«Սորոսականները» գրոհ են սկսել Վահե Ղազարյանի դեմ․ «Փաստ»

© Sputnik / Aram NersesyanՎահե Ղազարյան
Վահե Ղազարյան - Sputnik Արմենիա, 1920, 10.06.2023
Բաժանորդագրվեք
НовостиTelegram
Խնդիրը, սակայն, ո՛չ Վահե Ղազարյանն է, ո՛չ էլ նրա լավ կամ վատ աշխատելը։
ԵՐԵՎԱՆ, 10 հունիսի – Sputnik. Վերջին մի քանի շաբաթներին լուրջ գրոհ է սկսվել ՀՀ ներքին գործերի նախարար Վահե Ղազարյանի դեմ, առաջամարտիկի դերում «սորոսականներն» են, գրում է «Փաստը»։
ԶԼՄ–ն նշում է, որ ցանկացած միջադեպ, որը տեղի է ունենում ոստիկանական համակարգի հետ կապված, ուղղակիորեն առիթ է դառնում Ղազարյանին «վրաերթի ենթարկելու»:
«Բանն այն է, որ նրանք ի սկզբանե ցանկանում էին իրենց թեկնածուին կարգել նորաստեղծ նախարարության ղեկին, սակայն Նիկոլ Փաշինյանը նախընտրեց իր դպրոցական տարիների ընկերոջը։ Ըստ այդմ, սորոսականները շատ նեղված են, որ իրենց թեման «ջրվեց», և հիմա անցել են Ղազարյանին տոտալ «խփելուն»»,-գրում է լրատվամիջոցը՝ հավելելով, որ դրա համար առիթների պակաս չկա:
Ընդգծվում է, որ խնդիրը ո՛չ Վահե Ղազարյանն է, ո՛չ էլ նրա լավ կամ վատ աշխատելը, որովհետև նույն «սորոսականները» լռում են, երբ, օրինակ, նույն ոստիկանության ոչ օրինաչափ ու ոչ օրինական գործողություններ են կատարվում զոհվածների ծնողների կամ ընդդիմադիրների նկատմամբ: Մնացյալ դեպքերում նրանք աղմկելու էին ցանկացած մեկին ՆԳ նախարար նշանակելու պարագայում, որը չէր լինի իրենցից։
Նշենք, որ Վահե Ղազարյանը ՆԳ նախարար է նշանակվել 2023 թվականի հունվարին։ Դրանից առաջ` 2020 թվականի հունիսի 8–ից, նա զբաղեցնում էր ՀՀ ոստիկանապետի պաշտոնը։
Փաշինյանը թիմակիցներին բացատրել է՝ ինչու հենց Վահե Ղազարյանը դարձավ ՆԳ նախարար. ԶԼՄ
Լրահոս
0