https://arm.sputniknews.ru/20221226/hhum-tntesakan-aktivutjan-atshy-nvojemberin-sharunakel-e-dandaghel-53160198.html

ՀՀ–ում տնտեսական ակտիվության աճը նոյեմբերին շարունակել է դանդաղել

ՀՀ–ում տնտեսական ակտիվության աճը նոյեմբերին շարունակել է դանդաղել

Sputnik Արմենիա

Նոյեմբերին հոկտեմբերի համեմատ սպառողական ապրանքները թանկացել են 1.1 տոկոսով, արդյունաբերական արտադրանքը թանկացել է 1.8 տոկոսով։ 26.12.2022, Sputnik Արմենիա

2022-12-26T17:35+0400

2022-12-26T17:35+0400

2022-12-26T17:37+0400

հայաստան

տնտեսություն

գնաճ

ազգային վիճակագրական ծառայություն (ավծ)

ինֆոգրաֆիկա

https://cdn.am.sputniknews.ru/img/07e6/0c/1a/53163122_260:48:1151:549_1920x0_80_0_0_b49ad03f7d612cee8b08939cd3c4294b.png

Հայաստանի տնտեսական ակտիվության ցուցանիշը նոյեմբերին դանդաղել է։ Վիճակագրության կոմիտեի հրապարակած տնտեսական վերջին տվյալների համաձայն` 2022թ–ի նոյեմբերին տնտեսական ակտիվության ցուցանիշը հոկտեմբերի համեմատ նվազել է 4 տոկոսով։Մեկամսյա տվյալներով` հիմնականում նվազում է գրանցվել ծառայությունների (4.2 տոկոսով) և արտաքին ապրանքաշրջանառության ոլորտում (2 տոկոսով)։ Մեծ չափով կրճատվել է հատկապես արտահանման ծավալը` մեկ ամսվա ընթացքում` 8.4 տոկոսով։ Իսկ ներմուծման ծավալը նույն ժամանակահատվածում ավելացել է 2.4 տոկոսով։Ներքին առևտրի ծավալները շարունակել են աճել` նոյեմբերին հոկտեմբերի համեմատ ավելանալով 2.7 տոկոսով, արդյունաբերական արտադրանքի ծավալը` 1.8 տոկոսով, իսկ շինարարության ծավալը` 0.5։ԿԲ–ի ադեկվատ քայլերի արդյունքում տարին փակվում է տնտեսական աճով. նախագահը` ԳալստյանինԳնաճը ևս պահպանվել է։ Նոյեմբերին հոկտեմբերի համեմատ սպառողական ապրանքները թանկացել են 1.1 տոկոսով, արդյունաբերական արտադրանքը թանկացել է 1.8 տոկոսով։Նշենք, որ չնայած մեկամսյա ցուցանիշների նվազմանն ու տնտեսական աճի դանդաղմանը, տարեկան տվյալներով`2022թ–ին գրանցված տնտեսական աճը նոյեմբերի դրությամբ նախորդ տարվա նոյեմբերի համեմատ դեռևս շարունակում է բարձր մնալ` կազմելով 13.8 տոկոս։Առևտրի ծավալը 2021-ի նոյեմբերի համեմատ բարձր է 22.1 տոկոսով, ծառայություններինը` 30.9 տոկոսով։Սպառողական ապրանքներն անցյալ տարվա նոյեմբերի համեմատ թանկացել են 8.8 տոկոսով։Նշենք, որ Հայաստանի տնտեսական ակտիվության ցուցանիշը 2022թ–ի բոլոր ամիսների ընթացքում կայուն աճ է արձանագրել։ Ակտիվության դանդաղումը սկսվել է հոկտեմբերից ու, ինչպես պարզ է դառնում վերջին ցուցանիշներից, շարունակել է դանդաղել նաև նոյեմբերին։ Հոկտեմբերին սեպտեմբերի համեմատ տնտեսական ակտիվությունը նվազել էր 2 տոկոսով, նոյեմբերին` հոկտեմբերի համեմատ արդեն 4։Հիշեցնենք` տարեվերջին տնտեսական ակտիվության դանդաղում է կանխատեսել ԿԲ–ն։ Մինչև 2022թ–ի ավարտը ՀՀ կենտրոնական բանկը ՀՆԱ–ի 12.9 տոկոսանոց աճ է կանխատեսում` կառավարության ակնկալած 14 տոկոսի փոխարեն։2023թ-ին Հայաստանից կարգելվի հացահատիկի ու ձեթի արտահանումը

2022

Լուրեր

am_HY

հայաստան, տնտեսություն, գնաճ, ազգային վիճակագրական ծառայություն (ավծ), ինֆոգրաֆիկա, инфографика