22:00 05 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Հայաստան
Ստանալ կարճ հղումը
784 0 0

Արմեն Սարգսյանը նշանակումն արել է ՀՀ վարչապետ Նիկոլ Փաշինյանի առաջարկությամբ։

ԵՐԵՎԱՆ, 18 նոյեմբերի – Sputnik. ՀՀ արտգործնախարար է նշանակվել Արա Այվազյանը։ Տեղեկությունը հայտնում է ՀՀ նախագահի մամուլի ծառայությունը։

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի՝ Արա Այվազյանին նշանակել արտաքին գործերի նախարար»,– նշված է Սարգսյանի հրամանագիրը:

Արա Այվազյանը ծնվել է 1969 թ. մարտի 30-ին Երևանում։

1986-1993թթ. սովորել է ԵՊՀ արևելագիտության ֆակուլտետում (արաբական բաժին), 1994թ-ին` Հայկազյան համալսարանական քոլեջի (Լիբանան) քաղաքագիտության ֆակուլտետում։

Աշխատանքային գործունեություն`

1994-1996թթ․ ԱԳՆ Երկրորդ եվրոպական վարչության կցորդ, երրորդ քարտուղար,

1996-1997թթ․ Արգենտինայում ՀՀ դեսպանության երկրորդ քարտուղար,

1997թ․ ԱԳՆ Ամերիկայի վարչության Կենտրոնական և Հարավային Ամերիկայի երկրների բաժնի վարիչ,

1998թ․ ԱԳՆ քարտուղարության պետ,

1999-2006թթ․ Արգենտինայում և Չիլիում ՀՀ դեսպան (նստավայրը` Բուենոս Այրես),

2000-2006թթ․ Ուրուգվայում ՀՀ դեսպան (նստավայրը` Բուենոս Այրես),

2006-2011թթ․ ԱԳ նախարարի աշխատակազմի խորհրդական,

2006-2011թթ․ Դանիայի Թագավորությունում ՀՀ դեսպան (նստավայրը` Երևան),

2006-2012թթ․ Նորվեգիայի Թագավորությունում ՀՀ դեսպան (նստավայրը` Երևան)

2006-2013թթ․ Շվեդիայի Թագավորությունում ՀՀ դեսպան (նստավայրը` Երևան),

2006-2014թթ․ Ֆինլանդիայի Հանրապետությունում ՀՀ դեսպան (նստավայրը` Երևան),

2011-2016թթ․ Լիտվայի Հանրապետությունում ՀՀ դեսպան (նստավայրը` Վիլնյուս),

2012-2016թթ․ Լատվիայի Հանրապետությունում և Էստոնիայի Հանրապետությունում ՀՀ դեսպան (նստավայրը` Վիլնյուս),

2016-2020թթ․ Մեքսիկայի Միացյալ Նահանգներում ՀՀ դեսպան (նստավայրը` Մեխիկո),

2017-2020թթ․ Կուբայի Հանրապետությունում, Կոստա Ռիկայում, Հոնդուրասի Հանրապետությունում, Գվատեմալայի Հանրապետությունում ՀՀ դեսպան (նստավայրը` Մեխիկո),

2018-2020թթ․ Պանամայում ՀՀ դեսպան (նստավայրը` Մեխիկո)։

Դիվանագիտական աստիճան՝ արտակարգ և լիազոր դեսպան։

Պարգևատրվել է Արգենտինայի կառավարության կողմից «Արժանիքների համար Մեծ Խաչի աստիճանի» շքանշանով:

Օտար լեզուների իմացություն՝ ռուսերեն, անգլերեն, իսպաներեն։

Ամուսնացած է, ունի մեկ որդի:

Հիշեցնենք՝ նոյեմբերի 16–ին ՀՀ վարչապետ Նիկոլ Փաշինյանն ԱԺ–ում հայտարարեց, որ ՀՀ արտաքին գործերի նախարարին աշխատանքից ազատելու որոշում է կայացրել։ Կարճ ժամանակ անց ԱԳՆ խոսնակը հայտնեց, որ Զոհրաբ Մնացականյանը հրաժարականի դիմում է ներկայացրել և հրապարակեց նրա ձեռագիր դիմումը։

Իսկ ԱԻ նախարար Ֆելիքս Ցոլակյանը հրաժարականի դիմում ներկայացրեց նոյեմբերի 17–ին։

Վերջին օրերին իրենց պաշտոններից հեռացել են նաև ԱԺ նախագահ Արարատ Միրզոյանի խորհրդական Աշոտ Ղուլյանը, փոխարտգործնախարար Շավարշ Քոչարյանը, ՀՀ շրջակա միջավայրի նախարարության փոխնախարար Իրինա Ղափլանյանը, փոխվարչապետ Տիգրան Ավինյանի աշխատակազմի ղեկավար Վարագ Սիսեռյանը։

Նշենք, որ պաշտոնյաների ու պատգամավորների հրաժարականները սկսվել են նոյեմբերի 9-ին Հայաստանի, Ռուսաստանի ու Ադրբեջանի նախագահների եռակողմ հայտարարությունից հետո։

Ըստ թեմայի

Վարչապետի պաշտոնավարման դադարեցում և արտահերթ ընտրություններ. ՀՀ նախագահն ուղերձ է հղել
Վարչապետի պաշտոնանկության հարցը որոշողը վարչապետն է. ինչու են փակվել իրավական այլ ուղիները
Մովսես Հակոբյանը հրաժարվել է պաշտոնից
թեգերը:
Արա Այվազյան, Նախարար, ՀՀ Արտաքին գործերի նախարարություն. ԱԳՆ, Հայաստան

Գլխավոր թեմաներ