00:07 19 օգոստոսի 2017
Ուղիղ եթեր
электрические сети

Փորձագետ. ՀԷՑ-ի վաճառքի վերաբերյալ տեղեկատվության մեջ հակասություններ կան

© АРКА
Հայաստան
Ստանալ կարճ հղումը
260 0 0

«Հայաստանի էլեկտրական ցանցեր» ընկերության վաճառքի վերաբերյալ տեղեկատվության մեջ հակասություններ կան

ԵՐԵՎԱՆ, 1 հոկտեմբերի – Sputnik «Հայաստանի էլեկտրական ցանցեր» ընկերության բաժնետոմսերի 100 տոկոսը փոխանցվում է  «Տաշիր» ընկերությունների խմբին, ինչը նշանակում է, որ գոյություն չունի օֆշորային ընկերություն: Կարծում եմ, օֆշորային ընկերությունը դուրս է եկել գործընթացից: «Sputnik-Արմենիա» ռադիոկայանի հետ զրույցում նման տեսակետ է հայտնել տնտեսագետ Գագիկ Մակարյանը՝ մեկնաբանելով այն հաղորդագրությունը, ըստ որի, Հայաստանի կառավարությունը հավանության էր արժանացրել ՀԷՑ–ը  օֆշորում գրանցված «Լիորմանդ Հոլդինգզ Լիմիթեդ» ընկերությանը վաճառելու նախագիծը։

«Տեղեկատվության մեջ, կարծում եմ, որոշակի հակասություն կա: Մամուլը գրում է, որ ՀԷՑ-ը գնում է  «Տաշիրը»` Կարապետյանների ընտանիքը, բայց օֆշորում գրանցվածների մեջ ասում էին, որ կան նաև այլ բաժնետերեր: Ստացվում է, որ ոչ թե  «Տաշիրն» է ամբողջը գնում, այլ գնում է օֆշորային ընկերությունը, որին  «Տաշիրը»  մաս է կազմում: Մի խոսքով՝ տեղեկատվության մեջ կան հակասություններ»,-նկատել է տնտեսագետը:

Այսուհանդերձ, բանախոսը կարծում է, որ օֆշորային գոտում գրանցված ընկերությունները առավելություններ ունեն, մասնավորապես՝ դրանք ավելի ապահովված են ճնշումների կամ  փայ մտնելու տեսանկյունից: «Հաշվի առնելով գործարքի մեծությունը, լրջությունը` ընտրել էին այդ տարբերակը: Եթե «Տաշիր» ընկերությունը հանդես է գալիս բաց տեքսով, ապա արդեն թաքցնելու ոչինչ չկա, գործընթացը դառնում է թափանցիկ»,-նշել է նա:

«Տաշիր» ընկերության հետ կնքված գործարքի հետագա արդյունավետությունը Գագիկ Մակարյանը բարձր  է գնահատում: Նա ընդգծում է, որ Կարապետյանները բարի մարդիկ են,  մեծաթիվ բարեգործություններ են կատարում: «Կարծում եմ, այս գործընթացում կընդգծվի մարդասիրական կողմը: Մի կողմից կարող են չբարձրացնել սակագինը կամ նվազեցնել այն, որ գների բեռը չծանրանա բնակչության վրա»,-տեսակետ է հայտնել բանախոսը:

Ինչ վերաբերում է ՀԷՑ-ում աուդիտ անցկացնելուն, ապա տնտեսագետի կարծիքով՝ այնտեղ աուդիտ առհասարակ տեղի չի ունեցել: «Խորհրդատվությունն աուդիտ չէ, խորհրդատվական ընկերությունը կարող  է ուսումնասիրել և  եզրակացություն անել, իսկ աուդիտն անկախ մարմին է, որն աուդիտ իրականացնում է փաստի հիման վրա»,-ընդգծել է Գագիկ Մակարյանը: 

Գլխավոր թեմաներ