15:22 23 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28
Ջերմուկ

Զբոսաշրջիկի նոթեր. զբոսավարները ձեզ ցույց չեն տա Ջերմուկի այս անկյունները

© Sputnik / Janna Poghosyan
Հեղինակներ
Ստանալ կարճ հղումը
Ժաննա Պողոսյան
29530

Ջերմուկը բացառիկ քաղաք–առողջարան է, որը գտնվում է Հայաստանի հարավում, ունի նույնանուն ջրվեժ, շրջապատված է բարձրադիր մարգագետիններով և հարթավայրերով։ Sputnik Արմենիան իր ընթերցողին է ներկայացնում Ջերմուկի առավել հետաքրքիր վայրերը, որոնք զբոսաշրջային ուղեցույցներում դժվար թե գտնեք։

«Ապոկալիպտիկ» շենքերի սիրահարների համար

Խորհրդային Միության տարիներին Ջերմուկը բարձր արվեստի բարգավաճման համբավ ուներ։ Նույն ժամանակաշրջանում Ջերմուկի կենտրոնում մշակույթի կենտրոն կառուցեցին` կինոդիտման համար նախատեսված մեծ դահլիճներով, երկհարկանի գրադարաններով, լողավազանով և այլ հարմարություններով։ Հնաբնակներն ասում են, որ համալիրում երիտասարդների պակաս չկար։ Այստեղ փառատոներ էին անցկացվում, այլ քաղաքներից և գյուղերից մարդիկ էին գալիս լողալու և կինո դիտելու։

Բայց ԽՍՀՄ-ի փլուզումից հետո սկսեց քանդվել նաև համալիրը. գրադարանը թալանեցին, շենքը մի քանի անգամ հայտնվեց հրդեհի ճիրանում և դարձավ տեղի հարբեցողների սիրելի վայրը։

Այսօր Ջերմուկի կենտրոնում գտնվող ամենամեծ շենքերից մեկն այս տեսքն ունի։

Культурный комплекс, Джермук
© Sputnik / Janna Poghosyan
Ջերմուկի մշակութային կենտրոնը

Շենքը կարող է հետաքրքրել զբոսաշրջիկներին և արտհաուսային արվեստի սիրահարներին։ Ի դեպ, հիանալի տեղ է ինքնատիպ ֆոտոշարք անելու համար։

Զբոսայգի և հերոսների ծառուղի

Մշակութային մռայլ համալիրից դուրս գալուց հետո հայտնվում ես փոքրիկ, տեղ-տեղ ճահճակալած լճի մոտ։ Մի փոքր շրջանցելով` տեսնում ես բավականին գեղեցիկ մի ծառուղի, որը քվեսթ է հիշեցնում։ Առաջադրանքը հերոսին գտնելն է։

2000-ականների սկզբին Ջերմուկում կառուցել են ջերմուկցի պատգամավոր և գրող Ֆերդինանտ Ղազարյանի անվան ծառուղին։ Այստեղ ամենուր հայ ֆիդայիների արձաններ են։ Կարելի է տեսնել և՛ Հրայր Դժոխքին, և՛ Աղբյուր Սերոբին, և՛ նրա կնոջը` Սոսե Մայրիկին։ Ի դեպ, Հայաստանի տարածքում հայուհիների սակավաթիվ քանդակներ կան, այնպես որ այս արձանը հետաքրքրական է նաև այդ առումով։

Аллея героев, памятник Сосе Майрик, Джермук
© Sputnik / Janna Poghosyan
Սոսե մայրիկի քանդակը

Քանդակներ կան ամենատարբեր տեղերում, տարբեր բարձրությունների վրա, ծառերի տակ։ Բոլորը գտնելու և հերոսների կենսագրությանը ծանոթանալու համար առնվազն մեկուկես ժամ է պետք։

Ճոպանուղին և «համով» լեռը

Վերջերս Ջերմուկում ճոպանուղի են կառուցել, և դա շատ տեղին է։ Զբոսաշրջիկների տեղ ու դադար չկա։ Ճանապարհը տանում է անանուն լեռան մոտ։ Մենք այն անվանել ենք «համով լեռ»` բուսական հարուստ աշխարհի պատճառով։ Այստեղ ամեն ինչ կա` և՛ սունկ, և՛ անանուխ, և՛ ուրց։

Канатная дорога, Джермук
© Sputnik / Janna Poghosyan
Ջերմուկի ճոպանուղին

Ընդհանուր առմամբ պատկերն այսպիսին է` ճոպանուղով բարձրանում են կա՛մ լուսանկարչական սարքերով զինված զբոսաշրջիկները, կա՛մ հսկայական տոպրակներով տեղացիները` խոտաբույսեր և սունկ հավաքելու համար։

Իսկ լեռան վրայից տեսնում ես հիասքանչ Ջերմուկը։ Այստեղից երևում է, որ քաղաքը «բնակելի» և «զբոսաշրջային» հատվածների է բաժանված. քաղաքի երկրորդ հատվածում բնակելի տներ և շենքեր գրեթե չկան։ Այնտեղ ջերմուկցիներն աշխատում են և զբոսնում, իսկ երեկոյան վերադառնում են տուն` քաղաքի մյուս ծայր։

Սրբավայրեր

Հայաստանի յուրաքանչյուր քաղաք հայտնի է իր եկեղեցիներով ու սրբատեղիներով։ Ջերմուկն էլ բացառություն չէ։ Ամենահայտնի վանքը, ուր ձեզ կտանեն բոլոր տուրօպերատորները, Գնդեվանքն է։ Բայց աչքից հեռու մի վայր կա, ինչն ավելի արժեքավոր է դարձնում այն։

Փիլքյասը կամ Սուրբ Օքասը սրբավայր է հենց քարանձավում։ Այստեղ հասնելը հեշտ չէ, հատկապես ավտոմեքենայով, բայց Փիլքյասում իսկապես զգում ես աստվածային մթնոլորտը։

Святыня Сурб Окас
© Sputnik / Janna Poghosyan
Փիլքյասը կամ Սուրբ Օքասը

Գեյզերներ և ջիփ-տուր

Ջերմուկում բարգավաճում է ամենագնացներ ունեցողների գործը։ Ջերմուկի «Տաք ջրերի» մոտ բարձրանալու համար այնպիսի ավտոմեքենա է պետք, որն ամեն ինչին կդիմանա` և՛ ճահճին, և՛ ցեխին, և՛ մարգագետիններին։ Զբոսաշրջիկները շատ են սիրում շրջել ջիփերով։ Թեև չի բացառվում, որ հետո ամբողջ մարմինդ պատվի կապտուկներով, բայց այդ ճանապարհն իսկապես արժի անցնել։

Джип-тур, Вайоц Дзор
© Sputnik / Janna Poghosyan
Ամենագնաց

Գեյզերներից մեկը ջերմուկցիները «Օձի աչք» կամ «Թթուջուր» են անվանում։ Այստեղ միշտ կարելի է մեկանգամյա օգտագործման բաժակներ գտնել, որպեսզի յուրաքանչյուր ցանկացող կարողանա համտեսել տարօրինակ ջուրը։ Բացի այդ, կարելի է լողազգեստ և սրբիչ վերցնել, վերև բարձրանալ, պառկել գեյզերներից մեկում և վայելել ջուրը, ինչպես ջակուզիում։ Այն էլ բացարձակ անվճար։ Այս ամենից կարելի է օգտվել, քանի դեռ տեղացիները հիմնովին չեն «զբաղվել» այս տարածքով։ Այնպես որ պետք է շտապել ու առանց մեծ գումար ծախսելու տեսնել Ջերմուկը։

  • Շաքեի ջրվեժը
    Շաքեի ջրվեժը
    © Sputnik / Janna Poghosyan
  • Գնդեվանք
    Գնդեվանք
    © Photo : provided by Ani Vardanyan
  • Մշակութային կենտրոն
    Մշակութային կենտրոն
    © Sputnik / Janna Poghosyan
  • Լեռներ
    Լեռներ
    © Sputnik / Janna Poghosyan
1 / 4
© Sputnik / Janna Poghosyan
Շաքեի ջրվեժը

Ըստ թեմայի

Լրագրողների արկածները Դեբեդում. նավապետը նետվում է ջուրը, սարսափը հաճույքի է վերածվում
«Սա ձեզ համար Հայաստանը չէ». ինչո՞ւ են երիտասարդ սփյուռքահայերն ուզում ապրել հայրենիքում
Քաջարանցիները, Ջերմուկի «Օձի աչքն» ու Ամուլսարը
«Դուք հիմա ադրբեջանցիների անմիջական թիրախում եք». ռեպորտաժ Նախիջևանի սահմանից
թեգերը:
Հայաստան

Գլխավոր թեմաներ