04:49 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Ծաղկած ծառեր` Արարատի ֆոնին

Դրախտ եք որոնո՞ւմ, այցելեք Հայաստան․ իսպանացիները նշել են 10 վայր, որ պետք է տեսնել

© Sputnik / Aram Nersesyan
Հայաստան
Ստանալ կարճ հղումը
726 0 0

Etheria Magazine իսպանական պարբերականը գրել է Հայաստանի զարմանահրաշ վայրերի մասին։

ԵՐԵՎԱՆ, 4 մայիսի — Sputnik. «Եթե դու դրախտ ես որոնում, ապա կարող ես գտնել Հայաստանում։ Այդ երկրում դու կբացես քեզ համար Եվրոպայի և Ասիայի միջև սահմանը և կգտնես քո էդեմը։ Եվ այդ ամենը՝ ամենահին քաղաքակրթությունների ակունքների մոտ»։ Այսպիսի նկարագրությամբ է սկսվում իսպանական Etheria Magazine-ի` Հայաստանին նվիրված հոդվածը։ Կայքը կազմել է Հայաստանի ամենազարմանալի վայրերի ընտրանին` առաջարկելով իր հետ անմոռանալի ճանապարհորդություն կատարել։

Հրեշտակների մեջ

Ձեզ անմոռանալի զգացմունքներ են սպասում «Զվարթնոց» տաճարում։ Այն այնքան անիրական է, որ ասես կինոյի կադր լինի։ Տաճարի անունը գրաբարից թարգմանաբար նշանակում է՝ «Արթուն հրեշտակների տաճար»։ Այն քանդվել է մոտ հազար տարի առաջ, նախնական տեսքով կանգնուն է մնացել մոտ 300 տարի։

Զվարթնոց և Արարատ. ի՞նչ շունչ ու ոգի է դրել ճարտարապետը Ստեփանակերտի Մայր տաճարի հիմքում

Տաճարն ավերել է կա՛մ աղետը, կա՛մ կախարդական ուժը։ Մինչև հիմա էլ տաճարի կամարները՝ ասես կախված երկնքից, և շուրջբոլորը փռված քարերը ստիպում են փշաքաղվել։

Храм раннесредневековой армянской архитектуры Звартноц
© Sputnik / Asatur Yesayants
«Զվարթնոց» տաճար

Հացթուխ կանայք

Այնտեղ, որտեղ ավանդական հայկական հաց կտեսնեք, իսկույն կին որոնեք։ Հենց նրանք են կանգնած ամբողջ գործընթացի հետևում՝ գաղափարից մինչև իրագործում։ Այն կազմակերպում է կազմակերպչական և տքնաջան աշխատանք։ Լավաշի խմորը հունցում են ալյուրից և ջրից, այնուհետև բաժանում են փոքր գնդերի, որոնք հետո գրտնակում են թերթի բարակությամբ։ Այնուհետև այն հագցնում են հատուկ փայտե օվալաձև բարձիկի վրա և հարվածելով կպցնում թոնրի պատին։ Որպես կանոն՝ լավաշ են թխում կոլեկտիվով՝ միմյանց միջև բաժանելով դրերը և դրանով արագացնելով ամբողջ գործընթացը։

Այ էս եղավ հայերեն․ Փաշինյանին գինի, պանիր ու լավաշ հյուրասիրեցին Արարատում․ տեսանյութ

Հացն ուտում են մսի, պանրի, կանաչեղենի հետ։ Այն կարելի է պատրաստել կես րոպեում, բայց պահել մինչև կես տարի (ցածր ջերմաստիճանի դեպքում)։

Հարսանիքի ժամանակ նորապսակների ուսերին լավաշ են գցում, որովհետև պտղաբերություն, հաջողություն և բարգավաճում է մարմնավորում։

Հիշեք, որ երբ դուք նայում եք լավաշին, ապա ՅՈՒՆԵՍԿՕ-ի ոչ նյութական ժառանգության նմուշ եք տեսնում։

Женщины села Агцк пекут лаваш
© Sputnik / Asatur Yesayants
Լավաշ թխող կանայք

Արևի երկրպագություն

Ժայռի եզրին գտնվում է Գառնու տաճարը, որը հիշեցնում է անտիկ ճարտարապետության մեկ այլ հուշարձան՝ հին հունական Պարթենոնի տաճարը։ Գառնին ավելի քան երկու հազար տարեկան է, կառուցվել է հայկական Միհր աստծու պատվին։

Տաճարը վերանորոգվել է, իսկ օրիգինալ հին սյուները պահպանվել են մինչ օրս։ Տաճար տանող բարձր աստիճանները երկյուղածություն են հաղորդում։

