05:44 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Մարտի 1. 2008

Սասուն Խաչատրյանը Մարտի 1–ի գործով նոր բացահայտում արեց

© Photo: Public domain / Serouj
Հայաստան
Ստանալ կարճ հղումը
«Մարտի 1»-ի գործը (222)
410 0 0

Մարտի 1–ին, Խաչատրյանի խոսքով, բանակը ոչ թե միայն բերվել է մարտական վիճակի, այլև կրակել է։

ԵՐԵՎԱՆ, 11 սեպտեմբերի — Sputnik. ՀՀ ՀՔԾ պետ Սասուն Խաչատրյանն այսօր կայացած ասուլիսում Մարտի 1–ի գործով նոր բացահայտումներ արեց։ Նա հիշեցրեց, որ ամեն ինչ սկսվեց այն բանից հետո, երբ հայտնաբերվեց 0038 գաղտնի հրամանը, որը ստորագրված է փետրվարի 23-ով։ «Այսինքն` մեկ օր առաջ Ռոբերտ Քոչարյանն ու Միքայել Հարությունյանը տեղյակ էին, որ պետք է ընտրություններում հաղթի Սերժ Սարգսյանը»,– ասաց Սասուն Խաչատրյանը։

Բացի այդ, նրա խոսքով, արդեն հիմնավորվել է, որ բանակը ոչ թե միայն բերվել է մարտական վիճակի, այլև կրակել է։ «Կրակել են Լեո փողոցի բնակելի շենքերի պատուհանների ուղղությամբ, երբ այդ պատուհաններից ինչ-որ բան է նետվել»,– ասաց նա։

Գաղտնի հրամանից հետ, երբ որոշվել է զինվորներին հավաքել Երևանում, սահմանին կանգնած զինվորները հերթապահել են առանց հերթափոխի, հայտնեց Սասուն Խաչատրյանը` նշելով, որ մինչ օրս չէր ցանկանում հայտնել այս մասին։ Նրա խոսքով` դրա հետևանքով սահմանի վրա դիվերսիա է տեղի ունեցել։ «Բանակի զինվորներին բաժանել են գումարներ, որ նրանք պաշտպանեն իրենց ունեցվածքը, իրենց ընտանիքի անդամներին, իրենց։ Խոսքը 150 միլիոն դրամի մասին է»,– ասաց Խաչատրյանը և ցույց տվեց մի մատյան, որտեղ, նրա խոսքով, գրված է, թե որ զինվորը որքան գումար է ստացել և ումից։ «Մեր երկրի ղեկավարները բանակի զինվորներին դարձրել են վարձկաններ ու հանել ժողովրդի դեմ»,– ասաց Խաչատրյանը` հրաժարվելով անուններ հայտնել։ «Նշեմ, որ փախնե՞ն»,– արձագանքելով լրագրողների հարցին` ասաց Խաչատրյանը։

ՀՔԾ պետը հայտարարեց նաև, որ ներքին գործերի զինծառայող Տիգրան Աբգարյանը սպանվել է հատուկ ջոկատայինների կողմից։ «Դա արվել է նրա համար, որ հիմնավորվի Քոչարյանի այն խոսքերը, որ մենք իրավապահների մեջ արդեն ունենք զոհեր»,– ասաց Խաչատրյանը` հավելելով, որ այս հանգամանքը հաստատվել է քրեական գործով։

Քրեական գործով հիմնավորվել է նաև այն, որ տարբեր անձանց թիկնազորերի անդամներին բաժանվել են զրահաբաճկոններ, որպեսզի նրանք զինվորականներից չտարբերվեն։

Հիշեցնենք, որ այսօր համացանցում հայտնվել է Հայաստանի Ազգային անվտանգության ծառայության տնօրեն Արթուր Վանեցյանի և քննչական ծառայության պետ Սասուն Խաչատրյանի հեռախոսազրույցի ձայնագրությունը։

թեմա:
«Մարտի 1»-ի գործը (222)

Ըստ թեմայի

Վանեցյանն ու Խաչատրյանը մեկնաբանում են Խաչատուրովի գործի մասին իրենց խոսակցությունը
Գաղտնալսման բոլոր հանգամանքները կպարզվեն, մեղավորները կպատժվեն. Վանեցյան
Վանեցյանի ու Խաչատրյանի գաղտնալսումը շանտաժ է. Փաշինյան
Հայաստանի ԱԱԾ ղեկավարի և ՀՔԾ պետի խոսակցությունը հայտնվել է համացանցում
թեգերը:
ՀՀ Ազգային Անվտանգության ծառայություն. ԱԱԾ, Արթուր Վանեցյան, Հայաստան

Գլխավոր թեմաներ