18:57 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Հայաստան
Ստանալ կարճ հղումը
145 0 0

Երկու երկրների արտաքին գերատեսչությունների ղեկավարները կարևորել են տարածաշրջանային խաղաղության, կայունության և անվտանգության պահպանմանն ուղղված քայլերն ու փոխգործակցությունը:

ԵՐԵՎԱՆ, 25 օգոստոսի - Sputnik. ՀՀ արտաքին գործերի նախարար Զոհրաբ Մնացականյանն այսօր հեռախոսազրույց է ունեցել վրացի գործընկերոջ՝ Դավիդ Զալկալիանիի հետ: ԱԳՆ մամուլի ծառայությունը հայտնում է, որ նախարար Մնացականյանը զորակցություն է հայտնել վրացի պաշտոնակցին Դուշեթի շրջանում տեղի ունեցած ողբերգական ավտովթարի կապակցությամբ, ցավակցելով մահացածների ընտանիքներին և շուտափույթ ապաքինում մաղթելով վիրավորներին:

«Արտգործնախարարներն անդրադարձել են երկկողմ օրակարգի մի շարք հարցերի՝ կարևորելով բազմաոլորտ համագործակցության հետագա ամրապնդման ուղղությամբ շարունակական ջանքերի գործադրումը»,- նշված է ԱԳն պաշտոնական հաղորդագրության մեջ։

Հայաստանի և Վրաստանի արտգործանախարարներն անդրադարձել են նաև կորոնավիրուսի տարածման կանխարգելման և դրա սոցիալ-տնտեսական հետևանքների հասցեագրման ուղղությամբ ձեռնարկվող քայլերին:

Երկու երկրների արտաքին գերատեսչությունների ղեկավարները զրույցի ընթացքում կարևորել են տարածաշրջանային խաղաղության, կայունության և անվտանգության պահպանմանն ուղղված քայլերն ու փոխգործակցությունը:

«Խորապես վշտացա». Փաշինյանը` Դուշեթում տեղի ունեցած ողբերգության մասին

Ըստ թեմայի

Վրաստանում օգոստոսի 25-ը հայտարարվել է սգո օր
Նիկոլ Փաշինյանը ցավակցական հեռագիր է հղել Վրաստանի վարչապետին
Ինչ տեսք ունի Վրաստանում միկրոավտոբուսի սարսափելի վթարի վայրը․ տեսանյութ
թեգերը:
Դավիդ Զալկալիանի, ցավակցություն, Վրաստանի Հանրապետություն, Հայաստան, Զոհրաբ Մնացականյան

Գլխավոր թեմաներ