01:14 26 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88
Հայաստան
Ստանալ կարճ հղումը
324 0 0

Երևանով հոսող միակ գետի՝ Հրազդանի որոշ հատվածներ վերածվել են բաց աղբատարի: Դրանց մաքրությամբ, ըստ էության, ոչ ոք չի զբաղվում: Խնդրի լուծման պատասխանատուներին գտնելու համար Sputnik Արմենիան դիմել է մի շարք պետական մարմինների:

ԵՐԵՎԱՆ, 20 հուլիսի - Sputnik. Բնապահպան Սամվել Պիպոյանը Sputnik Արմենիայի հետ զրույցում իր մտահոգությունը հայտնեց Երևանով հոսող միակ գետի` Հրազդանի էկոլոգիական վիճակի վերաբերյալ:

«Եթե Գետառի հետ միախառնման վայրից վերև գետը համեմատաբար մաքուր է, ապա դրանից ներքև այն միանգամից վերածվում է կոյուղաջուր տանող ջրուղու, որից գալիս է շատ տհաճ հոտ, իսկ Երևանյան լիճ լցվելու վայրից մինչև 1.5 կմ գետը համարյա թե կանգնած է ու չի հոսում, ափերն ամբողջովին պատված են աղբով և ստորակարգ ջրիմուռներով, իսկ գետի մի հատվածում պլաստիկե անոթներն այնքան շատ են, որ ամբողջովին ծածկում են ջրի մակերեսը` մի քանի հարյուր քառակուսի մետր, գուցե ավելի տարածք գրավելով»,- ասաց բնապհապանը:

Мусор в русле реки Раздан
Հրազդան գետի հունը

Բնապահպանի մտահոգության վերաբերյալ պաշտոնական դիրքորոշում ստանալու համար մենք դիմեցինք մի շարք պետական կառույցների:

ՀՀ շրջակա միջավայրի նախարարությունում մեզ ասացին, որ խնդրի հասցեատերը բնապահպանության և ընդերքի տեսչական մարմինն է:

«Բիձի գյոլ» կամ Հրազդան գետով` դեպի անմահություն

Տեսչությունում էլ հայտնեցին, որ իրենք միջոցներ են ձեռք առնում միայն այն արտադրողների նկատմամբ, որոնք աղտոտում են գետի այս կամ այն հատվածը:

«Բայց, քանի որ այս դեպքում խոսքը կենցաղային աղբի մասին է, դրանով զբաղվում է քաղաքապետարանը»,- ասացին տեսչական մարմնից:

Երևանի քաղաքապետարանում էլ ասացին, որ պարբերաբար մաքրում են գետի այս կամ այն հատվածը: Վերջին անգամ՝ մայիսի 15-ին, մաքրվել է գետի՝ Երևանյան լիճ լցվող հատվածը:

Мусор в русле реки Раздан
Հրազդան գետի հունը

Այդ ժամանակ հորդառատ տեղումների պատճառով Հրազդանում հավաքված մեծ քանակի աղբը գետի հունով հասել էր լիճ:

«Պարբերաբար մաքրում ենք աղբը այն հատվածում, որտեղ գետի լցվում է լիճ: Իսկ ամբողջ գետի մաքրության քաղաքապետարանն առայժմ չի զբաղվում»,- ասաց Երևանի քաղաքապետի մամուլի խոսնակ Հակոբ Կարապետյանը՝ հավելելով, որ դա միայն առայժմ:

Мусор в русле реки Раздан
Հրազդան գետի հունը

Հրազդանն Արաքս գետի ձախ վտակն է: Գետն անցնում է միայն Հայաստանի մայրաքաղաքով, իսկ Երևանյան լիճը կամ ջրամբարը, ինչպես ընդունված է անվանել գիտական տեքստերում, ստեղծվել է 1960-ականներին՝ Հրազդան գետի հունը փակելու միջոցով։ Լճի միջին խորությունը 8 մետր է։ Այնտեղ լողալն արգելված է։

Երբ երեխաները մնացին առանց տոնի. երևանյան լուսանկարներ

Ըստ թեմայի

Գեղարոտ գետի ջրի որակն ուսումնասիրվել է. ՀԷԿ–երի աշխատանքը չի՞ ազդում դրա վրա
Երևանի մետրոյով փոքրիկ գետ է հոսում. նախարար
Հայաստանի արագիլները դարձյալ աղտոտվել են. մեկ տարի անց խնդիրը ծագել է այլ մարզում
թեգերը:
Երևանի քաղաքապետարան, քաղաքապետարան, աղբ, Գետ, Հրազդանի կիրճ, Հրազդան

Գլխավոր թեմաներ