Չորեքշաբթի լուրեր հայտնվեցին, որ նախարարությունը կկազմի երրորդ և չորրորդ աստիճանի ճարպակալությամբ տառապող զինծառայողների ցուցակն ու կուղարկի նրանց բժշկական հանձնաժողով, որը կորոշի, թե արդյո՞ք նրանք պատրաստ են ծառայության։
Ռուսաստանի առողջապահության նախարարության տվյալների համաձայն` Ռուսաստանի բնակչության տղամարդկանց 55 տոկոսն ու կանանց 60 տոկոսը ճարպակալություն ունի։ Վերջին 10 տարվա ընթացքում ճարպակալություն ունեցող տղամարդկանց թիվը կրկնակի աճել ե։ Չորրորդ աստիճանի ճարպակալություն ունեցող քաղաքացիներն ազատվում են զինծառայությունից։
Ինչպես կարելի է դատել` Հայաստանում ավելորդ քաշ ունեցող մարդկանց մասին տեղեկություններ չկան, բայց մասնագետները նշում են, որ այդ խնդիրը շատ սուր է։ Եթե 30 տարի առաջ ավելորդ քաշը մարդկանց մոտ, սովորաբար, 40–ից հետո էր հայտնվում, ապա այսօր ճարպակալությունը տարածված է նաև երեխաների մեջ։
Ինչ վերաբերում է ավելորդ քաշ ունեցողների զինակոչին, ապա Հայաստանում այն, իհարկե, սահմանվում է բժշկական որոշումներով, բայց դա զորակոչն է, իսկ զինծառայողներին ու ոստիկանության աշխատակիցներին այդպիսի սահմանափակումներն, ասես, չեն վերաբերում։ Դրա հետ կապված, երևի, կարելի էր մտածել այն մասին, որ ռուս զինծառայողների փորձը մեզ մոտ էլ կիրառվի։
Մենք դպրոցում ֆիզկուլտուրայի ուսուցչուհի ունեինք, որը բավականին խոշոր կին էր, ու մեղմ ասած՝ սլացիկ չէր, ի դեպ, հիանալի կին էր, բոլորս պաշտում էինք նրան։
Նա բացատրում էր մեզ, օրինակ, ինչպես թռնել մարզաձողի վրայով կամ ինչպես գնդակը բասկետբոլի ցանցի մեջ գցել, բացատրում էր տեսականորեն, գործնականը մենք ինքներս էինք անում։ Միշտ խնդրում էինք նրան որևէ վարժություն ցուցադրել։ Նա ակնկալում էր դա՝ մենք նրա աշակերտների առաջին սերունդը չէինք, ու քանի որ ուրախ կին էր, մեզ հետ միասին ծիծաղում էր, բայց դա դպրոց էր։
Բայց սրան, օրը հազիվ է տեղաշարժվում, բայց ստիպում է զինվորներին, օրինակ, վազել ու ակտիվ ֆիզիկական վարժություններ կատարել, ասես ծաղրի ենթականերին ու ոչ միայն նրանց, ընդհանրապես, զինվորականի կամ ոստիկանի համազգեստը կրող գեր մարդն, ասես, վարկաբեկի այդ համազգեստն, Անկախ այն բանից՝ նա շտաբի սպա է թե մարտական։
Հատկապես, եթե ավելորդ քաշը ոչ թե օրգանիզմի առանձնահատկություններից է, այլ սեփական անձի հանդեպ անփութ վերաբերմունքից։ Իհարկե, այդպիսի որոշումները պետք է իրագործվեն շատ նրբորեն ու պետք է սպասել և տեսնել՝ ինչպես այդ գործընթացը կանցնի Ռուսաստանում ու կիրառել միայն ամենաարդյունավետը։
Իհարկե, եթե Հայաստանի պաշտպանության նախարարը որոշի, որ դա անհրաժեշտ է։
