10:15 23 օգոստոսի 2017
Ուղիղ եթեր
Ռաշիդ Ակիմով

Ակիմով. Հայաստանի Ընտրական նոր օրենսգիրքը հետաքրքրել է Ղազախստանին

© Sputnik/ Asatur Yesayants
Հայաստան
Ստանալ կարճ հղումը
Ազգային ժողովի ընտրություններ. 2017 (97)
2020

Հայաստանում խորհրդարանական ընտրությունների ընթացքին հետևում են միջազգային դիտորդներ։ Sputnik Արմենիան պարբերաբար ճշտում է դիտորդների կարծիքն` ընթացող ընտրությունների վերաբերյալ։

ԵՐԵՎԱՆ, 2 ապրիլի — Sputnik. Հայաստանի Ընտրական նոր օրենսգիրքն ապահովում է Հայաստանում անցկացվող խորհրդարանական ընտրությունների թափանցիկությունը, արդարությունն ու անաչառությունը, Sputnik Արմենիային տված հարցազրույցում ասաց Ղազախստանի հանրապետության Սենատի խորհրդարանի պատգամավոր Ռաշիտ Ակիմովը։

Նախօրեին, լռության օրը, դիտորդները հանդիպումներ ունեցան տարբեր քաղաքական ուժերի ներկայացուցիչների, ինչպես նաև ԱԺ փոխխոսնակ Էդուարդ Շարմազանովի հետ, ով մանրամասներ է ներկայացրել ընտրությունների նախապատրաստական աշխատանքների վերաբերյալ։

«Բնականաբար, մեզ հետաքրքրել է ՀՀ-ում նոր Ընտրական օրենսգիրքը, կատարված մի շարք փոփոխությունները, որոնք մեր կարծիքով ուղղված են այս ընտրությունները թափանցիկ, արդար և անաչառ անցկացնելուն։ Նաև տեխնիկական նորամուծություններ են մտցվել, որոնք նույնպես մեզ հետաքրքրեցին», — նշեց Ակիմովը։

Դիտորդները եղան Երևանի մի քանի ընտրատեղամասերում, ինչպես նաև այցելեցին Աշտարակ։

Ակիմովի խոսքով` միջազգային դիտորդների կողմից ակնհայտ, կոպիտ խախտումներ չեն գրանցվել։ Ակիմովն ու իր գործընկերները զրուցել են նաև ընտրատարածքների հանձնաժողովների նախագահների և ընտրողների հետ։ Տեղում հանդիպել են նաև հասարակական դիտորդների։

«Սակայն մենք նկատել ենք նաև, որ որոշ ընտրատեղամասեր այդքան լավ չեն հարմարեցված ընտրողների համար։ Մասնավորապես, մեծահասակների և, հատկապես, հաշմանդամների համար», — ավելացրեց պատգամավորը։

Նրա խոսքով` կարելի էր ավելի հարմար տեղամասեր ընտրել։ Կուտակումները մեծամասամբ կապված են տեխնիկական խնդիրների, բազմաթիվ քվեաթերթիկների (9` յուրաքանչյուր քաղաքական կուսակցության և դաշինքի համար) և մարդու ինքնությունը պարզող տեխնիկական միջոցների հետ։

«Հավանաբար, լավ աշխատանք է տարվել ընտրողների հետ։ Ընդհանուր առմամբ, զգացվում էր, որ ընտրական հանձնաժողովի աշխատակիցները տիրապետում են իրավիճակին, ընտրողներին ճիշտ բացատրում են ընտրակարգը», — ասաց Ակիմովը։

Թեև տեխնիկական նորամուծությունները մի փոքր դանդաղեցնում էին գործընթացը, սակայն հասարակական անկարգություններ, ակնհայտ ընտրախախտումներ և ընտրողների կողմից նյարդային վիճակ չէր նկատվում։

Ղազախստանի Հանրապետության խորհրդարանի օրենսդրության և դատաիրավական բարեփոխումների կոմիտեի անդամ Սմագուլով Ասիլբեկն իր հերթին նշեց, որ նրանք այցելել են ավելի քան 10 ընտրատեղամաս և կոպիտ ընտրախախտումներ չեն արձանագրել, որոշ թերություններ էլ ընթացքում շտկվել են։

Նա ավելացրեց, որ ընտրողների ակտիվություն էր նկատվում, որոշ ընտրատեղամասերում մինչև կեսօր քվեարկել էր քաղաքացիների ավելի քան 30%-ը։

Русская версия

թեմա:
Ազգային ժողովի ընտրություններ. 2017 (97)

Գլխավոր թեմաներ