23:31 29 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
28010

Միքայել Մինասյանը մեղադրվում է պաշտոնեական լիազորություններն անցնելու մեջ. նրա դեմ հարուցված քրգործն ուղարկվել է դատախազություն։

ԵՐԵՎԱՆ, 15 մայիսի – Sputnik. Հատուկ քննչական ծառայությունը տեղեկացնում է, որ քրեական գործ է հարուցվել` անզգուշությամբ ծանր հետևանքներ առաջացրած պաշտոնեական լիազորություններն անցնելու առերևույթ հանցագործության դեպքի առթիվ։

«Ընթացիկ տարվա մարտի երեքին մամուլում հրապարակված «Հին Էրիվան հոլդինգ» ՍՊԸ մասնակից Մանվել Տեր–Առաքելյանի ֆեյսբուքյան գրառման առթիվ ՀՔԾ–ում նախապատրաստված նյութերով տվյալներ են ձեռք բերվել, որ 2007–ի նոյեմբերի 16-ին Տեր-Առաքելյանին պատկանող ընկերությանը տրվել է շինարարության թույլտվություն։ Այսինքն` նա պետք է2 տարվա ընթացքում վերակառուցեր Օպերայի և բալետի ազգային թատրոնի այգու` Թումանյան փողոցին հարող 564 քմ տարածքում գործող «Օդեոն» բացօթյա սրճարանը՝ այն շահագործելու համար»,–նշված է հաղորդագրության մեջ։

Հիշյալ ընկերությունը 2008թ.-ին նախաձեռնել է սրճարանի վերակառուցման աշխատանքները, սակայն 2007-2012թթ-ին ՀՀ վարչապետի ավագ օգնականի, այնուհետև ՀՀ նախագահի աշխատակազմի ղեկավարի առաջին տեղակալի պաշտոնը զբաղեցրած պաշտոնատար անձը Տեր–Առաքելյանից պահանջել է չվերակառուցել և չշահագործել սրճարանը։ Այսպիսով` ընկերությանը փաստացի զրկել է վարձակալած տարածքն իր նշանակությամբ օգտագործելու օրինական իրավունքներից, որի հետևանքով ընկերությունը փաստացի դադարեցրել է գործունեությունը, զրկվել ձեռնարկատիրական գործունեությունը շարունակելու հնարավորությունից։ Ընկերությունը 2007-2014թթ-ի ընթացքում կրել 1 938 798 136 ՀՀ դրամի վնաս:

Անզգուշությամբ ծանր հետևանքներ առաջացրած պաշտոնեական լիազորություններն անցնելու` վերը նշված դեպքի կապակցությամբ ՀՀ հատուկ քննչական ծառայությունում հարուցվել է քրեական գործ` ՀՀ քրեական օրենսգրքի 309-րդ հոդվածի 3-րդ մասով:

Քրեական գործն ուղարկվել է ՀՀ գլխավոր դատախազություն` ըստ քննչական ենթակայության հանձնելու համար:

Ի դեպ, Մանվել Տեր–Առաքելյանը ֆեյսբուքյան գրառման մեջ նշել էր, որ ՀՀ երրորդ նախագահ Սերժ Սարգսյանի փեսա, Վատիկանում ՀՀ նախկին դեսպան Միքայել Մինասյանը «կնոջ հայրիկի աջակցությամբ 500 հազար դոլարանոց սրճարանը ձեռքից խլել է»:

Հիշեցնենք, որ Միքայել Մինասյանը 2007- 2008թթ. վարչապետի ավագ օգնականն է եղել, իսկ 2008- 2012թթ. ՀՀ նախագահի աշխատակազմի ղեկավարի առաջին տեղակալի պաշտոնը զբաղեցրել։

«Թույլ տվեք՝ մենք որոշենք». ՊԵԿ նախագահը խոսեց Միքայել Մինասյանի դեմ հարուցված քրգործից

Մինասյանը որպես մեղադրյալ է ներգրավվել Պետական եկամուտների կոմիտեի քննչական վարչությունում քննվող քրգործի շրջանակում միանգամից 3 հոդվածով: Նրա պաշտպաններից Ամրամ Մակինյանը Sputnik Արմենիային հայտնել էր, որ զավեշտ է եղածը, քանի որ տեխնիկական սխալն ապօրինի հարստացում է որակվել։ Մեղադրանքի անհիմն լինելու հետ կապված պաշտպանն իր տեսակետը ներկայացրել է ինչպես վարույթն իրականացնող մարմնին, այնպես էլ ՀՀ գլխավոր դատախազությանը։

Միքայել Մինասյանին կալանավորելու որոշում է կայացվել, նրա հանդեպ հետախուզում է հայտարարվել։

Միքայել Մինասյանին երեք հոդվածով մեղադրանք է առաջադրվել. մանրամասներ

Ըստ թեմայի

Դատարանը բավարարել է Միքայել Մինասյանին կալանավորելու միջնորդությունը
Փաշինյանը Հայաստանը ներքաշել է միջազգային մաֆիոզական համակարգի մեջ. Միքայել Մինասյան
«Միքայել Մինասյանի հետ ոչ մի կապ չունենք». Էդմոն Մարուքյան
թեգերը:
Դեսպան, Հայաստան, Քրեական գործ, Հատուկ քննչական ծառայություն (ՀՔԾ), Միքայել Մինասյան

Գլխավոր թեմաներ