Հայտնի է ավագանու ընտրություններում ՔՊ–ի ցուցակի առաջին 30 անունը
© Sputnik / Asatur Yesayants
Բաժանորդագրվել
ԵՐԵՎԱՆ, 11 օգոստոսի – Sputnik. «Քաղաքացիական պայմանագիր» կուսակցությունն արդեն Կենտրոնական ընտրական հանձնաժողովին է ներկայացրել Երևանի ավագանու ընտրությունների մասնակիցների ցուցակը։ Sputnik Արմենիային այս մասին ասաց ԿԸՀ մամուլի քարտուղար Սեդա Ղուկասյանը։
Նա ընդգծեց, որ ցուցակը բաղկացած է 181 անձից, սակայն հայտնի են միայն 30-ի անունները։
Ցուցակը գլխավորում է Երևանի փոխքաղաքապետ Տիգրան Ավինյանը, նրան հաջորդում են արտակարգ իրավիճակների նախկին նախարար Արմեն Փամբուխչյանը, երրորդը (օրենքով պետք է կին լինի) երևանի գործող ավագանու «Իմ քայլը» խմբակցության անդամ Նուարդ Վարդանյանն է։ Հաջորդը ցուցակում քաղաքապետի պաշտոնակատար Լևոն Հովհաննիսյանն է, նրան հաջորդում է իր տեղակալը` Սուրեն Գրիգորյանը։
Ցուցակում են նաև.
Մարգարիտ Խաչատրյանը,
Արմեն Գալջյանը,
Արթուր Իսպիրյանը,
Դիանա Քերոբյանը,
Վահագն Հայրապետյանը,
Ալեքսանդր Բադալյանը,
Տաթև Հովակիմյանը,
Մարատ Թոխյանը,
Հայկ Միրզոյանը,
Ռուզաննա Երեմյանը,
Վլադիմիր Կիրակոսյանը,
Արման Բաբաջանյանը,
Զարուհի Աղաջանյանը,
Արման Հարությունյանը,
Նարեկ Մանուկյանը,
Նատալյա Սինոյանը,
Արամ Ազատյանը,
Կամսար Պապինյանը,
Լուսինե Գևորգյանը,
Հակոբ Բալայանը,
Արման Բարխուդարյանը,
Կիմա Աբրահամյանը,
Անդրանիկ Գասպարյանը,
Վահե Հակոբյանը
Լուսինե Սարգսյանը։
Հավելենք, որ այս պահի դրությամբ Երևանի ավագանու ընտրություններին մասնակցելու և քաղաքապետի պաշտոնին հավակնելու մասին հայտարարել են հետևյալ անձինք ու քաղաքական ուժերը.
Նախկին փոխվարչապետ, այժմ Երևանի փոխքաղաքապետ Տիգրան Ավինյան (իշխող «Քաղաքացիական պայմանագիր» կուսակցություն),
Երևանի ավագանու «Լույս» խմբակցության ղեկավար Դավիթ Խաժակյան,
Երևանի Կենտրոն վարչական շրջանի նախկին ղեկավար Վիկտոր Մնացականյան,
«Ապրելու երկիր» կուսակցության նախագահ Մանե Թանդիլյան,
«Ազգային առաջընթաց» կուսակցության վարչության անդամ Հայկ Գրիգորյան,
ՀՀ արդարադատության նախկին նախարար, «Հանրապետություն» կուսակցության քաղխորհրդի անդամ Արտակ Զեյնալյան,
«Հանուն սոցիալական արդարության» կուսակցություն (ՀԱՍԱԿ),
Տիգրան Արզաքանցյանի «Ուժը Հայրենյաց» կուսակցություն (ցուցակը գլխավորում է Նելլի Հարությունյանը),
«Մայր Հայաստան» շարժման համակարգող Անդրանիկ Թևանյան,
Երևանի նախկին քաղաքապետ Հայկ Մարության։
Երևանի ավագանու ընտրությունները տեղի կունենան սեպտեմբերի 17-ին:
