ԵՐԵՎԱՆ, 4 փետրվարի — Sputnik. Հայաստանում առաջին անգամ CTF EVN համակարգչային անվտանգության մրցույթ է անցկացվում: Միջոցառման շուրջ ստեղծված իրարանցումը եւ մասնակիցների թիվը գերազանցել է բոլոր սպասելիքները, 100-ից ավելի գրանցված մասնակիցներ, մոտ 25 թիմ, հաղորդում է «Ձեռնարկությունների ինկուբատոր» հիմնադրամի մամուլի ծառայությունը:
Capture the Flag (CTF EVN) մրցույթը Երեւանում առաջին անգամ է անցկացվում: Միջոցառման կազմակերպիչներն են Enterprise Incubator Foundation-ը (EIF), 1guard Security LLC and Microsoft Armenia-ն՝ Monitis Armenia-ի, Innovative Solutions and Technologies Center — ISTC-ի, Metronom-ի հետ համագործակցությամբ:
Մրցույթն անցկացվում է «Քո խաղը» ոճով և կտևի 24 ժամ: Խաղացողներին հարցեր են տրվում եւ առաջարկվում է տարբեր բարդության թեմաներով մի շարք խնդիրներ լուծել: Խնդիրներն առնչվում են տեղեկատվական անվտանգության հետևյալ ուղղություններին՝ ծածկագրություն, գաղտնագրություն, կրկնակի վերլուծություն, ինժեներական վերլուծություն, վեբ, բջջային և ցանցային անվտանգություն: Արդյունքները կհրապարակվեն փետրվարի 5-ին: Լավագույն թիմերը մրցանակներ կստանան:
