20:30 23 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
Հայկ Մարության

Աղբի հարցը հասավ կառավարություն. վարչապետը կանչեց Հայկ Մարությանին

© Sputnik / Asatur Yesayants
Հայաստան
Ստանալ կարճ հղումը
27110

Աղբատար 12 մեքենաները կարող են մեկ օրում փչանալ ու Երևանի աղբը կմնա փողոցներում։

ԵՐԵՎԱՆ, 18 ապրիլի — Sputnik. Երևանում ի սկզբանե որոշված էր, որ պետք է լիներ աղբահանության երկու օպերատոր` «Սանիթեքը» և մեկ այլ` շվեդական ընկերություն։ Այս մասին այսօր կառավարության նիստում հայտարարեց վարչապետի կանչով կառավարություն եկած Երևանի քաղաքապետ Հայկ Մարությանը։

«Երկու մրցույթներն էլ հաղթեց «Սանիթեք» ընկերությունը` երկու տարբեր անուններով` «Սանիթեք» և «Սանիթեք ինթերնեյշընըլ» ։ Սկզբում ամեն ինչ լավ էր, որովհետև այն մեքենաները, որ նրանք բերել էին, անխափան աշխատում էին։ Բայց սխալ սպասարկման պատճառով ի վերջո եկան այն վիճակի, ինչն այսօր ունենք»,– ասաց Մարությանը` պարզաբանելով, որ նկատի ունի ավտոմեքենաների ոչ ճիշտ տեխնիկական սպասարկումն ու ոչ ճիշտ շահագործումը։

Մարությանը նշեց, որ իր պաշտոնավարման առաջին ամիսներին «Սանիտեքի» հետ համաձայնություն են ձեռք բերել, որ վերջինը վերցնի ենթակապալառու կազմակերպություններ, որոնց միջոցով վիճակը հաջողվեց որոշ չափով շտկել։

«Բայց մենք ասացինք` ձեր մեքենաները շատ վատ վիճակում են, ու եթե այսպես շարունակվի, դու չեք կարողանա ձեր գործառույթներն իրականացնել։ Իրենք պատասխանեցին, որ ֆինանսական հնարավորություններ չունեն, շատ վատ վիճակում են։ Գուշակելով, որ այդ օրը պիտի գա` մենք մրցույթի էինք հանել 24 աղբատար մեքենա, որը պիտի ձեռք բերեր Երևան քաղաքը»,– ասաց Մարությանը։

Քաղաքապետը հայտնեց նաև, որ Երևանի քաղաքապետարանը «Սանիտեքին» տուգանել է 24 մլն դրամով։ Բայց վիճակը դրանից չի փոխվել։

Քաղաքապետարանի ծրագրած 24 ավտոմեքենաները հնարավոր կլինի գնել միայն հունիս–հուլիս ամիսներին, ուստի մայրաքաղաքում աղբահանությունը կազմակերպելու համար քաղաքապետը կառավարությանը խնդրում է թույլ տալ մի քանի աղբատար ավտոմեքենաների գնման լրացուցիչ մրցույթ կազմակերպել։

«Վիճակն օրհասական է։ Մեկ օրում կարող են բոլոր մնացած 12 մեքենաներն էլ փչանալ ու քաղաքը կմնա առանց աղբահանության»,– ասաց Մարությանը։

Ավտոմեքենաներից բացի քաղաքի կարիքները հոգալու համար չեն բավարարում նաև աղբամանները։ Պայմանագրով նախատեսված 8000 աղբամանների փոխարեն քաղաքում ընդամենը 4800 աղբաման է տեղադրված, որոնցից նորմալ վիճակում են միայն շուրջ 1000-ը։

Երկար քննարկումներից հետո, կառավարությունը համաձայնեց Երևանի քաղաքապետարանին թույլ տալ կազմակերպել աղբատարների գնման լրացուցիչ գործընթաց` չսպասելով դատարանի որոշմանը։

Ըստ թեմայի

«Սանիթեք» ընկերությունը խոստանում է աղբի հարցը շատ արագ լուծել
«Սանիթեք» ընկերությանը տուգանեցին. այն 12.000.377 դրամ կմուծի
«Սանիթեք» ընկերությունը տուգանվել է 13 մլն դրամով
թեգերը:
Հայկ Մարության, Նիկոլ Փաշինյան, ՀՀ կառավարություն, Հայաստան

Գլխավոր թեմաներ