ԵՐԵՎԱՆ, 10 սեպտեմբերի — Sputnik. Հայաստանում կորոնավիրուսից վերջին մեկ օրում մահվան 1 դեպք է գրանցվել։ Տեղեկությունը հայտնում է ՀՀ առողջապահության նախարարության մամուլի ծառայությունը։
«Մահվան դեպքի վերաբերյալ հայտնում ենք, որ պացիենտը եղել է 82 տարեկան կին և ունեցել է ուղեկցող խրոնիկական հիվանդություններ»,–նշված է նախարարության տարածած հաղորդագրության մեջ։
Հիշեցնենք` սեպտեմբերի 10-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 45326 դեպք, որոնցից 41233-ն առողջացած, 906-ը` մահվան ելքով:
Կորոնավիրուսային հիվանդությամբ այս պահին փաստացի բուժում է ստանում 2908 պացիենտ: Ընդհանուր առմամբ կատարվել է 227809 թեստավորում:
Այսպիսով` երեկ կատարվել է 3250 թեստավորում, որից հաստատվել է կորոնավիրուսային հիվանդության 174 նոր դեպք: Ունենք 210 առողջացած:
Մահվան ևս 3 դեպք. կորոնավիրուսը Հայաստանում արդեն 887 մարդու կյանք է խլել
