https://arm.sputniknews.ru/20220918/lurj-harvats-banakcutjunnerin-baqvum-dzhgvoh-en-erevanum-pelvosii-hajtararutjunneric-48527321.html
«Լուրջ հարված բանակցություններին». Բաքվում դժգոհ են Երևանում Փելոսիի հայտարարություններից
«Լուրջ հարված բանակցություններին». Բաքվում դժգոհ են Երևանում Փելոսիի հայտարարություններից
Sputnik Արմենիա
Ադրբեջանի արտաքին քաղաքական գերատեսչությունը Հայաստանի դեմ վերջին հարձակումն անվանել է «պայմանական սահմանին տեղի ունեցած միջադեպ»։ 18.09.2022, Sputnik Արմենիա
2022-09-18T17:55+0400
2022-09-18T17:55+0400
2022-09-18T17:55+0400
ադրբեջանի ագրեսիան հայաստանի դեմ
ադրբեջան
հայ-ադրբեջանական
հայաստան
ամն
նենսի փելոսի
https://cdn.am.sputniknews.ru/img/1050/38/10503816_29:0:991:541_1920x0_80_0_0_634f9dbea20ed8e77cfff8652bbeab1b.jpg
ԵՐԵՎԱՆ, 18 սեպտեմբերի – Sputnik. Ադրբեջանի ԱԳՆ–ն ԱՄՆ Ներկայացուցիչների պալատի խոսնակ Նենսի Փելոսիի Հայաստան կատարած այցի և հայ–ադրբեջանական հակամարտության վերաբերյալ նրա հնչեցրած ուղերձների առնչությամբ հայտարարությամբ է հանդես եկել։Հայաստանի դեմ սանձազերծված լայնածավալ ագրեսիան Ադրբեջանի ԱԳՆ–ում անվանել են սահմանազատված պայմանական սահմանին տեղի ունեցած միջադեպ, ինչպես նաև հայկական սադրանք։Գերատեսչությունում ընդգծել են, որ ներկա պահին պահպանվում է հրադադարի ռեժիմը և, ընդհանուր առմամբ, կանխվել է իրավիճակի էսկալացիան։ ԱՄՆ Կոնգրեսը խստորեն դատապարտում է ՀՀ–ի նկատմամբ ադրբեջանական կողմի հարձակումները. ՓելոսիՆախարարությունում ընդգծել են, որ Փելոսին հայտնի է իր հայամետ դիրքորոշմամբ, և իր պատվիրակությունում Կոնգրեսի հայամետ անդամների ներկայությունն ուղղակիորեն վկայում է այդ մասին։Գերատեսչությունում շեշտել են, որ պալատի խոսնակի այցը Հայաստան տեղի է ունենեում ԱՄՆ Կոնգրեսի միջանկյալ ընտրությունների նախաշեմին։Փելոսիի հռետորաբանությունը Բաքվում համարել են նաև լուրջ հարված Հայաստանի և Ադրբեջանի հարաբերությունների կարգավորման ջանքերին։«Նմանատիպ միակողմանի քայլերը և անհիմն հայտարարությունները ծառայում են ոչ թե տարածաշրջանում խաղաղության կարգավորմանը, այլ հակառակը` լարվածության աճին»,– ասվում է հայտարարությունում։Հիշեցնենք, որ Երևանում Նենսի Փելոսին հայտարարել է, որ Կոնգրեսի անունից խստորեն դատապարտում է Ադրբեջանի դաժան հարձակումը Հայաստանի տարածքի և ինքնիշխանության վրա։
ադրբեջան
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ադրբեջան, հայ-ադրբեջանական, հայաստան, ամն, նենսի փելոսի
ադրբեջան, հայ-ադրբեջանական, հայաստան, ամն, նենսի փելոսի
«Լուրջ հարված բանակցություններին». Բաքվում դժգոհ են Երևանում Փելոսիի հայտարարություններից
Ադրբեջանի արտաքին քաղաքական գերատեսչությունը Հայաստանի դեմ վերջին հարձակումն անվանել է «պայմանական սահմանին տեղի ունեցած միջադեպ»։
ԵՐԵՎԱՆ, 18 սեպտեմբերի – Sputnik. Ադրբեջանի ԱԳՆ–ն ԱՄՆ Ներկայացուցիչների պալատի խոսնակ Նենսի Փելոսիի Հայաստան կատարած այցի և հայ–ադրբեջանական հակամարտության վերաբերյալ նրա հնչեցրած ուղերձների առնչությամբ հայտարարությամբ է հանդես եկել։
«Խոր ափսոսանք է առաջացնում ԱՄՆ Ներկայացուցիչների պալատի խոսնակ Նենսի Փելոսիի` տարածաշրջանի իրավիճակի վերաբերյալ խեղաթյուրող հայտարարությունը։ Ադրբեջանի հասցեին Փելոսիի ներկայացրած անհիմն և անարդար մեղադրանքներն անընդունելի են»,– ասված է հայտարարության մեջ։
Հայաստանի դեմ սանձազերծված լայնածավալ ագրեսիան Ադրբեջանի ԱԳՆ–ում անվանել են սահմանազատված պայմանական սահմանին տեղի ունեցած միջադեպ, ինչպես նաև հայկական սադրանք։
Գերատեսչությունում ընդգծել են, որ ներկա պահին պահպանվում է հրադադարի ռեժիմը և, ընդհանուր առմամբ, կանխվել է իրավիճակի էսկալացիան։
Նախարարությունում ընդգծել են, որ Փելոսին հայտնի է իր հայամետ դիրքորոշմամբ, և իր պատվիրակությունում Կոնգրեսի հայամետ անդամների ներկայությունն ուղղակիորեն վկայում է այդ մասին։
Գերատեսչությունում շեշտել են, որ պալատի խոսնակի այցը Հայաստան տեղի է ունենեում ԱՄՆ Կոնգրեսի միջանկյալ ընտրությունների նախաշեմին։
«Փելոսին օգտագործում է այս այցը, որպեսզի ստանա ԱՄՆ–ում հայկական լոբբիստական շրջանակների աջակցությունն իր ներքաղաքական օրակարգում»,– հայտարարել են Ադրբեջանի ԱԳՆ–ում։
Փելոսիի հռետորաբանությունը Բաքվում համարել են նաև լուրջ հարված Հայաստանի և Ադրբեջանի հարաբերությունների կարգավորման ջանքերին։
«Նմանատիպ միակողմանի քայլերը և անհիմն հայտարարությունները ծառայում են ոչ թե տարածաշրջանում խաղաղության կարգավորմանը, այլ հակառակը` լարվածության աճին»,– ասվում է հայտարարությունում։
Հիշեցնենք, որ Երևանում Նենսի Փելոսին հայտարարել է, որ Կոնգրեսի անունից խստորեն դատապարտում է Ադրբեջանի դաժան հարձակումը Հայաստանի տարածքի և ինքնիշխանության վրա։
