https://arm.sputniknews.ru/20221201/pajmanavvorvel-chi-stacvi-em-um-haskacel-en-te-vov-e-harstanum-ukrainakan-tshgnazhamic-52067501.html
«Պայմանավորվել չի ստացվի». ԵՄ-ում հասկացել են, թե ով է հարստանում ուկրաինական ճգնաժամից
«Պայմանավորվել չի ստացվի». ԵՄ-ում հասկացել են, թե ով է հարստանում ուկրաինական ճգնաժամից
Sputnik Արմենիա
Ամերիկացիները միշտ ձգտել են գերիշխել արևմտյան աշխարհում։ Եվ Ուկրաինայի հակամարտությունը պարզապես հիանալի հնարավորություն է բոլորին սանձելու համար։ 01.12.2022, Sputnik Արմենիա
2022-12-01T23:41+0400
2022-12-01T23:41+0400
2022-12-01T23:41+0400
ամն
ուկրաինա
եվրոպա
պատերազմ
տնտեսություն
https://cdn.am.sputniknews.ru/img/07e6/06/10/43602510_0:177:1600:1078_1920x0_80_0_0_1f4e5dd6e42aa24372f533b47f5fb704.jpg
Դանիիլ Նիզամուտդինով, ՌԻԱ ՆովոստիԵվրոպացի քաղաքական գործիչները բողոքում են, որ Վաշինգտոնը հին աշխարհը հետընթացի է մղում և դիվիդենտներ է ստանում ուկրաինական հակամարտությունից, գրում Է Politico-ն: Իրոք, ամերիկացիները, ոչ մի զինվոր (գոնե պաշտոնապես) Կիև չուղարկելով, Ուկրաինայի ճգնաժամից աննախադեպ ռազմական, տնտեսական, աշխարհաքաղաքական օգուտներ են քաղում։ Եվ ԵՄ-ին դա ավելի ու ավելի է նյարդայնացնում:ԱՄՆ-ի ազդեցության ընդլայնումը«Եթե սթափ նայենք, պատերազմից շահող երկիրը ԱՄՆ-ն է, քանի որ այն ավելի շատ զենք ու գազ է վաճառում ուռճացված գներով»,-մեջբերում է Politico-ն անանուն բարձրաստիճան եվրոպացի պաշտոնյայի խոսքը:Ամերիկացիները միշտ ձգտել են գերիշխել արևմտյան աշխարհում։ Եվ Ուկրաինայի հակամարտությունը պարզապես հիանալի հնարավորություն է բոլորին սանձելու համար։Վերջին տարիներին Վաշինգտոնը մշտապես ճնշում է գործադրել Եվրոպայի վրա, մասնավորապես հակառուսական պատժամիջոցների և Մոսկվայից էներգետիկ կախվածության թուլացման հարցերում։ Արևմուտքը կարող է Ուկրաինայում միջուկային զենքով սադրել և մեղադրել ՌԴ–ին. «Ռոսէներգոատոմ»Գարնանը, «ավագ եղբորը» հետևելով, եվրոպացիները խանդավառությամբ շտապեցին ընդլայնել արգելքները, չնայած ի սկզբանե պարզ էր, որ դա ԵՄ-ին, թերևս, նույնիսկ ավելի ուժեղ կհարվածի, քան Ռուսաստանին:Բացի այդ, արևմտյան աշխարհի աչքում լիովին վերականգնվեց ՆԱՏՕ-ն, որի մասին դեռ վերջերս Ֆրանսիայի նախագահ Էմանուել Մակրոնն ասել էր, որ «նրա ուղեղը մեռած է»։ Եվ ոչ մեկի համար գաղտնիք չէ, թե այդ կազմակերպությունում ով է գլխավորը։Զենքի վաճառքն ու «գազի ասեղը»Եվրոպայում և ամբողջ աշխարհում զենքի մեծ պահանջարկ է առաջացել, և ԱՄՆ-ը դրա խոշորագույն արտահանողն է (համաշխարհային մատակարարումների ավելի քան