17:49 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
169 0 0

Վարչապետն ընդգծել է, որ հայերը Լեռնային Ղարաբաղում և Ադրբեջանում 90-ականներից եղել են հարվածի տակ։

ԵՐԵՎԱՆ, 14 օգոստոսի - Sputnik. Մենք իրական խաղաղության կհասնենք միայն այն դեպքում, եթե Ադրբեջանը ևս մեր քայլերին ընդառաջ քայլեր ձեռնարկի այդ ուղղությամբ։ ՀՀ վարչապետ Նիկոլ Փաշինյանը nման կարծիք է հայտնել բրիտանական BBC հեռուստաալիքի Hardtalk հաղորդաշարին տված հարցազրույցում։

«Երբ ես ստանձնեցի ՀՀ վարչապետի պաշտոնը, ես խաղաղության նոր բանաձև առաջարկեցի։ ԼՂ խնդրի ցանկացած կարգավորում պետք է ընդունելի լինի Հայաստանի, ԼՂ–ի ու Ադրբեջանի ժողովուրդների համար։ Ես ՀՀ առաջին ղեկավարն եմ, ով երբևէ բարձրաձայնել է, որ կարգավորումը պետք է ընդունելի լինի հայ ու ադրբեջանցի ժողովուրդների համար։  Բայց Ադրբեջանի ղեկավարը ոչ մի քայլ չարեց իմ այս հայտարարությանն ընդառաջ»,– ասել է Փաշինյանը։

Հաղորդավարի դիտարկմանը, թե հուլիսի կեսերին հայկական ուժերը հրետակոծել են շփման գծի հատվածը, որի ընթացքում զոհվել է Ադրբեջանի 76-ամյա խաղաղ բնակիչը, ինչն էլ Ադրբեջանի պատասխան քայլերի պատճառ է դարձել, ՀՀ վարչապետը պատասխանել է, որ Ադրբեջանն է սկսել Հայաստանի վրա հարձակումը։

«Ադրբեջանի նախագահը երկար ժամանակ ռազմական հռետորաբանություն էր բանեցնում` հայտարարելով, որ ԼՂ խնդրի կարգավորումը հնարավոր է միայն ռազմական ճանապարհով։ Այս հռետորաբանության արդյունքում Ադրբեջանի ղեկավարությունը հայտնվել է մի իրավիճակում, թե ինչպես բացատրի սեփական ժողովրդին` ինչու չկարողացավ հարցն ուժով լուծել»։

Լրագրողի դիտարկմանը, թե Հայաստանը ազգայնամոլական քաղաքականություն է վարում, Փաշինյանը նշել է, որ այդ կարծիքի հետ համաձայն չէ։ Փաշինյանն ընդգծել է, որ հայերը Լեռնային Ղարաբաղում և Ադրբեջանում 90-ականներից եղել են հարվածի տակ։

«Մենք ազգայնամոլ չենք, մենք պաշտպանում ենք մեր գոյությունը։ Ղարաբաղի հայերը գոյության կռիվ են տալիս։ Հայաստանը պատրաստ է խաղաղության և վստահ է` ռազմական լուծում չկա ղարաբաղյան խնդրին», – նշել է նա։

Նույն հաղորդման շրջանակում նա պատասխանել է նաև Ռուսաստանի և Եվրամիության հետ հարաբերությունների, Ռոբերտ Քոչարյանի և հեղափոխությունից հետո չարդարացված սպասելիքների մասին հարցերին։

Ըստ թեմայի

Ալիևը զանգել է Պուտինին. քննարկել են հայ–ադրբեջանական սահմանի վերջին իրադարձությունները
Ի՞նչ է կատարվել հայ–ադրբեջանական սահմանին հուլիսի 27-ի լույս 28-ի գիշերը
ՌԴ–ն ամեն ինչ անում է, որ նվազագույնի հասցնի հայ–ադրբեջանական կրակի վրա յուղ լցնելը
Մոսկվայում հայ-ադրբեջանական բախումների 15 մասնակցի են կալանավորել
թեգերը:
Հայաստան, Տավուշ, Ադրբեջան, Ղարաբաղյան հակամարտություն, Նիկոլ Փաշինյան

Գլխավոր թեմաներ