«Վաստակավոր» և «ժողովրդական» կոչումները կարող են չեղարկվել. նախագիծը քննարկման փուլում է

© Sputnik / Aram NersesyanԱրխիվային լուսանկար
Արխիվային լուսանկար - Sputnik Արմենիա, 1920, 04.09.2023
Արխիվային լուսանկար
Բաժանորդագրվեք
НовостиTelegram
Օրինագծով առաջարկվում է միայն մեկ տեսակի կոչում սահմանել։
ԵՐԵՎԱՆ, 4 սեպտեմբերի – Sputnik. «Հայաստանի Հանրապետության պետական պարգևների և պատվավոր կոչումների մասին» օրենքից և հարակից այլ օրենքներից առաջարկվում է հանել «վաստակավոր» և «ժողովրդական» կոչումները։ Նախագիծը տեղադրվել է Իրավական ակտերի նախագծերի հրապարակման միասնական կայքում։
Նշվում է, որ նախագծով առաջարկվում է հանել Հայաստանի Հանրապետության ժողովրդական արտիստի, Հայաստանի Հանրապետության ժողովրդական նկարչի, Հայաստանի Հանրապետության գիտության վաստակավոր գործչի, Հայաստանի Հանրապետության վաստակավոր ճարտարապետի, Հայաստանի Հանրապետության վաստակավոր շինարարի, Հայաստանի Հանրապետության վաստակավոր բժշկի, Հայաստանի Հանրապետության վաստակավոր իրավաբանի, Հայաստանի Հանրապետության վաստակավոր արտիստի, Հայաստանի Հանրապետության վաստակավոր նկարչի, Հայաստանի Հանրապետության արվեստի վաստակավոր գործչի, Հայաստանի Հանրապետության մշակույթի վաստակավոր գործչի, Հայաստանի Հանրապետության վաստակավոր մանկավարժի, Հայաստանի Հանրապետության վաստակավոր լրագրողի, Հայաստանի Հանրապետության տնտեսության վաստակավոր աշխատողի, Հայաստանի Հանրապետության ֆիզիկական կուլտուրայի և սպորտի վաստակավոր գործչի, Հայաստանի Հանրապետության վաստակավոր մարզչի կոչումները։
«Թումոյի» այգում սեպտեմբերի 12–ից 15–ը ևս մեկ մասշտաբային մշակութային նախագիծ կիրականացվի
Նշվում է, որ ՀՀ–ում նախատեսվում է սահմանել միայն Հայաստանի Հանրապետության վաստակավոր կոլեկտիվի պատվավոր կոչումը:
Նույն այս կայքում միաժամանակ շրջանառվում է ևս մեկ նախագիծ ԿԳՄՍ նախարարության կողմից, որով առաջարկվում է անվանական թոշակներ սահմանել մշակույթի ոլորտի միջազգային հեղինակավոր փառատոններում և մրցանակաբաշխություններում մրցանակի արժանացած մշակույթի գործիչների համար:
Ըստ այս նախագծի անվանական թոշակ կտրամադրվի ՀՀ քաղաքացի հանդիսացող մշակույթի ոլորտի այն գործիչներին, որոնք որպես Հայաստանի ներկայացուցիչ մասնակցել են միջազգային հեղինակավոր փառատոններին և մրցանակաբաշխություններին և արժանացել են մրցանակի:
Լրահոս
0