միգրացիայի կազմակերպման, ինչպես նաև կեղծ փաստաթղթեր, կնիքներ պատրաստելու և օգտագործելու համար ՀՀ քրեական օրենսգրքի համապատասխան հոդվածներով հանրային քրեական հետապնդում հարուցելու մասին։Նրանցից 4-ի նկատմամբ որպես խափանման միջոց է ընտրվել կալանավորումը, 1 անձի նկատմամբ կիրառվել է գրավ, իսկ 1-ի նկատմամբ հայտարարվել է հետախուզում:ԱԱԾ-ում պետական դավաճանության 10 քրգործ է քննվում. դատախազությունը տվյալներ է ներկայացրելՔրեական վարույթով նախաքննությունը շարունակվում է, իրականացվում են քննչական անհրաժեշտ գործողություններ և օպերատիվ հետախուզական միջոցառումներ՝ դեպքի բոլոր հանգամանքները պարզելու համար:Ազգային անվտանգության ծառայությունը տեղեկացնում է, որ նշված հանցավոր արարքի համար ՀՀ քրեական օրենսգրքով նախատեսված է ազատազրկում` 4-8 տարի ժամկետով:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տեսանյութեր, տեսանյութ, հհ ազգային անվտանգության ծառայություն. աած, հայաստան, видео
տեսանյութեր, տեսանյութ, հհ ազգային անվտանգության ծառայություն. աած, հայաստան, видео
Կեղծ վիզա` 26 000 դոլարի դիմաց. ԱԱԾ-ն անօրինական միգրացիա կազմակերպող խումբ է բացահայտել
11:11 19.07.2022 (Թարմացված է: 11:24 19.07.2022) Հանցավոր խմբի անդամները մեկնող անձանց մասին կեղծ տեղեկություններ են ներկայացրել, օրինակ` անձանց որոշ խմբերի նկատմամբ ՀՀ-ում քաղաքական հետապնդումների ենթարկվելու վերաբերյալ: Նրանցից մի քանիսը կալանավորվել է, մի մասն էլ հետախուզման մեջ է։
ԵՐԵՎԱՆ, 19 հուլիսի – Sputnik. ՀՀ ազգային անվտանգության ծառայությունը անօրինական միգրացիա կազմակերպող հանցավոր խումբ է բացահայտել։ Տեղեկությունը հայտնում է
ԱԱԾ մամուլի ծառայությունը։
Պարզել են, որ մի խումբ անձինք, երկու և ավելի անձի անօրինական միգրացիան կազմակերպելու դիտավորությամբ, նախնական համաձայնության են եկել Երևանում գործող տուրիստական գործակալության ղեկավար կազմի հետ։
Յուրաքանչյուր անձի հաշվարկով 20.000-26.000 ԱՄՆ դոլարի դիմաց նրանք կազմակերպել են ՀՀ մի շարք քաղաքացիների անօրինական մեկնումը օտարերկրյա պետություններ և Շենգենյան համաձայնության երկրներ։
Այդ անձանց անվամբ պատրաստվել են աշխատանք ունենալու, աշխատավարձի չափի, այլ եկամուտների, անշարժ ու շարժական գույքերի վերաբերյալ կեղծ փաստաթղթեր, որոնք ներկայացվել են ՀՀ-ում և արտերկրում գտնվող իրավասու մարմիններին:
«Նախաքննության ընթացքում քրեական վարույթի շրջանակներում տվյալ խմբի անդամների բնակարաններում, ավտոմեքենաներում, ինչպես նաև տուրիստական գործակալությունում կատարվել են խուզարկություններ։ Արդյունքում հայտնաբերվել և վերցվել են բազմաթիվ կեղծ կնիքներ, դրոշմներ, փաստաթղթեր, փաստաթղթերի դատարկ ձևանմուշներ, օտարերկրյա պետություններ անօրինական մուտքի թույլտվություն ստացած մի քանի տասնյակ քաղաքացիների վճարած առանձնապես խոշոր չափերով գումարների վերաբերյալ գրառումներ պարունակող նոթատետրեր, էլեկտրոնային կրիչներ»,- նշված է հաղորդագրությունում:
Հանցավոր խմբի անդամները մեկնող անձանց մասին նաև այնպիսի կեղծ տեղեկություններ են ներկայացրել, ինչպիսիք են անձանց որոշ խմբերի նկատմամբ ՀՀ-ում քաղաքական հետապնդումների ենթարկվելու, իշխանությունների կողմից բռնաճնշումներ գործադրելու և այլ մտացածին նույնաբնույթ հանգամանքների վերաբերյալ:
Փաստական տվյալներով հաստատվել է, որ խմբի անդամները մի շարք անձանց տրամադրել են նախապես մշակված տեքստեր այն մասին, թե ՀՀ-ում 2018 թվականից հետո գործող իշխանությունների կողմից քաղաքական ճնշումներ են սկսվել Հանրապետական կուսակցության անդամների և նրանց աջակիցների նկատմամբ, որի արդյունքում չեն դիմացել հալածանքներին, հետապնդումներին և հարկադրված լքել են հայրենիքը:
ԱԱԾ-ից նաև տեղեկացնում են, որ խմբի անդամները նախապես մշակված տեքստերում հատուկ շեշտադրումներ են կատարել այն մասին, որ քաղաքական հայացքներով պայմանավորված՝ հիշյալ անձանց կյանքին ու ազատությանը վտանգ է սպառնում, նրանք կորցրել են իրենց բիզնեսը և այլ մտացածին կեղծ տեղեկություններ՝ հայցելով օտարերկրյա կառավարությանը քաղաքական ապաստան տրամադրել իրենց:
Նախաքննության ընթացքում ձեռք բերված փաստական տվյալների հիման վրա որոշում է կայացվել հանցավոր խմբի անդամներից 6-ի նկատմամբ անօրինական միգրացիայի կազմակերպման, ինչպես նաև կեղծ փաստաթղթեր, կնիքներ պատրաստելու և օգտագործելու համար ՀՀ քրեական օրենսգրքի համապատասխան հոդվածներով հանրային քրեական հետապնդում հարուցելու մասին։
Նրանցից 4-ի նկատմամբ որպես խափանման միջոց է ընտրվել կալանավորումը, 1 անձի նկատմամբ կիրառվել է գրավ, իսկ 1-ի նկատմամբ հայտարարվել է հետախուզում:
Քրեական վարույթով նախաքննությունը շարունակվում է, իրականացվում են քննչական անհրաժեշտ գործողություններ և օպերատիվ հետախուզական միջոցառումներ՝ դեպքի բոլոր հանգամանքները պարզելու համար:
Ազգային անվտանգության ծառայությունը տեղեկացնում է, որ նշված հանցավոր արարքի համար ՀՀ քրեական օրենսգրքով նախատեսված է ազատազրկում` 4-8 տարի ժամկետով:
