21:42 29 հունվարի 2020
Ուղիղ եթեր
  • USD478.58
  • GBP622.87
  • EUR526.53
  • RUB7.65
Հայաստան
Ստանալ կարճ հղումը
36510

Երևանում ռուսաստանցի լրագրողների խումբը շփվել է վարչապետ Նիկոլ Փաշինյանի հետ։ Քննարկվել են ամենատարբեր հարցեր` ղարաբաղյան հակամարտությունից մինչև Մոլոտով–Ռիբենտրոպի պակտ։

ԵՐԵՎԱՆ, 20 նոյեմբերի - Sputnik, Աշոտ Սաֆարյան. Հայտնի ռուսաստանցի լրագրող, Մերձավոր արևելքի հարցերով փորձագետ Աբաս Ջուման Sputnik Արմենիայի հետ հարցազրույցում պատմեց Հայաստանում կատարած պրես տուրից տպավորությունների, վարչապետ Նիկոլ Փաշինյանի հետ հանդիպման և Սիրիայի կյանքում հայերի դերի մասին։

Վարչապետը լրագրողների հետ շփվել է նոյեմբերի 18–ին, քննարկվել են տարբեր հարցեր` ղարաբաղյան հակամարտությունից մինչև Մոլոտով–Ռիբենտրոպի պակտ։ Ջումայի խոսքով` Փաշինյանը բավական դրական տպավորություն է թողել նրա վրա։

«Փաշինյանը հետաքրքիր է, խելացի, հնարամիտ։ Մի խոսքով` լրագրող։ Ես վաղուց եմ հետևում, թե ինչպես է նա իրեն պահում լրագրողների հետ։ Դա միշտ գովելի է։ Նա չի անտեսում ԶԼՄ–ներին, միշտ ընդառաջ է գալիս։ Միաժամանակ կարողանում է որտեղ պետք է` անկեղծ և շիտակ, իսկ որտեղ պետք է` դիվանագիտորեն պատասխանել ամենախրթին հարցերին»,–ասաց Ջուման։

Իրանում ռուս լրագրողի անձնագիրը խլել են, հետո նրան ձերբակալել

Փորձագետը հատուկ նշեց ձևաչափը, որով տեղի է ունեցել ՀՀ վարչապետի հետ հանդիպումը։ Զրույցն ընթացել է ազատ, անկաշկանդ մթնոլորտում, հանդիպման կազմակերպիչները չեն պահանջել նախօրոք համաձայնեցնել հարցերը։ Ջումային ամենից շատ տպավորել է վարչապետի պատասխանը ղարաբաղյան հակամարտության մասին հարցին։

«Իմ հիշելով` հայ առաջնորդներից ոչ մեկը չի ասել, որ Ղարաբաղի խնդրի լուծումը պետք է համապատասխանի Հայաստանի, Ղարաբաղի և Ադրբեջանի ժողովուրդների շահերին։ Ճիշտ է, Փաշինյանին հաճախ են քննադատում դրա համար, բայց կեցցե նա։ Ըստ էության, նա արել է առաջին քայլը։ Այո, անհասկանալի է, թե ինչ կլինի, եթե Ալիևն ասի նույն բանը։ Պակաս կարևոր չէ, որ Փաշինյանն առաջինն է արել այդ խորհրդանշական քայլը։ Այնպես որ, սպասում ենք Բաքվի պատասխանին»,–ասաց Ջուման։

Լրագրողներին հետաքրքրել է նաև Հայաստանի ղեկավարության դիրքորոշումը սիրիական հակամարտության վերաբերյալ` հաշվի առնելով երկու երկրների միջև պատմական կապերը, և այդ արաբական հանրապետությունում մեծ հայ համայնքի առկայությունը։

«Հայերը պաշտպանում են իրենց ընտանիքները, իրենց դպրոցները և եկեղեցիները, որոնք Սիրիայում շատ են։ Եվ ասում եմ դա ոչ այն պատճառով, որ հիմա Հայաստանում եմ։ Ես միշտ ասել եմ, որ միայն հային է հաջողվում այդպես ներդաշնակորեն համադրել սեփական մշակույթը, լեզուն, Հայաստանին նվիրվածությունը և միաժամանակ այն երկրի օրինակելի քաղաքացի լինել, որտեղ նա ապրում է»,–ասում է Ջուման։

Նրա խոսքով, երբ Սիրիայում սկսվել է քաղաքացիական պատերազմը, շատ սիրիացիներ անցել են «Իսլամական պետության», «Ան Նուսրայի» և այլ ահաբեկչական խմբավորումների կողմը։ Շատ սիրիացիներ աջակցություն են հայտնել նրանց. մեկը խոսքով, մյուսը` գործով։

Բայց Ջուման երբեք չի լսել, որ հայերից մեկն այս կամ այն կերպ աջակցած լինի թշնամիներին և բռնազավթողներին։ Նա չի տեսել թշնամուն սատարող որևէ հայի։

Ջուման կարծում է, որ Սիրիայի համար հիմնական խնդիրը հիմա Թուրքիան է։ Եվ հայերը բոլորից լավ գիտեն, թե ինչ է նշանակում առնչվել թուրքական սպառնալիքին։ Նրա խոսքով` հիմա հատկապես սուր է դրված Կամիշլի քաղաքի հայերի անվտանգության հարցը։

Ինչո՞ւ եք դուք ներգրավվել Մինսկի խմբի բանակցություններում. Փաշինյանը` ադրբեջանցի լրագրողին

«Փաշինյանն այդ թեմայով զրուցել է նաև Ռուսաստանի նախագահի հետ` Վլադիմիր Պուտինի և Էրդողանի հանդիպման նախաշեմին։ Եվ Փաշինյանի շնորհիվ Պուտինը բարձրացրել է այդ հարցը Էրդողանի մոտ»,–ասաց նա։

Հիշեցնենք`հոկտեմբերի 12-ին Փաշինյանը հայտնել էր, որ հեռախոսով զրուցել է ՌԴ նախագահ Վլադիմիր Պուտինի հետ և խնդրանքով դիմել նրան, ինչը կարևոր է Սիրիայի հայ համայնքի անվտանգության համար:

Ըստ թեմայի

Փաշինյանը «գաղտնազերծել» է Պուտինի հետ գազի սակագնի մասին բանակցությունների մանրամասները
Հայաստանը տուն է բոլոր հայերի համար. Փաշինյանը խոսել է սիրիացի փախստականների մասին
Հայաստանը պատրա՞ստ է մտնել Եվրամիություն. Փաշինյանի պատասխանը
«Ուրախ եմ, որ անդառնալի վնաս չի պատճառվել». Փաշինյանը գրառում է արել «Ոսկե» գրքում
թեգերը:
Աբաս Ջումա, Հայաստան, Ռուսաստան, Լրագրող, Նիկոլ Փաշինյան

Գլխավոր թեմաներ