Гарни, Армения
© Sputnik / Arpi Beglaryan
Գառնու տաճար

Ձեռագրերի և ժամանակակից արվեստի միջև

Հենց Կասկադի ներքևում կարելի է տեսնել կոլումբիացի քանդակագործ Ֆերնանդո Բոտերոյի քանդակները, հսկայական թեյնիկը, ինչպես նաև արվեստի այլ զարմանալի նմուշներ, որոնք մտնում են Գաֆեսճէան արվեստի կենտրոնի հավաքածուի մեջ։

Չի կարող չտպավորել տեսարանը, որը բացվում է քաղաքի վրա Կասկադի վերևից։ Յուրաքանչյուր աստիճանի հետ այն ավելի լայն է ու գեղեցիկ։ Կասկադը միացնում է քաղաքի հյուսիսային մասը հարավայինի հետ։ Կտրվելով ժամանակակից արվեստից՝ հնագույն ձեռագիր մատյանների ինստիտուտում՝ Մատենադարանում, դուք կընկղմվեք պատմության մեջ։

Հենց այստեղ են հավաքված հարյուր հազար եզակի, հրաշքով փրկված ձեռագիր մատյաններ։

Вечер авторской песни Ереванский бард
© Sputnik / Asatur Yesayants
Կասկադ

Խոստումների երկիրը

Երևանից քսան կիլոմետր հեռավորության վրա գտնվում է Սաղմոսավանքը։ Հասնելով Օհանավան գյուղ՝ մեքենայի մասին կարելի է մոռանալ։ Այդտեղից մինչև յուրահատուկ եկեղեցի տանող ճանապարհը հինգ կիլոմետր է։ Եկեղեցին գտնվում է Քասախ գետի գետաբերանին և Արագած լեռան ստորոտին։

Монастырь Сагмосаванк
© Sputnik / Ani Liparityan
Սաղմոսավանք

Որտեղ է ամեն ինչ սկսվել

Երևանում անպայման պետք է այցելել քաղաքի ամենամարդաշատ վայրը՝ Հանրապետության հրապարակ։ Խորհուրդ ենք տալիս բարձրանալ ամենաբարձր կետը և այնտեղից տեսնել հրապարակը։ Անհրաժեշտ է ժամանակ գտնել և այցելել Ազգային պատկերասրահ, որտեղ կարելի է բացահայտել Հայաստանի հարուստ մշակույթը, քաղաքակրթությունը։

День независимости Армении (21 сентября 2018). Еревaн
© Sputnik / Asatur Yesayants
Հանրապետության հրապարակ

Լեգենդար գեղարդի որոնումները

Ժայռափոր Գեղարդի վանքը բառացիորեն ցնցում է։ Եկեղեցու պատերը պատված են խաչքարերով, եկեղեցին եղել և մնում է քրիստոնյաների ուխտագնացության վայրը։ Վանական համալիրի անվանումը ծագում է Լոնգինի գեղարդից, որով հռոմեացի լեգիոները խոցել է Հիսուս Քրիստոսի մարմինը։ Հավատալիքի համաձայն` մասունքը Հայաստան է բերել Թադևոս առաքյալը։ Այսօր գեղարդը ցուցադրված է Էջմիածնի թանգարանում։

Гегард или Айриванк, Армения
© Sputnik / Arpi Beglaryan
Գեղարդի վանք

Սովորել սխալների վրա

Հայաստանում կա վայր, որտեղ սելֆի չես անի, բայց անպայման պետք է այցելել։ «Ծիծեռնակաբերդ» հուշահամալիրը և Հայոց ցեղասպանության թանգարան ինստիտուտը տակնուվրա է անում մարդկանց հոգիները։

Лауреат премии Аврора доктор Том Катена (Судан) в мемориальном комплексе Цицернакаберд (4 июня 2018). Еревaн
© Sputnik / Asatur Yesayants
Ծիծեռնակաբերդ

Համալիրն ասես ասում է՝ կյանքը շարունակվում է։

Հայաստանի «ծով» տանող ճանապարհին

Եթե դուք կանգնած են «հայկական ծովի» մոտ, նշանակում է՝ հասել եք Սևան։ Սա լեռնային լիճ է, որի մեջ թափվում է 28 գետ։ Գտնվում է ծովի մակարդակից երկու հազար մետր բարձրության վրա։ Թերակղզում է գտնվում Սևանավանք միջնադարյան համալիրը։

Монастырский комплекс Севанаванк
© Sputnik / Nelli Danielyan
Սևանավանք

Սահմանին գտնվող լեռը

Հայաստանում դուք կտեսնեք աստվածաշնչյան Արարատ լեռը, որը գագաթը միշտ ձնապատ է։ Հիմա լեռը Թուրքիայի տարածքում է, բայց երբ հասենք Խոր վիրապ, ապա կհասկանաք, թե հայերն ինչու են այստեղ մոռանում աստվածաշնչյան լեռան կարոտը։ Դուք կկորցնեք ձեզ Սուրբ Գրիգոր Լուսավորչի եկեղեցու քարե գեղեցկության մեջ։

Армения
© Sputnik / Алина Старостина
Արարատ

Գլխավոր թեմաներ