10:25 20 օգոստոսի 2019
Ուղիղ եթեր
  • USD475.91
  • GBP576.71
  • EUR528.16
  • RUB7.12
Կաշառք

Կաշառք ստանալու պահին ԱԱԾ–ն կալանավորել է ՀՀ սոցապ ծառայության պաշտոնատար անձի

CC BY 2.0 / Hloom Templates / Human Hands Exchanging Money
Հայաստան
Ստանալ կարճ հղումը
15810

2019թ. հունվարից առ այսօր նա թոշակառուներից պահանջել և ստացել է ընդհանուր առմամբ 1.280.000 ՀՀ դրամի չափով կաշառք:

ԵՐԵՎԱՆ, 26 հունիսի — Sputnik. Հայաստանի Հանրապետության ազգային անվտանգության ծառայությունը բացահայտել է ՀՀ սոցիալական ապահովության ծառայության Գավառի տարածքային բաժնի պետի կողմից կաշառք պահանջելու և ստանալու դեպքեր:

Ձեռք բերված նախնական տվյալների համաձայն՝ ՀՀ սոցիալական ապահովության ծառայության Գավառի տարածքային բաժնի պետը, պաշտոնեական կեղծ փաստաթղթեր պատրաստելով և դրանց օգտագործմամբ պետական կենսաթոշակային համակարգի տվյալների շտեմարանում աշխատանքային ստաժի հետ կապված կեղծ տեղեկություններ մտցնելով, կենսաթոշակառուների առավել բարձր կենսաթոշակի գումարի չափն ապահովելու համար, վերջիններիցս 2019թ. հունվարից առ այսօր պահանջել և ստացել է յուրաքանչյուրից մինչև 300 հազար ՀՀ դրամի, ընդհանուր առմամբ՝ առանձնապես խոշոր չափերով 1.280.000 ՀՀ դրամի չափով կաշառք:

2019թ. հունիսի 19-ին հերթական կաշառքը՝ 210 հազար դրամի չափով, ստանալու պահին նշված պաշտոնատար անձը և կաշառք տվողը բռնվել են ՀՀ ԱԱԾ աշխատակիցների կողմից: Գումարը հայտնաբերվել է քաղաքացու անձնագրի միջից:

Գեներալ են ներկայացել ու գումար հափշտակել. ԱԱԾ–ն խաբեության նոր դեպք է բացահայտել

Առերևույթ հանցագործության դեպքի առթիվ ՀՀ ԱԱԾ քննչական դեպարտամենտում հարուցվել է քրեական գործ՝ ՀՀ ՔՕ համապատասխան հոդվածներով:

Նշված պաշտոնատար անձին մեղադրանք է առաջադրվել, խափանման միջոց է ընտրվել կալանավորումը:

 

Ըստ թեմայի

Հայտնի է, թե ով է կաշառքի գործով ԱԱԾ ձերբակալած պաշտոնյան
Նիկոլ Փաշինյանն աշխատանքից ազատել է կաշառքի վրա բռնված փոխնախարարին
Հնարամիտ խարդախն ու կաշառատու դյուրահավատները. ի՞նչ է պետք կաշառքի փոխարեն
թեգերը:
Կաշառք, պաշտոն, Ձերբակալում, կալանավոր, ՀՀ Ազգային Անվտանգության ծառայություն. ԱԱԾ, դրամ, Հայաստան

Գլխավոր թեմաներ