մեկ երրորդը):Միայն ավիաշինության ոլորտում ամերիկացիները տասնյակ միլիարդավոր եվրոյի պայմանագրեր ստացան։ Կանադան 88 հատ հինգերորդ սերնդի F-35 կործանիչներ է պատվիրել, Շվեյցարիան՝ 36, Գերմանիան` 35։Ամռանը Գերմանիայի իշխանությունները հայտարարեղին բունդեսվերի վերազինման համար շուրջ 100 մլրդ եվրո հատկացնելու մտադրության մասին, և կասկած չկա, որ բյուջեի զգալի մասը բաժին կհասնի ԱՄՆ-ին: Բացի այդ, Գերմանիան վիճել է Շվեյցարիայի հետ, քանի որ Բեռնը հրաժարվել է թույլատրել ռազմական ապրանքների վերաարտահանումը Ուկրաինա։Գումարած՝ գազի արտահանումը։ Վաշինգտոնը վաղուց էր փորձում Եվրոպային ստիպել հրաժարվել էժան ռուսական վառելիքից։ Եվ հիմա հաշված ամիսների ընթացքում հեղուկացված բնական գազի մատակարարումները կրկնապատկվել են:«Հյուսիսային հոսքերում» տեղի ունեցած պայթյունները ԵՄ-ին փաստացի ընտրություն չեն թողել։ Այսուհետ ստիպված են լինելու վճարել անդրօվկիանոսյան վառելիքի համար, որը եվրոպացի սպառողների վրա չորս անգամ ավելի թանկ է նստում, քան հենց ամերիկացիների վրա։Մրցունակության կորուստըԷներգետիկ ճգնաժամի պայմաններում եվրոպական արդյունաբերությունը կորցնում է մրցունակությունը։ Հատկապես խիստ տուժել է Գերմանիան։ Իսկ ԱՄՆ-ում ամռանը գնաճի նվազեցման մասին օրենք են ընդունել։ Փաստաթուղթը ազգային տնտեսությանն աջակցելու լայն միջոցներ է նախատեսում, որոնք ԵՄ-ում խտրական են համարել։Արդյունքում ամերիկյան ընկերությունները ամրապնդվում են, իսկ եվրոպականները կամ փակվում են, կամ տեղափոխվում են ԱՄՆ, որտեղ նրանց հարկային արտոնություններ և էժան Էներգառեսուրսներ են տրամադրում։Այս ամենը հունից հանում է ԵՄ քաղաքական գործիչներին։ «Եվրոպայի տնտեսության շարժը դեպի ռեցեսիա լավ նորություն է ամերիկացիների համար, և նրանք առիթը բաց չթողեցին դրանից օգուտ քաղելու համար»,-վրդովվել է Հունգարիայի արտգործախարար Պետեր Սիյարտոն: Արևմուտքը ելք է գտել ուկրաինական ճգնաժամիցՄակրոնը գնաճի դեմ պայքարի մասին ամերիկյան օրենքը ոչ բարեկամական է անվանել և ենթադրություն է արել, որ այն հակասում է Առևտրի համաշխարհային կազմակերպության նորմերին, իսկ էկոնոմիկայի նախարար Բրյունո Լե Մերը ԵՄ երկրներին կոչ է արել համատեղ պատասխան տալ Վաշինգտոնի գործողություններին: «Մենք չենք կարող թույլ տալ, որ Ուկրաինայի հակամարտությունն ավարտվի ԱՄՆ տնտեսության գերիշխանությամբ և Եվրոպայի թուլացմամբ»,-ընդգծել է նա հավելելով, որ Փարիզի համար այսօր գլխավորը ոչ թե Եվրոպայում Գերմանիայի հետ մրցակցությունն է, այլ ԵՄ-ի և ԱՄՆ-ի մրցակցությունը:Պատասխան կլինի՞Մինչդեռ Փարիզին ու Բեռլինին առայժմ չի