09:24 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Հայկ Մարության

«Զավեշտի հասնող պնդումներ են». Հայկ Մարությանը կպատասխանի «Սանիթեքին»

© Sputnik / Asatur Yesayants.
Հայաստան
Ստանալ կարճ հղումը
15010

Երևանի քաղաքապետի մամուլի խոսնակը վստահեցնում է, որ քաղաքային իշխանությունը մշտապես խոսել է «Սանիթեքի» հետ հարաբերությունները շարունակելու մասին։

ԵՐԵՎԱՆ, 2 օգոստոսի – Sputnik. Երևանի քաղաքապետ Հայկ Մարությանի մամուլի խոսնակ Հակոբ Կարապետյանը համարում է, որ «Սանիթեք» ընկերության ղեկավարության այսօրվա հայտարարություններն անհիմն են։ Նա այս մասին ասաց Sputnik Արմենիային։

«Քաղաքապետարանը միշտ բոլոր այդ ամիսներին հայտարարել է, որ պատրաստակամ է շարունակել հարաբերությունները «Սանիթեքի» հետ։ Ինչ վերաբերում է ասուլիսին, ես ուղղակի կարճ ասեմ, որ ասուլիսի ընթացքում հնչեցին մի շարք անհիմն և երբեմն զավեշտի հասնող պնդումներ։ Քաղաքապետը թեմային կանդրադառնա երեկոյան հարցազրույցի ժամանակ։ Սպասենք հարցազրույցին»,– ասաց նա։

«Սանիթեք» ընկերության տնօրեն Նիկոլաս Թավիլն այսօր հայտարարեց, որ իրենց դեմ հարուցված քրեական գործը քաղաքական ենթատեքստ ունի և նպատակը ունեցվածքը խլելն է։

Թավիլը նշեց նաև, որ արբիտրաժային դատարան կդիմեն, եթե Երևանի քաղաքապետարանը չընդունի Երևանում աղբահանության խնդրի լուծման իրենց պայմանները։

Հիշեցնենք, որ «Սանիթեք» ընկերությունը մեղադրվում է խոշոր չափերով հարկեր չվճարելու մեջ։ «Սանիթեք ինթերնեյշնլ» ՍՊԸ և «Սանիթեք» ՍՊԸ հայաստանյան մասնաճյուղի վերաբերյալ նախապատրաստված նյութերով առանձնապես խոշոր չափերով հարկերը չվճարելու դեպքի առթիվ քրեական գործ է հարուցվել դեռևս փետրվարի 22-ին։

Քրեական գործով որպես մեղադրյալ ներգրավված անձինք չկան:

«Սանիթեքը» կարող է արբիտրաժային դատարան դիմել. ի՞նչ է պահանջում ընկերությունը

Քրեական գործի նախաքննության ընթացքում «Սանիթեք» ՍՊԸ հայաստանյան մասնաճյուղի և «Սանիթեք ինթերնեյշնլ» ՍՊ ընկերության կողմից կատարված իրավախախտումների ծավալը պարզելու համար նշանակվել են համալիր հարկային ստուգումներ, որոնք դեռևս ընթացքի մեջ են:

Հիշեցնենք նաև, որ օրեր առաջ Երևանի քաղաքապետ Հայկ Մարությանը հայտարարեց, որ քաղաքը չի կարող ունենալ այնպիսի աղբամաններ, ինչպիսին տրամադրում է «Սանիթեք» ընկերությունը, և որ քաղաքային իշխանությունները թույլ չեն տալու, որ Երևան քաղաքում աղբահանությունը մնա այս վիճակում:

Նա նշեց, որ քաղաքային իշխանությունն առավելապես աջակցել է «Սանիթեք» ընկերությանը, ամեն ինչ արել է, որ ընկերությունը ոտքի կանգնի, բայց ապարդյուն։

Ըստ թեմայի

«Դուք խայտառակ եղաք, պարոն Մարության». Անի Սամսոնյանը` աղբահանության խնդրի մասին
Երևանին սպառնում է աղբի կոլապս. կառավարությունը փորձում է լուծել աղբահանության խնդիրը
«Սանիթեքի» դեմ գործը քաղաքական ենթատեքստ ունի. ուզում են խլել մեր ունեցվածքը. տնօրեն
թեգերը:
աղբ, Սանիթեք, Երևանի քաղաքապետարան, քաղաքապետ, Երևան, Հայկ Մարության

Գլխավոր թեմաներ