12:39 08 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Հայաստան
Ստանալ կարճ հղումը
189 0 0

ԱԱԾ նախկին ղեկավարը կարծում է` իշխող քաղաքական ուժը պարզապես փորձում է կասեցնել իր ակտիվ քաղաքական գործունեությունը։

ԵՐԵՎԱՆ, 31 հուլիսի – Sptutnik. ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանին այսօր ԱԱԾ էին հրավիրել «անհեթեթ» գործի շրջանակում, որով նա որևէ կարգավիճակ չունի։ ԱԱԾ–ից դուրս գալուց հետո լրագրողների հետ զրույցում ասաց հենց Վանեցյանը։

«Ինձ հրավիրել են նյութերի նախապատրաստման փուլում բացատրություն տալու համար։ Ես, ի դեպ, որևէ պարտավորություն չունեի գալու, բայց հարգելով ինստիտուտը` եկել եմ, սակայն հրաժարվել եմ բացատրություն տալ»,–նշեց նա։

ԱԱԾ նախկին տնօրենի խոսքով` գործը ոչնչի մասին է. այն հերթական շինծու և քաղաքական նպատակներ հետապնդող գործ է։ Վանեցյանը կարծում է` իշխող քաղաքական ուժը պարզապես փորձում է կասեցնել իր ակտիվ քաղաքական գործունեությունը։ Նա վստահեցնում է` այս «մեղադրանքը» հօդս է ցնդելու։

Լրագրողների բազում հարցերից հետո Վանեցյանը մանրամասներ հայտնեց գործի մասին` ասելով, որ խոսքը վերաբերում է դեռ 2018-ի դեպքերին։

«2018–ին վերականգնվել է աշխատանքի մեր աշխատակիցներից մեկը, որը, ըստ ԱԱԾ–ի, իրավունք չուներ վերականգնվելու։ Սակայն կարծում եմ` օրենքի ընթերցման հետ խնդիրներ ունեն ինչպես իշխանությունը, այնպես էլ ԱԱԾ տնօրենը»,–ասաց Վանեցյանը։

Նա պնդեց` որևէ օրենքի խախտում տեղի չի ունեցել։

Հիշեցնենք` Վանեցյանին ԱԱԾ կանչելու մասին հայտնի դարձավ երեկ։ Սկզբում տեղեկություններ տարածվեցին, թե նրա նկատմամբ քրեական գործ է հարուցվել պաշտոնեական դիրքի չարաշահմանն ու դրա հետևանքով պետբյուջեին հասցված վնասների համար։ Սակայն ավելի ուշ «Հայրենիք» կուսակցության  խորհրդի անդամ Արսեն Բաբայանը Facebook-ի իր էջում հրապարակեց Վանեցյանին ուղարկված ծանուցագիրը, ըստ որի` ՀՀ ԱԱԾ քննչական դեպարտամենտում նյութեր են նախապատրաստվում ինչ–որ մեկին ԱԱԾ-ում ՀՀ «Ազգային անվտանգության մարմինների մասին» օրենքի 16-րդ հոդվածի պահանջների խախտմամբ պաշտոնի նշանակելու վերաբերյալ։

Ըստ թեմայի

Ինձ մեկուսացնելու խնդիր էր դրվել. Վանեցյանը վստահ է՝ իր երեխաներին գաղտնալսում են
Դատարանն ընդունել է Վանեցյանի հայցադիմումն ընդդեմ Փաշինյանի և նրա մամուլի խոսնակի
«Սա քաղաքական հետապնդում է». Արթուր Վանեցյանին նորի՞ց կհրավիրեն ԱԱԾ
թեգերը:
ՀՀ ազգային անվտանգության ծառայություն. ԱԱԾ, Արթուր Վանեցյան, Հայաստան

Գլխավոր թեմաներ