հաջողվում համաձայնության գալ։ Bloomberg-ի տվյալներով, Մակրոնը պնդում է ամերիկացիների միջոցների նման միջոցներ կիրառել, իսկ Գերմանիայի կանցլեր Օլաֆ Շոլցը չի ցանկանում «տրանսատլանտյան պատերազմ» հրահրել և հույս ունի, որ Վաշինգտոնում կշտկեն իրենց որոշումները:Եվ որքան էլ Եվրոպան «կատաղած է», ոչ ոք հիմա ի վիճակի չէ իսկապես պայքարել ամերիկացիների դեմ։ Ֆրանսիան, Գերմանիան, Իտալիան կարող են բարձրաձայն «մտահոգություն հայտնել», բայց ԵՄ-ում միասնություն չկա։ Բացի այդ, Եվրահանձնաժողովի ղեկավարությունը որպես գլխավոր դաշնակից Վաշինգտոնին է դիտարկում։Առևտրի համաշխարհային կազմակերպությունում ամերիկյան միջոցառումները վիճարկելու փորձը, Տնտեսագիտության բարձրագույն դպրոցի առևտրային քաղաքականության ամբիոնի վարիչ Մաքսիմ Մեդվեդկովի կարծիքով, հաջողության շանսերից զուրկ չէ: «Խնդիրն այն է, որ ԱՄՆ-ն շարունակում է արգելափակել ԱՀԿ-ի վերաքննիչ մարմնի աշխատանքը։ Իսկ այլ կերպ փոխզիջման հասնելը դժվար կլինի»,-հստակեցրել է նա։Մնում է հուսալ, որ անդրօվկիանոսյան ավագ գործընկերները խիղճ կունենան և ընդառաջ կգնան։ Իսկ առայժմ ամերիկացիները կոշտ ու վստահ իրականացնում են իրենց ռազմավարությունը։ Եվ շուտով եվրոպական առաջնորդի կարգավիճակը վերջնականապես կպատկանի ոչ թե Բեռլինին կամ Փարիզին, այլ Վաշինգտոնին։
ամն
ուկրաինա
եվրոպա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ամն, ուկրաինա, եվրոպա, պատերազմ, տնտեսություն
ամն, ուկրաինա, եվրոպա, պատերազմ, տնտեսություն
«Պայմանավորվել չի ստացվի». ԵՄ-ում հասկացել են, թե ով է հարստանում ուկրաինական ճգնաժամից
Ամերիկացիները միշտ ձգտել են գերիշխել արևմտյան աշխարհում։ Եվ Ուկրաինայի հակամարտությունը պարզապես հիանալի հնարավորություն է բոլորին սանձելու համար։
Դանիիլ Նիզամուտդինով, ՌԻԱ Նովոստի
Եվրոպացի քաղաքական գործիչները բողոքում են, որ Վաշինգտոնը հին աշխարհը հետընթացի է մղում և դիվիդենտներ է ստանում ուկրաինական հակամարտությունից, գրում Է Politico-ն: Իրոք, ամերիկացիները, ոչ մի զինվոր (գոնե պաշտոնապես) Կիև չուղարկելով, Ուկրաինայի ճգնաժամից աննախադեպ ռազմական, տնտեսական, աշխարհաքաղաքական օգուտներ են քաղում։ Եվ ԵՄ-ին դա ավելի ու ավելի է նյարդայնացնում:
ԱՄՆ-ի ազդեցության ընդլայնումը
«Եթե սթափ նայենք, պատերազմից շահող երկիրը ԱՄՆ-ն է, քանի որ այն ավելի շատ զենք ու գազ է վաճառում ուռճացված գներով»,-մեջբերում է Politico-ն անանուն բարձրաստիճան եվրոպացի պաշտոնյայի խոսքը:
Ամերիկացիները միշտ ձգտել են գերիշխել արևմտյան աշխարհում։ Եվ Ուկրաինայի հակամարտությունը պարզապես հիանալի հնարավորություն է բոլորին սանձելու համար։
