03:26 21 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Губернатор Сюника Унан Погосян на форуме «Мой шаг во имя Сюникской области» (27 мая 2017). Татев

Հունան Պողոսյանը չի վախենում Լևոն Երանոսյանի գործով հարցաքննությունից

© Photo / official site of the Prime minister of RA
Հայաստան
Ստանալ կարճ հղումը
111 0 0

ՀՀ ոստիկանության պետի նախկին տեղակալ, իսկ այսօր Սյունիքի մարզպետ Հունան Պողոսյանը պատրաստ է հաշիվ տալ` Երևանում անցած տարվա բողոքի ցույցերի ժամանակ կատարած գործողությունների համար։

ԵՐԵՎԱՆ, 27 մայիսի — Sputnik. Սյունիքի մարզպետ Հունան Պողոսյանը չի վախենում «թավշյա հեղափոխության» իրադարձությունների վերաբերյալ հարցաքննություններից։  Այսօր նա այդ մասին ասաց լրագրողներին։

Անցած տարվա ապրիլ–մայիսին տեղի ունեցած բողոքի ցույցերի ժամանակ  ոստիկանությունը մի քանի անգամ լուսաձայնային նռնակ էր կիրառել (մարտական զենք չի օգտագործվել, զոհեր չեն եղել)։ Ոստիկանության գործողությունների հետ կապված քրեական գործ է հարուցվել Լևոն Երանոսյանի դեմ (այդ ժամանակ նա ՀՀ ոստիկանության պետի տեղակալն էր և ղեկավարում էր ոստիկանական զորքերը)։ Նրան մեղադրանք է առաջադրվել ՀՀ ՔՕ 309–րդ հոդվածի 2-րդ և 3-րդ մասի (Պաշտոնեական լիազորություններն անցնելը, որը զուգորդվել է բռնություն, զենք կամ հատուկ միջոցներ գործադրելով և որն անզգուշությամբ առաջացրել է ծանր հետևանքներ)։

Ավելի վաղ Երանոսյանի փաստաբանը հայտարարել էր, որ հարցաքննության է պետք կանչել ոչ միայն իր պաշտպանյալին, այլև Հունան Պողոսյանին, որն այն ժամանակ ոստիկանության պետի առաջին տեղակալն էր։

Պողոսյանն այսօր վստահեցրեց, որ հարցաքննության հետ կապված մտավախություններ չունի։

«Երբ դատարանը նպատակահարմար կգտնի, կհարցաքննվեմ, բացարձակ մտավախություն չկա, մեկ գործով չէ, որ հարցաքննվել եմ», – ասաց նա։

Անդրադառնալով ոստիկանության աշխատանքի այսօրվա մակարդակին` Պողոսյանը նշեց,  որ չի ուզում պրոֆեսիոնալ գնահատականներ տալ։

«Բայց որպես քաղաքացի` ես նրանց աշխատանքը նորմալ եմ գնահատում», – ասաց նա` պատասխանելով Sputnik Արմենիայի հարցին։

Նշենք, որ ոստիկանության ղեկավարությունը «թավշյա հեղափոխությունից» հետո ամբողջությամբ փոխվել է։ Ոստիկանապետ է դարձել ՀՀ ոստիկանության պետի նախկին տեղակալ Վալերիյ Օսիպյանը։ Նախկին պետ Վլադիմիր Գասպարյանն ու նրա տեղակալները նույնպես լքել են իրենց պաշտոնները։

Ըստ թեմայի

Ջրառատի ծեծկռտուքի մասնակիցներից է նաև Լեռնիկ Երանոսյանը
Երանոսյանը հանրահավաքների բախումներից միայն մի դեպք է հիշում. «Ժողովուրդ»
Վիճաբանություն–ծեծկռտուք Երևանում. կասկածյալներն են Լևոն Երանոսյանը, որդին և փեսան
թեգերը:
«Թավշյա հեղափոխություն», Հունան Պողոսյան, Նիկոլ Փաշինյան, Սյունիք, Հայաստան

Գլխավոր թեմաներ