Նոյեմբերի 16-ին, կառավարության նիստի ժամանակ, արդարատադության նախարար Դավիթ Հարությունյանը նշել է, որ Ընտանեկան օրենսգրքի ուղղումները պայմանավորված են սահմանադրական բարեփոխումներով: Դրանք հիմնավոր դեպքերում եմ մարդուն զրկում ծնողական իրավունքից, ամրագրում են երեխաների մի շարք իրավունքներ, «երեխայի շահերը» հասկացությունն ու նաև կարգավորում որդեգրման գործընթացը։ Այսինքն՝ ամրագրել են այն ամենն, ինչը վերջերս հասարակության մեջ լուրջ վիճաբանությունների առարկա էր դարձել։
Բացի այդ, նախարարը հայտարարել է, որ միայն հիմա օրենսդրական մակարդակով ֆիքսվեց, որ Հայաստանում կարելի է ամուսնություն արձանագրել միայն կնոջ ու տղամարդու միջև։ «Առաջին անգամ ամրապնդվել է, որ ամուսնությունը կարող է կայանալ միայն կնոջ ու տղամարդու միջև», — մամուլը մեջբերում է արդարադատության նախարարի խոսքերը։
Այն, որ նման ձևակերպումն «առաջին անգամ» է, ասես, լավ զարմացրեց վարչապետ Կարեն Կարապետյանին, վերջինս նույնիսկ հետաքրքրվեց․ «Իսկ մինչ այս ֆիքսվա՞ծ չէր։» Ինչին Դավիթ Հարությունյանը պատասխանեց, որ մինչ այս բացառապես միայն կնոջ ու տղամարդու միջև ամուսության մասին դրույթը գործում էր «ապրիօրի», իսկ հիմա այն ֆիքսված է օրենսդրությամբ։
Այսինքն՝ մինչ այժմ, ելնելով մարդու բնական կենսաբանությունից ու առողջ տրամաբանությունից, ամուսնություններն «ապրօրինի» կայանում էին տարբեր սեռերի ներկայացուցիչների միջև, ու եթե միասեռականների զույգը գար ՔԿԱԳ, նրանց զարմացած կնայեին։ Ես իրավաբան չեմ, բայց ասես այդպիսի սկզբունք կա, որ թույլ է տրվում այն, ինչը չի արգելվում ու ստացվում է, չնայած մեր հայացքներին, միասեռական ամուսնությունները պետք է գրանցվեին, քանի որ արգելք գոյություն չուներ։
Ու եթե այդպես է, անհասկանալի է, ինչի էին տարատեսակ միասեռական կազմակերպություններն իրենց կոտորում, եթե այդպիսի հարաբերությունների գրանցումն անօրինական չէր։ Գրանցվեիք ձեզ համար, թե պետք էր անպայման օրենքում գրել, որ Հայաստանում կարելի է ամուսնություն գրանցել տղամարդու ու տղամարդու, կամ կնոջ ու կնոջ միջև։ Սուս-փուս գրանցվեիք, իսկ հիմա․․․
Ու ի զուր էին իրենց կոտորում, լրիվ հակառակ արդյունք ստացան։ Այսուհետ՝ չի կարելի։ Չեմ ուզում նույնիսկ մտածել՝ ինչպիսի հիասթափություն են ապրում երկսեռ մարդկության դեմ պայքարողներն, ու հատկապես՝ ինչպես դա կազդի համապատասխան դրամաշնորհների հոսքի վրա, ու ինչպիսի հաշվետվություն կպահանջեն դրամաշնորհ տվողները՝ բացի ձեզ կոտորելուց էլ, ինչո՞վ էիք զբաղված։ Բայց դա մեր գործը չէ ու մեր դարդը չէ։
Հիմա պետք է ինչ-որ սողանցք գտնել, հնարավոր է՝ սեռը փոխել։ Երբեք չեմ հետաքրքրվել, կարելի է դա արդո՞ք անել Հայաստանում, բայց եթե հնարավոր է, ու եթե այդպիսի բժիշկներ կան, ապա կառավարական որոշումը կարող է նրանց վրա էլ ազդել․ նրանց աշխատանքը մի բան կտրելու կամ նույն բանն ուրիշին կարելու հետ կապված կարող է ավելանալ։ Դա լավ ազդեցություն կունենա ընդհանուր առմամբ առողջապահության ոլորտի վրա, ու մենք ևս մի քայլ կանենք Սինգապուրի բաղձալի կանգառի ուղղությամբ։
Իսկ ընհանրապես, մենք պետք է շնոհրակալ լինենք աստծուն կամ բնությանը, որ երկսեռ ենք ստեղծվել։ Սարսափելի է նույնիսկ երևակայել՝ ինչ խառնաշփոթ կտիրեր, քանի հնարավոր համադրություն կդիտարկեին տարատեսակ ոչ ավանդական ընտանիքները պաշտպանող շարժումները, եթե երեխա ունենալու համար անհրաժեշտ լիներ երեք սեռի ներկայացուցիչների միությունը․․․
Կարծես՝ հին դպրոցի ֆանտաստներից մեկը երևակայել էր այդպիսի աշխարհ։ Բայց ավելի լավ է այն ֆանտաստիկայի ժանրում մնա։