Վերջին տարիներին Վաշինգտոնը մշտապես ճնշում է գործադրել Եվրոպայի վրա, մասնավորապես հակառուսական պատժամիջոցների և Մոսկվայից էներգետիկ կախվածության թուլացման հարցերում։
Գարնանը, «ավագ եղբորը» հետևելով, եվրոպացիները խանդավառությամբ շտապեցին ընդլայնել արգելքները, չնայած ի սկզբանե պարզ էր, որ դա ԵՄ-ին, թերևս, նույնիսկ ավելի ուժեղ կհարվածի, քան Ռուսաստանին:
Բացի այդ, արևմտյան աշխարհի աչքում լիովին վերականգնվեց ՆԱՏՕ-ն, որի մասին դեռ վերջերս Ֆրանսիայի նախագահ Էմանուել Մակրոնն ասել էր, որ «նրա ուղեղը մեռած է»։ Եվ ոչ մեկի համար գաղտնիք չէ, թե այդ կազմակերպությունում ով է գլխավորը։
Զենքի վաճառքն ու «գազի ասեղը»
Եվրոպայում և ամբողջ աշխարհում զենքի մեծ պահանջարկ է առաջացել, և ԱՄՆ-ը դրա խոշորագույն արտահանողն է (համաշխարհային մատակարարումների ավելի քան մեկ երրորդը):
Միայն ավիաշինության ոլորտում ամերիկացիները տասնյակ միլիարդավոր եվրոյի պայմանագրեր ստացան։ Կանադան 88 հատ հինգերորդ սերնդի F-35 կործանիչներ է պատվիրել, Շվեյցարիան՝ 36, Գերմանիան` 35։
Ամռանը Գերմանիայի իշխանությունները հայտարարեղին բունդեսվերի վերազինման համար շուրջ 100 մլրդ եվրո հատկացնելու մտադրության մասին, և կասկած չկա, որ բյուջեի զգալի մասը բաժին կհասնի ԱՄՆ-ին: Բացի այդ, Գերմանիան վիճել է Շվեյցարիայի հետ, քանի որ Բեռնը հրաժարվել է թույլատրել ռազմական ապրանքների վերաարտահանումը Ուկրաինա։
Եվրոպական զինանոցները դատարկվում են, և ամերիկյան արտադրողները ուրախությամբ ձեռքերն են շփում։ Իհարկե, ռազմարդյունաբերական համալիրի նման աշխուժությունը դրական է ազդում երկրի ամբողջ տնտեսության վրա։
Գումարած՝ գազի արտահանումը։ Վաշինգտոնը վաղուց էր փորձում Եվրոպային ստիպել հրաժարվել էժան ռուսական վառելիքից։ Եվ հիմա հաշված ամիսների ընթացքում հեղուկացված բնական գազի մատակարարումները կրկնապատկվել են:
«Հյուսիսային հոսքերում» տեղի ունեցած պայթյունները ԵՄ-ին փաստացի ընտրություն չեն թողել։ Այսուհետ ստիպված են լինելու վճարել անդրօվկիանոսյան վառելիքի համար, որը եվրոպացի սպառողների վրա չորս անգամ ավելի թանկ է նստում, քան հենց ամերիկացիների վրա։
Էներգետիկ ճգնաժամի պայմաններում եվրոպական արդյունաբերությունը կորցնում է մրցունակությունը։ Հատկապես խիստ տուժել է Գերմանիան։ Իսկ ԱՄՆ-ում ամռանը գնաճի նվազեցման մասին օրենք են ընդունել։ Փաստաթուղթը ազգային տնտեսությանն աջակցելու լայն միջոցներ է նախատեսում, որոնք ԵՄ-ում խտրական են համարել։
Արդյունքում ամերիկյան ընկերությունները ամրապնդվում են, իսկ եվրոպականները կամ փակվում են, կամ տեղափոխվում են ԱՄՆ, որտեղ նրանց հարկային արտոնություններ և էժան Էներգառեսուրսներ են տրամադրում։
