08:32 02 մարտի 2021
Ուղիղ եթեր
  • USD528.37
  • GBP736.92
  • EUR636.10
  • RUB7.13
Հայաստան
Ստանալ կարճ հղումը
160 0 0

Անդրեյ Ղուկասյանն այսուհետ կարողանա ավելի շատ ժամանակ հատկացնել ընտանիքին ու մասնագիտությանը։

ԵՐԵՎԱՆ, 16 դեկտեմբերի – Sputnik. Լոռու մարզպետ Անդրեյ Ղուկասյանն այսօր պաշտոնից հրաժարվելու դիմում է ներկայացրել ՀՀ վարչապետ Նիկոլ Փաշինյանին։

«Հրաժարականս պայմանավորված է քաղաքական թիմի որոշմամբ, որը ես անվերապահորեն, առանց երկմտելու ընդունել եմ։ Վերջին երկուսուկես տարին իմ կյանքի, թերևս, ամենապատասխանատու ժամանակաշրջանն եմ համարում, երբ պատիվ եմ ունեցել զբաղեցնելու մարզի ղեկավարի չափազանց պատասխանատու պաշտոնը»,– Facebook–ի էջում գրել է նա:

Ղուկասյանը 2018թ.-ի հունիս-հոկտեմբեր ամիսներին պաշտոնավարել է որպես Լոռու մարզպետի տեղակալ, ապա 2018թ.-ի հոկտեմբերի 10-ից մինչ օրս՝ որպես մարզպետ։

«Սա ինձ համար կարևոր շրջափուլ էր, բազմաբովանդակ, գերծանրաբեռնված, գերհագեցած 2.5 աշխատանքային տարիներ, որոնց յուրաքանչյուր օրը ուներ մեկ նպատակ, մեկ ուղերձ, մեկ ակնկալիք. անել ամեն ինչ, որ Լոռիում դրական տեղաշարժեր գրանցվեն, որ փոխվեն տասնամյակներ շարունակ ձևավորված կարծրատիպերը, որ այլընտրանքային ճանապարհներով հարցերի լուծմանը փոխարինելու գա օրենքի գերակայությունը, որ չլինեն արտոնյալներ, որ պետական կառույցն ու պետական աշխատողը դառնա վստահելի, մոտենա մարդուն, լինի նրա հետ ապրող ու ապրումակցող, լինի հավասարը հավասարի պես… Վստահաբար կարող եմ ասել՝ եթե ոչ ամբողջությամբ, ապա որոշ չափով մեզ հաջողվել է հասնել մեր նպատակակետին։ Լոռու մարզպետի պաշտոնն ինձ համար ոչ թե արդյունք էր, այլ միջոց` այդ նպատակները կյանքի կոչելու համար։ Հետադարձ հայացք գցելով՝ ինքս իմ խղճի ու լոռեցու առաջ պարզճակատ եմ ու չե՛մ վարանում ասել` արել եմ հնարավոր ամեն ինչ, աշխատել եմ օրվա գերակշիռ մասը՝ հաճախ երկրորդ պլան մղելով ընտանիքս, հարազատներիս, ընկերներիս՝ չխնայելով ո՛չ ժամանակ, ո՛չ ջանքեր, ոչ նվիրում»,– շեշտել է Ղուկասյանը։

Նա շնորհակալություն է հայտնել լոռեցիներին, իր քաղաքական թիմին, կառավարությանը, մարզային թիմին, համայնքապետներին, ընտանիքին։

«Այսուհետ ևս պատրաստակամ եմ ներդնել իմ փորձառությունն ու գիտելիքները՝ աջակցելով մարզային նոր իշխանությանը՝ ի նպաստ Լոռու և լոռեցու։ Լոռին չափազանց թանկ է ինձ համար, ու 2.5 տարի տևած մեր անդուլ ջանքերը՝ ուղղված մարզի զարգացմանը, լինելու են շարունակական։ Չափազանց բարդ ու գերպատասխանատու այս ժամանակաշրջանը մի նոր շրջափուլի սկիզբ է, որը, հուրախություն հատկապես ընտանիքիս, կունենա նոր բովանդակություն՝ սիրելի մասնագիտությանն ու հարազատ մարդկանց ավելի շատ ժամանակ հատկացնելու առումով»,– եզրափակել է Ղուկասյանը։

նշենք, որ Ղուկասյանը մասնագիտությամբ ատամնաբույժ է։

Հիշեցնենք` օրերս Ազգային ժողովի պատգամավորի մանդատը վայր դրած իմքայլական Արամ Խաչատրյանը Sputnik Արմենիայի հետ զրույցում չէր բացառել, որ իրեն կարող են Լոռու մարզպետ նշանակել։

Ըստ թեմայի

Ինչ հարաբերություններ ուներ Մանուկյանը «նախկինների» հետ, կամ պաշտոն ստանալու նուրբ արվեստը
Կցանկանայի՞ք Վազգեն Մանուկյանին տեսնել ՀՀ վարչապետի պաշտոնում. պատասխանում են քաղաքացիները
Մհեր Գրիգորյանը պաշտոնից չի հրաժարվել
թեգերը:
Հրաժարական, Անդրեյ Ղուկասյան (Լոռու մարզպետ), Հայաստան

Գլխավոր թեմաներ