09:08 02 հուլիսի 2020
Ուղիղ եթեր
  • USD482.52
  • GBP598.08
  • EUR540.76
  • RUB6.79
Հայաստան
Ստանալ կարճ հղումը
141 0 0

Դատավոր փորձել էր պատուհանից մուտք գործել դատարան, սակայն նրան թույլ չէին տվել։ Պատուհանի գոգից նրան ուժով իջեցնելու հետևանքով դատավորն ընկել էր։

ԵՐԵՎԱՆ, 20 մայիսի — Sputnik. Փաստաբան Հրանտ Անանյանը հանցագործության մասին հաղորդում է ներկայացրել ՀՀ գլխավոր դատախազ Արթուր Դավթյանին` դատավոր Դավիթ Բալայանի հետ կատարված դապքի առիթով։ Այս մասին փաստաբանը հայտնել է Facebook–ի իր էջում հրապարակելով բողոքի դիմումի լուսանկարը։

«Համացանցում տեսանյութ է տարածվել, որտեղ երևում է, թե ինչպես են այսօր առավոտյան մի խումբ քաղաքացիներ Երևան քաղաքի ընդհանուր իրավասության դատարանի Շենգավիթի նստավայրի մոտ դատավոր Դավիթ Բալայանին խոչընդոտում մուտք գործել դատարանի շենք և կատարել իրենց ծառայողական պարտականությունները։ Դատավորի նկատմամբ ակնհայտ և հստակ բռնություն են գործադրում, որի արդյունքում նա ընկնում է գետնին»,–իր դիմումում գրել է փաստաբանը։

Նա գրել է նաև, որ այդ ընթացքում հավաքվածներից մեկը վիրավորական արտահայտություններ է հնչեցրել դատավորի հանդեպ։ Փաստաբանը մեջբերել է ՀՀ քրեական օրենսգրքի 316-րդ հոդվածը`իշխանության ներկայացուցչի նկատմամբ բռնություն գործադրելը։

Հիշեցնենք, որ հայտնել էինք, որ Շենգավիթ վարչական շրջանի ընդհանուր իրավասության դատարանի դատավոր Դավիթ Բալայանն այսօր առավոտյան փորձեց դատարան մուտք գործել պատուհանից։ Դատարանի մուտքը փակած մարդիկ, սակայն, թույլ չտվեցին նրան մուտք գործել դատարան, և պատուհանի գոգից նրան ուժով իջեցնելու հետևանքով դատավորն ընկավ։

Ըստ թեմայի

Նիկոլ Փաշինյանը հեռախոսազրույց է ունեցել Արամ Ա–ի հետ
«Դիմելու եմ դատախազություն». Արմեն Գևորգյանի պաշտպանին արգելեցին մտնել դատարան. տեսանյութ
Բողոքի ակցիաները բոլորովին կապ չունեն Քոչարյանի դատական գործընթացի հետ. Լիլիթ Մակունց
թեգերը:
ՀՀ դատախազություն, Հայաստան

Գլխավոր թեմաներ