Այս ամենը հունից հանում է ԵՄ քաղաքական գործիչներին։ «Եվրոպայի տնտեսության շարժը դեպի ռեցեսիա լավ նորություն է ամերիկացիների համար, և նրանք առիթը բաց չթողեցին դրանից օգուտ քաղելու համար»,-վրդովվել է Հունգարիայի արտգործախարար Պետեր Սիյարտոն:
Մակրոնը գնաճի դեմ պայքարի մասին ամերիկյան օրենքը ոչ բարեկամական է անվանել և ենթադրություն է արել, որ այն հակասում է Առևտրի համաշխարհային կազմակերպության նորմերին, իսկ էկոնոմիկայի նախարար Բրյունո Լե Մերը ԵՄ երկրներին կոչ է արել համատեղ պատասխան տալ Վաշինգտոնի գործողություններին: «Մենք չենք կարող թույլ տալ, որ Ուկրաինայի հակամարտությունն ավարտվի ԱՄՆ տնտեսության գերիշխանությամբ և Եվրոպայի թուլացմամբ»,-ընդգծել է նա հավելելով, որ Փարիզի համար այսօր գլխավորը ոչ թե Եվրոպայում Գերմանիայի հետ մրցակցությունն է, այլ ԵՄ-ի և ԱՄՆ-ի մրցակցությունը:
Մինչդեռ Փարիզին ու Բեռլինին առայժմ չի հաջողվում համաձայնության գալ։ Bloomberg-ի տվյալներով, Մակրոնը պնդում է ամերիկացիների միջոցների նման միջոցներ կիրառել, իսկ Գերմանիայի կանցլեր Օլաֆ Շոլցը չի ցանկանում «տրանսատլանտյան պատերազմ» հրահրել և հույս ունի, որ Վաշինգտոնում կշտկեն իրենց որոշումները:
Եվ որքան էլ Եվրոպան «կատաղած է», ոչ ոք հիմա ի վիճակի չէ իսկապես պայքարել ամերիկացիների դեմ։ Ֆրանսիան, Գերմանիան, Իտալիան կարող են բարձրաձայն «մտահոգություն հայտնել», բայց ԵՄ-ում միասնություն չկա։ Բացի այդ, Եվրահանձնաժողովի ղեկավարությունը որպես գլխավոր դաշնակից Վաշինգտոնին է դիտարկում։
Առևտրի համաշխարհային կազմակերպությունում ամերիկյան միջոցառումները վիճարկելու փորձը, Տնտեսագիտության բարձրագույն դպրոցի առևտրային քաղաքականության ամբիոնի վարիչ Մաքսիմ Մեդվեդկովի կարծիքով, հաջողության շանսերից զուրկ չէ: «Խնդիրն այն է, որ ԱՄՆ-ն շարունակում է արգելափակել ԱՀԿ-ի վերաքննիչ մարմնի աշխատանքը։ Իսկ այլ կերպ փոխզիջման հասնելը դժվար կլինի»,-հստակեցրել է նա։
Մակրոնը պատրաստվում է ԱՄՆ մեկնել։ Ակնհայտորեն` որպեսզի փորձի Ջո Բայդենին համոզել կանոններով խաղալ։ Բայց Եվրոպան թուլացած է էներգետիկ ճգնաժամի, գնաճի, նշմարվող ռեցեսիայի և ուժեղացող պոպուլիզմի պատճառով. Սպիտակ տան վրա ճնշում գործադրելու իրական լծակներ ԵՄ-ն չունի։
Մնում է հուսալ, որ անդրօվկիանոսյան ավագ գործընկերները խիղճ կունենան և ընդառաջ կգնան։ Իսկ առայժմ ամերիկացիները կոշտ ու վստահ իրականացնում են իրենց ռազմավարությունը։ Եվ շուտով եվրոպական առաջնորդի կարգավիճակը վերջնականապես կպատկանի ոչ թե Բեռլինին կամ Փարիզին, այլ Վաշինգտոնին։
