19:12 27 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Հայաստան
Ստանալ կարճ հղումը
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (87)
24120

Այս պահին Ամուլսարում իրավիճակը մնում է լարված, ցուցարարները հայտարարում են, որ չեն բացելու ճանապարհն ու շարունակելու են պայքարը՝ մինչև իրենց պահանջները կատարվեն:

ԵՐԵՎԱՆ, 5 օգոստոսի – Sputnik. Վայոց Ձորի մարզի ոստիկանությունը քիչ առաջ բերման ենթարկեց Ամուլսարի հանքի շահագործման դեմ բողոքի ակցիայի մասնակիցներից մի քանիսին՝ միաժամանակ փորձելով բացել դեպի Ջերմուկ տանող ավոտճանապարհը: 

Ոստիկանների ու ցուցարարների միջև սկսված քաշքշուկը դադարեցնելու համար ակցիայի կազմակերպիչներն իրենց կողմնակիցներին կոչ արեցին չդիմադրել ոստիկաններին և կանգնել ձեռքերը բաց, դեպի վեր պարզած:

Այս հնարքը, հիշեցնենք, կիրառում էր ՀՀ վարչապետ Նիկոլ Փաշինյանը 2018թ-ի «թավշյա հեղափոխության օրերին»՝ ցույց տալով բողոքի ակցիաների խաղաղ բնույթը:

Այս դեպքում, սակայն, փորձված մեթոդը անօգուտ դուրս եկավ և ոստիկանները բերման ենթարկեցին ակցիայի մասնակիցներին, որոնք չենթարկվեցին ավտոճանապարհը բացելու իրենց պահանջին:

Ամուլսարում լարված իրավիճակ է. մեծ թվով պահնորդներ են եկել

Այս պահին Ամուլսարում իրավիճակը մնում է լարված, ցուցարարները հայտարարում են, որ չեն բացելու ճանապարհն ու շարունակելու են պայքարը՝ մինչև իրենց պահանջները կատարվեն:

Նշենք, որ ոստիկաններին գլխավորում է Վայոց Ձորի ոստիկանապետ, գնդապետ Գևորգ Ազիզյանը:

Հիշեցնենք՝ օգոստոսի 3-ին «Լիդիան Արմենիա» ընկերությունը հանել էր դեպի Ամուլսարի հանքավայր տանող ուղու վրա տեղադրված Ամուլսարի պահապանների վագոն—տնակները ու դրանց փոխարեն տեղադրել պահնորդների համար նախատեսված վագոն-տնակներ, ինչն առաջ էր բերել բողոքի ակցիայի մասնակիցների դժգոհությունը:

Վերջինները հայտարարություն էին տարածել` պահանջելով վերադարձնել իրենց տնակները նախկին տեղը՝ միաժամանակ քաղաքացիներին կոչ անելով ընտանիքներով, երեխաների հետ գնալ Ջերմուկ ու միանալ բողոքի ակցիաներին:

Ամուլսարում կրքերը չեն հանդարտվում. հնարավոր կլինի՞ խուսափել արյունալի բախումից

«Լիդիան Արմենիա» ընկերությունն իր հերթին հայտարարել էր, որ սեփական տարածքից հեռացրել է ապօրինի գույքը։

Լարված իրավիճակն արդեն 2 oր է` շարունակվում է: Երեկա ակցիայի մասնակիցներից 10–ը ոստիկանների հետ ընդհարման հետևանքով բերման էին ենթարկվել ոստիկանության Վայոց Ձորի բաժին:

թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (87)

Ըստ թեմայի

Փաշինյանը քննարկում է ունեցել ջերմուկցիների և «Լիդիանի» ներկայացուցիչների հետ
Պետական մարմինները կարող են արգելել հանքի շահագործումն ու «Լիդիանին» զրկել լիցենզիայից. ՔԿ
Խաչատրյան. «Լիդիանը բորսայում ներկայացվածության առումով խնդիրներ է ունեցել»
թեգերը:
Նիկոլ Փաշինյան, ՀՀ Ոստիկանություն, Ոստիկանություն, հանք, Բողոքի ակցիա, բողոք, Լիդիան, Ամուլսար

Գլխավոր թեմաներ